.jpg)
អ្នកកាសែតបារាំង ប្រចាំសារព័ត៌មាន AFP លោក Sylvain Estibal ភរិយាអ្នកកាសែតម៉ិកស៊ិកដែលត្រូវគេធ្វើឃាតJavier Valdez គឺ លោកស្រី Griselda Triana អ្នកតំណាងរបស់ឧត្តមស្នងការUNHCRប្រចាំនៅម៉ិកស៊ិក លោក Jan Jarab នាយកមជ្ឈមណ្ឌលព័ត៌មានរបស់អង្គការសហប្រជាជាតិ(UNIC)ប្រចាំនៅម៉ិកស៊ិក លោក Giancarlo Summa អ្នកកាសែត ម៉ិកស៊ិក លោកJose Reveles អ្នកកាសែតអេស្ប៉ាញ់ លោក Sergio Rodriguez និង អ្នកដទៃៗទៀត អំឡុងពិធីប្រកាសបើកពានរង្វាន់ The Breach-Valdez Prize ក្នុងវិស័យសារព័ត៌មាន និងសិទ្ធិមនុស្ស ដើម្បីជាកិត្តិយសឧទ្ទិសដល់ក្រុមអ្នកកាសែតដែលបានអំឡុងពេលបំពេញបេសកកម្មរបស៊ខ្លួន។ AFP
ក្រុងម៉ិកស៊ិក: អង្គការសហប្រជាជាតិ (UN) និង (AFP) បានបើកកម្មវិធីផ្តល់រង្វាន់មួយកាលពីថ្ងៃព្រហស្បតិ៍ដើម្បីជាកិត្តិយសឧទ្ទិសដល់ក្រុមអ្នកកាសែតដែលបានប្រថុយជីវិតរបស់ពួកគេរហូតដល់ស្លាប់បាត់បង់ជីវិត ដើម្បីស្រាវជ្រាវរកសព្វព័ត៌មានពាក់ព័ន្ធការរំលោភសិទ្ធិមនុស្សនៅក្នុងទឹកដីម៉ិកស៊ិក ដើម្បីជាការដឹងគុណដល់អ្នកយកព័ត៌មានដ៏ល្បីល្បាញពីរនាក់ដែលត្រូវបានគេធ្វើឃាតកាលពីឆ្នាំទៅ។
ពានរង្វាន់ The Breach-Valdez Prize នឹងត្រូវបានប្រារព្ធធ្វើឡើងដើម្បីជាកិត្តិយសឧទ្ទិសដល់ក្រុមអ្នកកាសែតដែលបានអនុវត្តសកម្មភាពតាមគំរូរបស់សហការីពីរនាក់របស់ពូកគេដែលត្រូវបានគេសម្លាប់គឺ លោកស្រី Miroslava Breach និង លោក Javier Valdez ជាអ្នកកាសែតពីរនាក់ក្នុងចំណោមក្រុមអ្នកយកព័ត៌មានជាង ១០០ នាក់ ដែលត្រូវបានគេធ្វើឃាតចាប់តាំងពីឆ្នាំ ២០០០នៅក្នុងប្រទេសមួយក្នុងចំណោមក្រុមប្រទេសដែលមានគ្រោះថ្នាក់បំផុតសម្រាប់ក្រុមអ្នកសារព័ត៌មាននៅក្នុងពិភពលោក។
លោក ស្រី Miroslava Breach អ្នកឆ្លើយឆ្លងព័ត៌មាន ម៉ិកស៊ិក La Jornada នៅក្នុងរដ្ឋ Chihuahua ជាប់ព្រំដែនទឹកដីសហអាមេរិក គឺជាអ្នកកាសែតស៊ើបអង្កេតដ៏ល្បីល្បាញម្នាក់ ដែលគេស្គាល់ឈ្មោះតាមរយៈរបាយការណ៍ស្តីអំពីទំនាក់ទំនងរវាងក្រុមអ្នកនយោបាយនិងឧក្រិដ្ឋកម្មជាប្រព័ន្ធ។
លោក Giancarlo Summa នាយកមជ្ឈមណ្ឌលព័ត៌មានរបស់អង្គការសហប្រជាជាតិ (UNIC) នៅម៉ិកស៊ិក បានឲ្យដឹងថា គោលបំណងបំណងនៃកិច្ចនេះគឺដើម្បី«សម្តែងការទទួលស្គាល់ចំពោះមុខងារអាជីពរបស់ក្រុមអ្នកកាសែតម៉ិកស៊ិកដែលមានស្នាដៃដ៏មហស្ចារ្យលះបង់ជីវិតរបស់ពួកគេដើម្បីបុព្វហេតុការពារសិទ្ធិមនុស្ស និង សេរីភាព»។
លោកValdez អ្នកកាសែតឈ្នះបានពានរង្វាន់ម្នាក់ដែលបានយកព័ត៌មាននិងផ្សព្វផ្សាយព័ត៌មានអំពីសង្គមជួញគ្រឿងញៀនដ៏មានអំណាចខ្លាំងនៅម៉ិកស៊ិក ត្រូវបានគេបាញ់សម្លាប់កាលពីខែឧសភាឆ្នាំមុនទាំងកណ្តាលថ្ងៃនៅខាងក្រៅទីស្នាក់ការកាសែត Riodoce ជាកាសែតមួយដែលរូបលោកបានរួមបង្កើតនៅក្នុងទីក្រុងគូលីយ៉ាកាន(Culiacan) ជារដ្ឋធានីរបស់រដ្ឋSinaloaជាទឹកដីកំណើតរបស់លោក។
លោកក៏គឺជាអ្នកសហការជួយផ្តល់ព័ត៌មានដ៏យូរអង្វែងម្នាក់ដល់ទីភ្នាក់ងារសារព័ត៌មានAFPផងដែរ៕ AFP/ SN
