ពិធី​រៀប​អាពាហ៍​ពិពាហ៍​ជា​កាតព្វកិច្ច​មួយ​របស់​មាតាបិតា ដើម្បី​ទុកដាក់​កូនចៅ​ឲ្យមាន​គូស្រករ ជាពិសេស​វា​គឺជា​ទំនៀម​ទម្លាប់​ប្រពៃណី​ខ្មែរ​ដ៏ផូរផង់​តាំងពី​បរម​បុរាណ​មក ដែល​មិន​អាច​កាត់​ផ្តាច់បាន។ ចំណែក​ការ​រៀប​អាពាហ៍​ពិពាហ៍​ក៏​ជា​កាតព្វកិច្ច​មួយ​ចាំបាច់​របស់​កូន ប្រុស​ស្រី ដើម្បី​បង្ហាញ​ពី​ការ​ដឹង​គុណ​ដល់​អ្នក​មាន​គុណ​ពេល​ដែល​ពួកគេ ចង់​មាន​គូ ស្រករ​តាមរយៈ​ការ​ប្រណិប័តន៍​ទៅតាម​គន្លង​នៃ​ប្រពៃណី​ខ្មែរ​ដែល​ជា​ការ​ផ្តល់​កិតិ្តយស​ថ្លៃថ្នូរ​សម្រាប់​ក្រុមគ្រួសារ​របស់​ពួកគេ។