.jpg)
សមាជិកសភា US ពាក់ឯកសណ្ឋានពណ៌សជាការគោរពចំពោះចលនាទាមទារសិទ្ធិបោះឆ្នោតរបស់នារីក្នុងក្រុងវ៉ាស៊ីនតោន។ AFP
ក្រុងឡុងដ៍: សាស្ត្រាចារ្យដ៏ល្បីល្បាញម្នាក់ បានថ្លែងប្រាប់ AFP ថា មួយសតវត្សរ៍ បន្ទាប់ពីស្ត្រីទទួលបានសិទ្ធិបោះឆ្នោតនៅក្នុងអង់គ្លេសមក គោលគំនិតអំពីបញ្ហាសមភាពនៅតែបន្តចោទជាបញ្ហាជាថ្មីទៀតនៅឡើយ ទន្ទឹមនឹងបញ្ហាការចោទប្រកាន់នានាពាក់ព័ន្ធបញ្ហាអាសគ្រាមផ្លូវភេទនៅទូទាំងសកលលោក ដែលបានកើតឡើងអស់រយៈពេលប៉ុន្មានខែថ្មីៗនេះ។
លោកស្រី Myriam Boussahba-Bravard ជាសាស្ត្រាចារ្យម្នាក់ បង្រៀនអំពីប្រវត្តិសាស្ត្រស្ត្រី និងការសិក្សាផ្នែកយេនឌ័រនៅសាកលវិទ្យាល័យ Paris Diderot University បានថ្លែងមុនពេលប្រារព្ធខួបថ្ងៃទី ៦ ខែកុម្ភៈ ថា៖ «ពាក់ព័ន្ធករណីទាំងពីរ វាគឺជាការពិភាក្សាអំពីបញ្ហានៃសមភាព»។
លោកស្រី Boussahba-Bravard បានថ្លែងថា៖ «សិទ្ធិបោះឆ្នោត បានផ្តល់ឲ្យសមភាពជាផ្លូវការមួយប៉ុន្តែ ពេលអ្វីដែលចោទជាបញ្ហាគឺ យើងចង់បានសមភាពពិត» ដោយបន្ថែមថា៖ «សិទ្ធិបោះឆ្នោតរបស់ស្ត្រីពាក់ព័ន្ធបញ្ហាសមភាពនេះឯង»។
លោកស្រីសាស្ត្រាចារ្យរូបនោះបានថ្លែងថា៖ «ពួកគេទាំងអស់គ្នាក៏មានការប្រឈមជាមួយបញ្ហាការអាសគ្រាមផ្លូវភេទ ជាពិសេស នៅខណៈពួកគេធ្វើបាតុកម្ម លើកលែងតែត្រង់ថា ពេលវេលា ដែលមិនមែនជាអាទិភាពរបស់ពួកគេពីព្រោះសមភាពទទួលស្គាល់ផ្លូវការមិនទាន់មាននៅឡើយ»។
កាលពីខែតុលាឆ្នាំទៅ ក្រុមស្ត្រីរាប់សិបនាក់ បាននាំគ្នាធ្វើការតវ៉ាប្រឆាំងនិងចោទប្រកាន់សេដ្ឋីភាពយន្តអាមេរិក លោក Harvey Weinstein ពីបញ្ហាអាសគ្រាមផ្លូវភេទ និងការរំលោភបំពាន ដោយបានបង្កឲ្យមានការប្រតិកម្មជាបន្តបន្ទាប់ជាមួយការប្រកាសថ្កោលទោសនៅក្នុងពិភពវិស័យសិល្បៈកម្សាន្ត និងមានរឿងលើសពីនេះ ជាច្រើន។
លោកស្រី Boussahba-Bravard ជាអ្នកនិពន្ធសៀវភៅម្នាក់ បានថ្លែងប្រាប់ AFP ថា៖ «ស្ត្រីតែងតែមានសំឡេងប៉ុន្តែទំនងជាកំពុងត្រូវបានគេដឹងឮលើកដំបូង៕
