.jpg)
លោក Duterte (កណ្តាល) គោរពខណៈចូលរួមពិធីខួបការិយាល័យគយ។ AFP
ក្រុងម៉ានីលៈ ប្រធានាធិបតីហ្វីលីពីនលោក Rodrigo Duterte បានបដិសេធលិខិត អញ្ជើញមួយឲ្យចូលរួមជំនួបកំពូលអាស៊ី-អឺរ៉ុបនៅក្នុងក្រុងប្រ៊ុចសែល ខណៈលោកបាន រិះគន់សហភាពអឺរ៉ុប (EU) ជាថ្មី និងបានចោទប្រកាន់ប្លុកនេះ ជុំវិញការរិះគន់ចំពោះសង្គ្រាមគ្រឿងញៀនរបស់លោកបណ្តាលឲ្យមនុស្សស្លាប់ជាច្រើននាក់។
មេដឹកានាំឯកច្ឆន្ទរូបនេះ បានចាត់ទុកសហភាពអឺរ៉ុបមាន ២៨ ប្រទេសនេះ ជាដៃគូពាណិជ្ជកម្មសំខាន់បំផុតទី ២ ថា ឆ្កួតឡប់ និងបានព្រមានថា លោក នឹងមិននៅស្ងៀមនៅចំពោះការប្រឈមនឹងការបង្ក្រាបប្រឆាំងនឹងអំពើឧក្រិដ្ឋកម្មរបស់លោកទេ។
អឺរ៉ុបបានការរិះគន់ចំពោះគោលនយោបាយរបស់លោក Duterte ដែលបណ្តាលឲ្យជនសង្ស័យគ្រឿងញៀនជិត ៤ ពាន់នាក់ស្លាប់ និងក្រុមសិទ្ធិមនុស្ស បានអះអាងថា លោកត្រូវទទួលខុសត្រូវចំពោះឧក្រិដ្ឋកម្មប្រឆាំងនឹងមនុស្សជាតិ។
លោក Duterte បានវាយប្រហារ ក្រោយពីនិយាយថាប្រធានក្រុមប្រឹក្សាអឺរ៉ុប បានអញ្ជើញលោកទៅចូលរួមជំនួបអាស៊ី-អឺរ៉ុប ២ ឆ្នាំម្តងនៅក្នុងខែតុលាខាងមុខ។
លោក Duterte បានប្រាប់បុគ្គលិករដ្ឋាភិបាលថា៖ «លោកធ្លាប់ត្រូវបានអញ្ជើញដោយ EU ដែលជាអង្គការឆ្កួតឡប់មួយនោះ»។ «ខ្ញុំបាននិយាយថា ដើម្បីអីទៅ? អ្នកគិតដល់ខ្ញុំថា តើជាមនុស្សប្រភេទណា? ហេតុអ្វីបានអ្នកផ្លាស់ប្តូរការវាយតម្លៃរបស់អ្នក?
