វាជាបញ្ហាលំបាកក្នុងការអនុវត្តតាមក្រឹត្យក្រមនៃការទទួលទាន និងការសិក្សាស្រាវជ្រាវនានាអំពីសុខភាព ដោយសារពិបាកវែកញែករកក្បួនច្បាប់ណាដែលល្អសម្រាប់អ្នក និងក្បួនណាដែលមិនល្អសម្រាប់អ្នកណាស់។ ដូច្នេះ តើចម្លើយមួយណាដើម្បីធ្វើឲ្យគ្រប់ផ្នែកនៃសរីរាង្គកាយរបស់អ្នក មានសុខភាពរឹងមាំល្អ។ យោងតាមស្ថាប័នសុខភាពផ្សេងៗគ្នា (Eat This, Not That, ផ្នែកមួយនៃទស្សនាវដ្តី Men's Health, AskTheTrainer, Shine និង Delish) គេមានអាហារមួយចំនួន ដែលអ្នកគួរតែទទួលទានជារៀងរាល់ថ្ងៃ ដើម្បីថែរក្សាសុខភាព និងធ្វើឲ្យរាងកាយរបស់អ្នកសមស្អាត។ ខាងក្រោមនេះ គឺជាអាហារមួយចំនួនដែលជួយធ្វើឲ្យអ្នកស្ថិតលើផ្លូវឆ្ពោះទៅរក គោលដៅសុខភាពល្អរបស់អ្នក។
យ៉ាអួរ៖ មានសារធាតុប្រូបាយអូទិកដែលជួយធ្វើឲ្យក្បាលពោះយើងរាបស្មើ និងសុខភាពល្អ។ បន្លែជំនួស៖ ប៊័ររឹង ឬប៊័រជិតរឹង និងពពុះទឹកដោះគោកកតិចៗ(ជូរ)។ | វាល់ណាត់៖ ផ្ទុកសារធាតុអូមេហ្គា ៣ ជួយចំណង់ផ្លូវភេទ និងខួរក្បាល។ បន្លែជំនួស៖ គ្រាប់ល្ង គ្រាប់រីករាយ អាល់ម៉ុន និងកៅឡាក់។ | ប៉េងប៉ោះ៖ សំបូរសារធាតុលីកូប៉ែនជួយបញ្ចៀសជំងឺមហារីកស្បែក ប្រមាត់ និងសួត រួមជាមួយនឹងជំងឺបេះដូង។បន្លែជំនួស៖ ឪឡឹក ក្រូចលឿង ទម្លាប់ ល្ហុង និងផ្លែត្របែក។ |
ស្ពីណាច៖ សម្រួលដំណើរឈាម ជួយឆ្អឹងឲ្យរឹងមាំ និងជួយភ្នែកឲ្យភ្លឺថ្លា។ បន្លែជំនួស៖ ស្ពៃស្លឹកក្រញាញ់ ស្ពៃប៉កចយ និងសាឡាដ។ | ត្រីផ្ដល់ប្រូតេអ៊ីន និងវីតាមីនចាំបាច់កាត់បន្ថយភាពចាស់ ជាតិប្រូតេអ៊ីន និងអាស៊ីតខ្លាញ់ពិសេសនៅក្នុងសាច់ និងស្បែកត្រីមួយចំនួនមានគុណប្រយោជន៍លើសលប់ក្នុងការថែរក្សាសម្ផស្សរបស់សុភាពនារីទាំងឡាយ។ ការទទួលទានឱសថខ្លាញ់ត្រី ឬញ៉ាំត្រីស្រស់ជាអាហារជាប្រចាំ នោះអ្នកប្រាកដជាសង្កេតឃើញថា ដំណើរវិវត្តទៅរកភាពចាស់របស់អ្នកគឺយឺតជាងអ្នកដទៃជាមិនខាន។ | ប៊្លូប៊ឺរី ៖ ប្រឆាំងអុកស៊ីតកម្ម ល្អសម្រាប់ខួរក្បាល និងជួយបញ្ចៀសជំងឺមហារីក និងទឹកនោមផ្អែម។ បន្លែជំនួស៖ ផ្លែអាកេប៊ឺរី ទំពាំងបាយជូរពណ៌ស្វាយ គីមប៊ួយ ទំពាំងបាយជូរក្រៀម និងស្រ្តប៊ឺរី។ |
