កាលពីថ្ងៃទី១៩ ខែសីហា ឆ្នាំ២០១៥ កន្លងទៅនេះ សាជីវកម្ម ស្យាម គូបូតា បានបង្កើតយុទ្ធនាការ គូបូតា ចែករំលែកក្តីសង្ឃឹមនៃអនាគត ឆ្នាំទី១ ដោយចែកអំណោយជាកាតាបសិស្សសាលាមានតម្លៃសរុបជាទឹកប្រាក់ជាង ២៣០ ០០០ ០០០ រៀល ដល់កុមារនៅតំបន់ជនបទតាមបណ្តាខេត្តចំនួន ២២ ក្នុងប្រទេសកម្ពុជា។ ក្រុមហ៊ុន គូបូតា ខេមបូឌា មានគោលបំណងចង់ក្លាយជាចំណែកមួយនៃសហគមន៍ដោយគាំទ្រកុមារតាមរយៈសកម្មភាពទាក់ទងនឹងវិស័យអប់រំដែលមិនត្រឹមតែជាការបញ្ចៀសគម្លាតជាមួយប្រជាជនទេ តែក៏ដើម្បីផ្តល់ឱកាសដល់ពួកគេផងដែរ។ គូបូតា ជឿថា ប្រសិនបើសហគមន៍មានការអភិវឌ្ឍប្រជាជនដែលរស់នៅក្នុងសហគមន៍នោះក៏នឹងមានភាពរីករាយ និងជីវិតប្រសើរឡើងផងដែរ៕ រូបថត សហការី