កាលពីថ្ងៃទី១៨ ខែមីនា កន្លងទៅនេះក្រុមហ៊ុនតូយ៉ូតា (ខេមបូឌា) បានរៀបចំកម្មវិធីប្រគល់រង្វាន់ជយលាភីថ្នាក់ជាតិគំនូររថយន្តតូយ៉ូតាក្នុងក្តីស្រមៃសម្រាប់ថ្ងៃអនាគត។ ក្រុមហ៊ុនទទួលបានផ្ទាំងគំនូរពីបេក្ខជនដែលដាក់ពាក្យចូលរួមមានចំនួន៤៧៥ ផ្ទាំង ដែលប្រមូលបានពីការប្រកួតគូរគំនូរនៅតាមសាលាឯកជនផ្សេងៗក្នុងរាជធានីភ្នំពេញ។ ក្នុងចំណោមរូបគំនូរទាំង៤៧៥ ផ្ទាំង គឺបានបែងចែកជាបីប្រភេទសំខាន់ៗ ៖ ប្រភេទទី១( កុមារអាយុក្រោម៨ឆ្នាំ) មានចំនួន៨៧ផ្ទាំង ប្រភេទទី២(កុមារអាយុចាប់ពី៨ឆ្នាំទៅ១១ឆ្នាំ) មានចំនួន២៥២ផ្ទាំង និងប្រភេទទី៣(កុមារអាយុចាប់ពី១២ ដល់១៥ ឆ្នាំ) មានចំនួន១៣៥ផ្ទាំង។ក្រោយពីគណៈកម្មការបានចម្រាញ់បានរូបគំនូរស្រស់ស្អាត និងអត្ថន័យល្អចំនួន១១ ផ្ទាំង។ ចំពោះជយលាភីថ្នាក់ពិភពលោកមាន មេដាយមាស ប្រាក់ សំរឹទ្ធ រង្វាន់ពិសេស និងរង្វាន់ចុងក្រោយ។ អ្នកទទួលបានមេដាយ និងរង្វាន់ពិសេស នឹងត្រូវបានទៅធ្វើដំណើរទស្សនកិច្ចនៅប្រទេសជប៉ុន ដើម្បីចូលរួមពិធីប្រគល់រង្វាន់នៅខែសីហា ជាមួយឪពុកម្ដាយ ឬអាណាព្យាបាលស្របច្បាប់ចំនួន២រូប៕ រូបថត ឈឹម ស្រីនាង