កាលពីថ្ងៃទី៨ ខែមីនា កន្លងទៅនេះ ក្រុមហ៊ុនមេនូឡាយហ្វ៍ ខេមបូឌា បានប្រារព្ធទិវាសិទ្ធិនារីអន្តរជាតិរបស់ខ្លួននៅសណ្ឋាគារ Raffles Le Royal ដើម្បីបន្តលើកកម្ពស់សិទ្ធិនារី និងទទួលស្គាល់សមិទ្ធផលនានាដែលស្ត្រីសម្រេចបាននៅក្នុងសង្គមជាតិកម្ពុជា ក៏ដូចជានៅលើសកលលោកផងដែរ។ កម្មវិធីនោះមានការអញ្ជើញចូលរួមពីសាធារណជន អតិថិជន សមាជិកអ្នកសារព័ត៌មាន និងបុគ្គលិកក្រុមហ៊ុន មេនូឡាយហ្វ៍ ខេមបូឌា ដែលមានចំនួនសរុបប្រមាណ ៣០០ នាក់។ ថ្លែងក្នុងសុន្ទរកថាបើកកម្មវិធីសម្រាប់ទិវាសិទ្ធិនារីអន្តរជាតិនោះ លោក Robert Elliott អគ្គនាយកប្រតិបត្តិ និងនាយកចាត់ការទូទៅនៃក្រុមហ៊ុន មេនូឡាយហ្វ៍ ខេមបូឌា មានប្រសាសន៍ថា ៖«ខ្ញុំបានធ្វើជាសាក្សីនៃការផ្លាស់ប្ដូរដ៏វិជ្ជមានមួយរបស់ស្ត្រីកម្ពុជាក្នុងការដឹកនាំ និងការសម្រេចចិត្តនានាដោយខ្ញុំបានឃើញស្ត្រីកម្ពុជាជាច្រើនដែលពោរពេញដោយសមត្ថភាពកំពុងធ្វើការជាមួយខ្ញុំដើម្បីអភិវឌ្ឍក្រុមហ៊ុន និងវិស័យធានារ៉ាប់រងអាយុជីវិតនៅកម្ពុជា» ៕ រូបថត Cambodia Republic