ស្រា Hennessy X.O បានរៀបចំពិធីពិសារអាហារល្ងាច (Hennessy X.O Dinner) ដ៏ប្រណីតដែលពុំធ្លាប់មានពីមុននៅព្រះរាជាណាចក្រកម្ពុជា និងមានការបង្ហាញស្រា Hennessy X.O Exclusive Collection ដែលបានរចនាសម្រាប់ឆ្នាំនេះនៅMaison Bienvenue។ អ្វីដែលពិសេសទៀតនោះ ស្រា Hennessy X.O បានសហការជាមួយ លោក លូ ម៉េង ដែលជាសហគ្រិននិងជាកំពូលចុងភៅមួយរូប ក្នុងចំណោមកំពូលចុងភៅដ៏ល្បីៗទាំង១០រូបនៅ អាស៊ី ដើម្បីបង្កើតថ្មីនូវមុខម្ហូបពិសេសៗសម្រាប់កម្មវិធីនេះ។ ការច្នៃបង្កើតមុខម្ហូបរបស់លោក លូ ម៉េងពឹងផ្អែកទៅលើការជ្រើសរើសយកមុខម្ហូបដែលស័ក្តិសមជាមួយនឹង រសជាតិ និងគុណភាពរបស់ស្រា Hennessy X.O ដែលពោរពេញទៅដោយភាពស្រទន់ និងឆ្ងាញ់ពិសារពេញក្រអូមមាត់។