កាលពីថ្ងៃទី១៩ ខែតុលា កន្លងទៅនេះ មានការសម្ពោធ ភោជនីយដ្ឋានផាកកាហ្វេ សាខាថ្មីបន្ថែមនៅមុខព្រលានយន្តហោះអន្តរជាតិភ្នំពេញ ជាមួយនឹងការរចនាម៉ូដថ្មី ទំនើប ទាន់សម័យដែលផ្តោតទៅលើអនាម័យ សេវាកម្ម និងជាពិសេសគុណភាពអាហារដែលគ្មានប្រើប្រាស់ប៊ីចេង។ លោក ហេង សេងលី នាយកគ្រប់គ្រងទូទៅ ផាកកាហ្វេ បាននិយាយថា សព្វថ្ងៃក្រុម-ហ៊ុន កំពុងតែធ្វើការជាមួយខេត្តមួយចំនួនដូចជា កំពង់ចាម សៀមរាប បន្ទាយមានជ័យ បាត់ដំបង បើគ្មានអ្វីប្រែប្រួលទេក្នុងខេត្តទាំងនេះនឹងមានភោជនីយដ្ឋាន ផាកកាហ្វេ៣បន្ថែមទៀតយ៉ាងយូរបំផុតនៅឆ្នាំ២០១៨ខាងមុខនេះ។ផាកកាហ្វេបានបើកលក់អស់រយៈពេលជាង១៣ឆ្នាំមកហើយ មាន១១សាខាក្នុងទីក្រុងភ្នំពេញ ហើយនៅពេលអនាគតគ្រោងបើកសាខាបន្ថែមឲ្យបាន៣១សាខាក្នុងទីក្រុងភ្នំពេញ និងតាមបណ្តាខេត្តនានានៅឆ្នាំ២០២០៕ រូបថត ហេង ជីវ័ន