អូត៖ សារធាតុសរសៃជួយប្រព័ន្ធចង្វាក់បេះដូង និងប្រព័ន្ធរំលាយអាហារ។បន្លែជំនួយ៖ សាគូ គ្រាប់ក្រចៅ និងអង្ករដំណើប។ | ជីអង្កាមបង្កើនសម្ផស្សជើង ប្រេងដែលចម្រាញ់ចេញពីស្លឹកជីអង្កាមអាចសម្រួលដល់ប្រអប់ជើងរបស់អ្នក នឹងនាំមកនូវក្លិនក្រអូបប្រហើរទៀតផង។ ដើម្បីឲ្យសាច់ដុំជើងរបស់អ្នកបានសម្រាក នឹងបង្កើនថាមពលជាមួយនឹងភាពស្រស់ស្រាយនោះ អ្នកអាចត្រាំជើងនៅក្នុងប្រេងជីអង្កាមលាយជាមួយទឹកក្តៅឧណ្ឌៗ។ អ្នកនឹងមានអារម្មណ៍ល្ហែល្ហើយ។ | សណ្តែកខ្មៅ ៖ ជាអាហារខួរក្បាល ជួយពង្រឹងការចងចាំ ដំណើរការ និងខ្លាំង។ បន្លែជំនួស៖ គ្រាប់សណ្តែក សណ្តែកហោឡាំងតាវ សណ្តែកតំប៉ែត សណ្តែកសៀង និងសណ្តែកក្រហម។ |
ក្រូចឆ្មារ ជួយឲ្យសក់ និងក្រចកភ្លឺរលោង ជាតិប្រេងចម្រាញ់ចេញពីសម្បកក្រូចឆ្មារពណ៌លឿង អាចបន្ថែមជាតិរលោងដល់សក់ និងក្រចករបស់អ្នកបាន។ វាធ្វើឲ្យជាតិខ្លាញ់ក្នុងស្បែកមានតុល្យភាព ហើយថែមទាំងកាយវិញ្ញាណភ្លឺថ្លាទៀតផង។អ្នកអាចទទួលទានវាស្រស់ៗជាភេសជ្ជៈ និងអាហារ ឬស្វែងរកផលិតផលចម្រាញ់ជាដបនៅតាមផ្សារទំនើបបាន។ | ដូងរក្សាភាពសំណើមឲ្យស្បែក ជាតិប្រេងដែលមានផ្ទុកនូវជាតិសំណើមដ៏ល្អឥតខ្ចោះ ចំពោះស្រទាប់ស្បែក ដែលធ្វើឲ្យមើលទៅរលោងនិងទប់ទល់ការវិវត្តទៅរកភាពចាស់។ប្រសិនបើលាបប្រេងចម្រាញ់ពីដូងនៅត្រង់ស្នាមប្រេះ ឬក្រិនត្រង់ដៃជើងនោះ វានឹងអាចព្យាបាល ធ្វើឲ្យស្បែកវិលមករកសភាពរលោងវិញដូចដើមយ៉ាងសន្សឹមៗ។ | ផ្លែទទឹមជំនួយស្បែក ពណ៌ដ៏ក្រហមថ្លាដូចគ្រាប់ត្បូង នៃផ្លែទទឹមត្រូវបានគេប្រើជាគ្រឿងផ្សំនៅក្នុងក្រែមលាបមាត់ដើម្បីឲ្យទទួលបានភាពសំណើមស្អាត។ផ្លែទទឹមមានសារធាតុប្រឆាំងអុកស៊ីតករដែលអាចការពារស្បែកពីភាពកខ្វក់នៃបរិស្ថាន និងការពារកោសិកាស្បែកពីការបំផ្លាញនានា។ ទឹកផ្លែទទឹម និងគ្រាប់ផ្លែទទឹមក្លាស្សេដ៏ត្រជាក់ស្រេប អាចបន្សើមបំពងករបស់អ្នក និងធ្វើឲ្យអ្នកកាន់តែស្រស់ស្អាត។ |
ទឹកឃ្មុំធ្វើឲ្យស្បែកទន់ ភាពផ្អែមល្មួតនៃទឹកឃ្មុំដែលបានមកពីលម្អងផ្កាគ្រប់ទិសទី ត្រូវបានបណ្ដាប្រទេសនានាជុំវិញពិភពលោកចម្រាញ់ធ្វើជាផលិតផលគ្រឿងសម្អាង ដោយសារវាមានជាតិអាមីណូអាស៊ីត វីតាមីន និងរ៉ែច្រើនប្រភេទ។ ប្រសិនបើផ្សំជាមួយទឹកដោះគោទៀត ផលិតផលចម្រាញ់ពីទឹកឃ្មុំនឹងកាន់តែបង្កើនអានុភាពធ្វើឲ្យស្បែកទន់ល្មើយគួរឲ្យចង់អង្អែល។ | ផ្លែប័រ បង្កើនសម្រស់សក់ និងស្បែក ផ្លែប័រដែលធ្លាប់តែមានតម្លៃថោកនៅអាស៊ី បច្ចុប្បន្នបានឡើងថ្លៃគួរឲ្យកត់សម្គាល់ ដោយសារមនុស្សកាន់តែច្រើនយល់ដឹងពីគុណប្រយោជន៍របស់វាចំពោះសុខភាព។ ផ្លែឈើនេះត្រូវបានគេចម្រាញ់ជាឡេលាបស្បែក និងក្រែមបន្ទន់សក់យ៉ាងមានប្រសិទ្ធភាព។ ជាងនេះទៅទៀត ការទទួលទានផ្លែប័រ អាចធ្វើឲ្យសុខភាពស្បែក និងរាងកាយល្អប្រសើរទៀតផង។ | ផ្លែប៉ោម៖ ផ្លែប៉ោមក្រហមឆ្ងាញ់ជួយឲ្យបេះដូងអ្នកដំណើរការបានល្អ។ |
ស៊ុត៖ ស៊ុតសជួយភ្នែកឲ្យភ្លឺល្អ រួមជាមួយនឹងស៊ុតលឿងធ្វើឲ្យសក់មានសុខភាព និងរឹងមាំ។ | ផ្កាឈូករ័ត្នផ្ដល់សំណើមដល់បបូរមាត់ ជាតិប្រេងដែលចម្រាញ់ពីផ្កាឈូករ័ត្នគឺជាគ្រឿងផ្សំយ៉ាងវិសេសដែលផ្ដល់នូវវីតាមីន E និង A ព្រមទាំងអាស៊ីតខ្លាញ់ដែលបំប៉នដល់សម្រស់បបូរមាត់។ វាគឺជាប្រភេទប្រេងផ្ដល់សំណើមដល់បបូរមាត់ដ៏ល្អឥតខ្ចោះ ដែលអាចស្រូបចូលស្បែកឆាប់រហ័ស ធ្វើឲ្យស្នាមញញឹមរបស់អ្នកភ្លឺរលោងស្រស់ថ្លា។ | ប្រទាលកន្ទុយក្រពើបំបាត់អាការរមាស់ស្បែក ជេលដែលសម្រាំងចេញពីប្រទាលកន្ទុយក្រពើជាប់ឈ្មោះល្បីខាងការផ្ដល់សំណើម និងធ្វើឲ្យស្បែករលោងស្អាត។ ក្រៅពីអាចផ្សះស្នាមដាច់ផ្សេងៗ វាក៏អាចការពារស្បែកពីការរមាស់ដោយសារល្អងធូលីដ៏កខ្វក់ផងដែរ។ អ្នកអាចប្រើដើមប្រទាលកន្ទុយក្រពើស្រស់មកលាប ឬទទួលទាន ជំនួសការទិញផលិតផលនៅផ្សារទំនើបក៏បាន។ |
គ្រាប់អាល់ម៉ុន ជាថ្នាំបន្ទន់សក់ និងស្បែក គ្រាប់អាល់ម៉ុន អាចត្រូវបានគេចម្រាញ់ជាប្រេងលាបស្បែកឲ្យទន់រលោង និងជាក្រេមបន្ទន់សក់ផងដែរ។ ប្រសិនបើអ្នកមិនអាចរកទិញផលិតផលលាបស្បែកពីគ្រាប់អាល់ម៉ុនទេ អ្នកក៏អាចទទួលទានវាជាមួយអាហារពេលព្រឹក ដែលគ្រាប់ធញ្ញជាតិនេះអាចរកទិញបាននៅបណ្ដាផ្សារទំនើបនានាផងដែរ ដើម្បីសុខភាព និងសម្ផស្សស្រស់ស្អាត។ | ការ៉ុត៖ មានផ្ទុកវីតាមីន A ល្អសម្រាប់ស្បែក។បន្លែជំនួស៖ ដំឡូងជ្វា ល្ពៅ ល្ពៅទ្រវែង ម្ទេសប្លោក និងស្វាយ។ |
Contact PhnomPenh Post for full article
Post Media Co LtdThe Elements Condominium, Level 7
Hun Sen Boulevard
Phum Tuol Roka III
Sangkat Chak Angre Krom, Khan Meanchey
12353 Phnom Penh
Cambodia
Telegram: 092 555 741
Email: webmasterpppost@gmail.com