.jpg)
សភាពាណិជ្ជកម្មនិងឧស្សាហកម្មបារាំង-កម្ពុជា (CCIFC) រួមសហការជាមួយស្ថានទូតបារាំងប្រចាំកម្ពុជាបានរៀបចំបុណ្យជាតិបារាំងសាជាថ្មីម្តងទៀតនៅមជ្ឈមណ្ឌលសន្និបាតនិងពិព័រណ៍កោះពេជ្រ (អគារ G H I) កាលពីថ្ងៃព្រហស្បតិ៍ ទី១៣ ខែកក្កដា កន្លងទៅនេះ។ ក្នុងរាត្រីនោះមានការទទួលទានអាហារពេលល្ងាចបែបបារាំង ការរាំកម្សាន្ត ដែលជាកម្មវិធីមិនអាចខ្វះបាននៅក្នុងការប្រារព្ធពិធីបុណ្យប្រជាប្រិយជាតិនៅប្រទេសបារាំង ហើយក្រៅពីនោះក៏មានព្រឹត្តិការណ៍គួរឲ្យភ្ញាក់ផ្អើលផ្សេងៗទៀតជាច្រើន។
ទន្ទឹមនឹងនេះ ក៏មានការចាប់ឆ្នោតផ្សងសំណាងរកអ្នកឈ្នះសំបុត្រយន្តហោះពីរសន្លឹក សម្រាប់ធ្វើដំណើរទៅវិញទៅមក ភ្នំពេញ-ប៉ារីស របស់ក្រុមហ៊ុនអាកាសចរណ៍ Emirates ប័ណ្ណទិញទំនិញតម្លៃរហូតដល់៥០០ដុល្លារ ដែលអាចប្រើបានក្នុងស្ថានីយប្រេងឥន្ធនៈតូតាល់ និងវត្ថុអនុស្សាវរីយ៍ជាច្រើនទៀតផ្តល់ជូនដោយដៃគូរៀបចំរាត្រីសមោសរនេះផងដែរ៕ រូបថត ហុង មិនា
