Search form

Login - Register | FOLLOW US ON

Logo of Phnom Penh Post newspaper Phnom Penh Post - មជ្ឈមណ្ឌល​អប់រំ​អាមេរិក​នៅ​កម្ពុជា

មជ្ឈមណ្ឌល​អប់រំ​អាមេរិក​នៅ​កម្ពុជា

ការ​បង្កើត​មជ្ឈមណ្ឌល​សិក្សា​អប់រំ ដោយ​បង្រៀន​សិស្ស​កម្ពុជា បែប​ស្តង់ដារ​អាមេរិក វា​ជា​ឱកាស​ដ៏​ល្អ​បំផុត​សម្រាប់ អ្នក​ស្រី Janet English ជា​ជនជាតិ​កាណាដា ដែល​ចង់​ឃើញ​ការ​រីកចម្រើន​របស់​ខ្មែរ។​

120406_02
អ្នកស្រី Janet English នាយិការមជ្ឈមណ្ឌលអប់រំអាមេរិក នៅកម្ពុជា សហការី

នៅ​ពី​ក្រោយ​ជញ្ជាំង​តាម​ដង​មហា​វិថី​ម៉ៅសេទុង មាន​អគារ​ពណ៌​ខៀវ ស និង​ក្រហម ​ដែល​ជា​សាលា​រៀន​ថ្មី​១ ក្នុង​ចំណោម​សាលារៀន​បង្រៀន​ភាសា​អង់គ្លេស ហើយ​សាលារៀន​នេះ​គឺ​មជ្ឈមណ្ឌល​អប់រំ​អាមេរិក។

នាយិកា​មជ្ឈមណ្ឌល ដែល​មាន​ឈ្មោះ Janet English ​បាន​ថ្លែង​ថា អ្វី​ដែល​សាលា​រៀន​បាន​ផ្តល់​ដល់​សិស្ស​គឺ​ខុស​ពី​សាលារៀន​ភាគ​ច្រើន​ នៅ​ក្នុង​ប្រទេស​កម្ពុជា​។ អ្នក​ស្រី​បាន​ថ្លែង​ថា៖​ «​មជ្ឈមណ្ឌល​អប់រំ​អាមេរិក​បាន​បង្កើត​ឡើង​ដើម្បី​បង្រៀន​ខុស​ពី​ការ​ បង្រៀន​ភាសា​ជា​ប្រពៃណី។ អ្នក​ស្រី ​បាន​និយាយ​ឲ្យ​ដឹង​ថា «​យើង​ផ្អែក​លើ​កុំព្យូទ័រ ប្រើប្រាស់​បច្ចេកវិទ្យា ហើយ​សិស្ស​ចូល​ក្នុង​ថ្នាក់​រៀន ត្រូវ​សិក្សា​ផ្អែក​លើ​អ្វី​ដែល​ពួក​គេ​បាន​រៀន​លើ​កុំព្យូទ័រ ដោយ​ប្រើប្រាស់​សំណង់​ប្រយោគ​ភាសា​តែ​មួយ»។

មាន​ស្រុក​កំណើត​នៅ​ Edmonton ​ខាង​លិច​ប្រទេស​កាណាដា អ្នកស្រី English ​បាន​ថ្លែង​ថា ឱកាស​នៅ​កម្ពុជា​ជា​ឱកាស​ល្អ​បំផុត​មិន​អាច​ខក​បាន​ឡើយ។ ​អ្នកស្រី​បាន​បញ្ជាក់​ថា៖ «​ខ្ញុំ​រស់​នៅ​ចិន ៩ ឆ្នាំ និង ៤ ឆ្នាំ​ចុង​ក្រោយ​នៅ​ទីក្រុង​ប៉េកាំង​។ ប៉ុន្តែ​ខ្ញុំ​យល់​ថា ខ្ញុំ​នៅ​ចិន​យូរ​ហើយ ហើយ​កម្ពុជា​បាន​បង្ហាញ​ឱកាស​ជា​ច្រើន។ សាលារៀន​នេះ​បើក​ដំណើរ​ការ ហើយ​កំពុង​ស្វែងរក​អ្នក​មាន​បទពិសោធ​មក​ដំណើរ​ការ​វា​ ហើយ​ខ្ញុំ​មាន​បទពិសោធ​ជា​នាយិកា​ផ្នែក​សិក្សា​អប់រំ​។ ដូច្នេះ​ខ្ញុំ​ពិត​ជា​រីករាយ​ដែល​បាន​មក​ទី​នេះ»។

