.jpg)
ក្រុមហ៊ុន រ៉ូយ៉ាល់ ហ្វៀល ឌីវេឡុបម៉ិន ដែលជាក្រុមហ៊ុនបុត្រសម្ព័ន្ធរបស់ ជីប ម៉ុង គ្រុប នឹងបោះទុនប្រមាណ៨០លានដុល្លារ សាងសង់សណ្ឋាគារអន្តរជាតិកម្រិតផ្កាយ៣ ហ្វ៊ែរហ្វៀល បាយ ម៉ារៀត ភ្នំពេញ ដោយសហការជាមួយសណ្ឋាគារម៉ារៀតអន្តរជាតិ។ សណ្ឋាគារម៉ារៀតអន្តរជាតិ ជាក្រុមហ៊ុនសណ្ឋាគារមានដើមកំណើតនៅសហរដ្ឋអាមេរិក និងជាសណ្ឋាគារអន្តរជាតិឈានមុខគេ និងធំជាងគេមួយក្នុងពិភពលោក ដែលមាន៦០០០ទីតាំង ក្នុង១២២ប្រទេស។
ពិធីចុះហត្ថ-លេខាលើកិច្ចព្រមព្រៀងគ្រប់គ្រងសណ្ឋាគាររវាងក្រុមហ៊ុន រ៉ូយ៉ាល់ ហ្វៀល ឌីវេឡុបម៉ិន និងសណ្ឋាគារម៉ារៀត អន្តរជាតិបានធ្វើឡើងនៅថ្ងៃទី៨ ខែឧសភា ឆ្នាំ ២០១៧នេះ។ សណ្ឋាគារហ្វ៊ែរហ្វៀល បាយ ម៉ារៀត ភ្នំពេញ គ្រោងនឹងសាងសង់នៅតាមបណ្ដោយផ្លូវហព័ន្ធរុស្ស៊ី ជិតស្ពានអាកាស៥ មករា ដែលជាតំបន់ហ៊ុមព័ទ្ធដោយតំបន់ទេសចរណ៍ មជ្ឈមណ្ឌលពាណិជ្ជកម្ម និងអគាររាជរដ្ឋាភិបាល។ សណ្ឋាគារនេះគ្រោងនឹងបើកដំណើរការនៅឆ្នាំ២០២១៕ រូបថត ហុង មិនា
