.jpg)
កាលពីថ្ងៃទី៩ ខែកុម្ភៈ កន្លងទៅនេះ អង្គការមូលនិធិសម្រាប់កុមារកម្ពុជានៃតំបន់សហគមន៍ចាក់សំរាមស្ទឹងមានជ័យ បានចាក់បញ្ចាំងភាពយន្តខ្មែររឿង ការពារឧក្រិដ្ឋជន (Jailbreak) ឲ្យកុមារជិតមួយពាន់នាក់បានទស្សនា។ ក្មេងៗបាននាំគ្នាសុំថតរូបអនុស្សាវរីយ៍ជាមួយតារាសម្ដែងក្នុងរឿង ការពារឧក្រិដ្ឋជន ហើយក្នុងថ្ងៃនោះដែរក៏មានការចូលរួមពីស្ថាបនិកអង្គការ ជាអតីតអ្នកផលិត និងដឹកនាំកុនមកពីហូលីវូដជនជាតិអូស្ត្រាលី លោក ស្កុត នីសិន ដែលក្មេងនៅតំបន់សហគមន៍ចាក់សំរាមនេះ ហៅលោកថា «ប៉ាៗ»។ ហេតុផលដែលនាំឲ្យមានការរៀបចំផ្ទាំងសំពត់សឲ្យក្មេងៗនៅភ្នំសំរាម ស្ទឹងមានជ័យទស្សនានេះ គឺចង់លើកទឹកចិត្តកូនខ្មែរ ដែលបានសម្តែងក្នុងរឿងនេះដ៏ល្អ៕ រូបថត ហុង មិនា