ការ​ផ្តោត​នៃ​ការ​បង្រៀន​របស់​សាលារៀន​គឺ​មិន​សូវ​លើ​លទ្ធផល សិក្សា​ទេ ​តែ​ច្រើន​លើ​ការ​ទំនាក់​ទំនង​។​«​យើង​មាន​កម្មវិធី​ផ្សេង​ៗ កម្មវិធី​បដិសណ្ឋារ​កិច្ច​អង់គ្លេស ​និង​យើង​មាន​កម្មវិធី​ជំនាញ​សរសេរ​។ មូល​ដ្ឋាន​របស់​យើង​គឺ​យើង​ព្យាយាម​បង្រៀន​ជំនាញ​ស្តាប់ និង​និយាយ​ជាមុន​សិន តាម​របៀប​ដែល​យើង​រៀន​ភាសា​ទី ១ របស់​យើង​»។ ​ប៉ុន្តែ​អ្នកស្រី English ​បាន​សង្កត់​ធ្ងន់​ថា ​ការ​បង្រៀន​មាន​លក្ខណៈ​ហ្មត់ចត់​តាម​ដែល​អាច​ធ្វើ​ទៅ​បាន ក្នុង​ស្តង់​ដារ​អន្តរ​ជាតិ។ «​ប្រសិន​បើ​ជន​ម្នាក់​បាន​រៀន​ដល់​ថ្នាក់​ខ្ពស់​ ពួក​គេ​មិន​គួរ​មាន​បញ្ហា​ក្នុង​ការ​ប្រឡង​ជាប់ IELTS ​ឡើយ​»។

គ្រូ​បង្រៀន​នៃ​មជ្ឈមណ្ឌល​អប់រំ​អាមេរិក​សុទ្ធ​តែ​ជា​ជន​បរទេស លើកលែង​តែ​ថ្នាក់​មូលដ្ឋាន ដែល​ពួក​គេ​ត្រូវ​ប្រើ​ប្រាស់​ភាសាខ្មែរ ហើយ​សាលារៀន​កំពុង​ខិតខំ​ជ្រើសរើស​បុគ្គលិក​ឲ្យ​បាន​ត្រឹមត្រូវ​។ យើង​ចង់​រក​គ្រូ​បង្រៀន​ដែល​មាន​សិ្ថរភាព ហើយ​ចាក់​ឫស​នៅ​ទីនេះ។ យើង​ជ្រើសរើស​អ្នក​ណា​ដែល​យើង​ជួល ​តែ​យើង​ពិត​ជា​មាន​គ្រូ​បង្រៀន​ល្អ​ៗ។

ខណៈ​ដែល​សាលារៀន ប្រាក់​បច្ចេកវិទ្យា​ខុស​ពី​សាលារៀន​ដទៃ​ទៀត វា​កំពុង​មាន​ប្រជាប្រិយភាព​នៅ​កម្ពុជា​។ «​យើង​បាន​បើក​៩ ខែ​ហើយ។ ឥឡូវ​នេះ យើង​មាន​សិស្ស​ប្រហែល ៣០០ នាក់។ វា​កំពុង​តែ​រីក​លូត​លាស់។ វា​ត្រូវ​ការ​ពេលវេលា​។ ​យើង​ទទួល​សិស្ស​ពី​១០ ឆ្នាំ​ឡើង​ទៅ។ យើង​ថែម​ទាំង​មាន​សិស្ស​ក្នុង​វ័យ​៥០ ឆ្នាំ​ផង​ដែរ»។

អ្នក​ស្រី​និយាយ​ថា៖ «យើង​មាន​សិស្ស ដែល​បាន​ចុះ​ឈ្មោះ​សម្រាប់ ត្រី​មាស​ ទី៤​ ពួក​គេ​ដឹង​ថា ពួក​គេ​​អាច​និយាយ​បាន​ងាយ​ឥឡូវ​នេះ ហើយ​ការ​ស្តាប់​របស់​ពួក​គេ​កាន់​តែ​ល្អ​ប្រសើរ​ នៅ​ពេល​ពួក​គេ​និយាយ​ទៅ​កាន់​ជន​បរទេស ហើយ​ពួក​គេ​រីករាយ​ខ្លាំង​ណាស់​»។  ​អ្នកស្រី English ​នឹង​អនុវត្ត​ទស្សនៈ​នៃ​មជ្ឈមណ្ឌល​អប់រំ​អាមេរិក ​នៅ​ទូទាំង​ព្រះ​រាជា​ណាចក្រ​កម្ពុជា​តែ​ម្តង។ អ្នក​ស្រី​ថ្លែង​ថា៖ «​ខ្ញុំ​ចង់​ឃើញ ហើយ​យើង​ធ្វើ​បែប​នោះ មិន​ដោយ​សារ​ខ្ញុំ​ចូល​ចិត្ត​ធ្វើ​ដំណើរ​ទៅ​កន្លែង​ផ្សេង​ៗ​ដូច​ជា សៀមរាប និង​បាត់ដំបង ហើយ​រស់​នៅ​ទីនោះ ​យើង​ប្រហែល​ត្រូវ​ការ​ពេល​មួយ​រយៈ ដើម្បី​ឈរ​ឲ្យ​បាន​រឹងមាំ​នៅ​ទី​នេះ។ អ្នក​បាន​ថ្លែងថា «​យើង​អាច​បង្រៀន​វគ្គ​ខ្លះ​ដោយ​ប្រើ Skype ​សម្រាប់​សិស្ស​មក​ពី​ជុំវិញ​ប្រទេស​ ដែល​ដំណើរ​ការ​បាន​យ៉ាង​ល្អពិត​ៗ ហើយ​យើង​មាន​សិស្ស​មួយ​ចំនួន​ចង់​សិក្សា​ភាសា​អង់គ្លេស​ពិត​ៗ»៕ TK

0

Comments

Please, login or register to post a comment

ព័ត៌មានពាក់ព័ន្ធ