.jpg)
កាលពីថ្ងៃទី៦ ខែកក្កដា កន្លងទៅនេះ ក្រុមហ៊ុន ជីបម៉ុងអុិនស៊ីស៊ីមេនខបភើរេសិន បានរៀបចំពិធីសម្ពោធស៊ីម៉ងត៍អូដ្ឋថ្មី នៅសណ្ឋាគារ Sofitel Phnom Penh Phokeethra។ ក្រុមហ៊ុន ជីបម៉ុងអុិនស៊ីស៊ីមេនខបភើរេសិន បានច្របាច់បញ្ចូលគ្នារវាងទីផ្សារក្នុងស្រុក និងការចែកចាយទីផ្សាររបស់ក្រុមហ៊ុន ជីបម៉ុងគ្រុបកម្ពុជា ជាមួយនឹងក្រុមហ៊ុនស៊ីម៉ងត៍ស្យាមរបស់ថៃ ដែលជាអ្នកជំនាញខាងវិស័យសាងសង់ជាច្រើនទសវត្សរ៍មកហើយ។ ការវិនិយោគរួមនេះផ្តល់ជំហរដ៏រឹងមាំបំផុតក្នុងការកំណត់នូវតម្រូវការ និងការចង់បានរបស់អតិថិជនដៃគូដែលជាជាងសំណង់ និងអ្នកសាងសង់ផ្ទះគ្រប់រូបនៅក្នុងទីផ្សារកម្ពុជាដ៏គួរឲ្យចាប់អារម្មណ៍មួយនេះ។ ក្រុមហ៊ុនជីបម៉ុងអុិនស៊ីស៊ីមេនខប ភើរេសិនកំពុងតែរៀបចំបើកដំណើរការរោងចក្រស៊ីម៉ងត៍ថ្មីដ៏ទំនើបបំផុតដែលមានទីតាំងស្ថិតនៅក្នុងស្រុកទូកមាស ខេត្តកំពត ជាមួយនឹងការចំណាយទុនទឹកប្រាក់ចំនួន២៦២លានដុល្លារអាមេរិក ដែលនឹងចាប់ផ្តើមដំណើរការពីចុងឆ្នាំ២០១៧ តទៅ៕ រូបថត ហុង មិនា
