.jpg)
កាលពីថ្ងៃទី៩ ខែមីនា កន្លងទៅនេះ ក្រុមហ៊ុនស្មាត បានធ្វើសន្និសីទកាសែត ដើម្បីបង្ហាញពីការបើកដំណើរការប្រគំតន្ត្រីលំដាប់ថ្នាក់ពិភពលោក ដែលមានវត្តមានចូលរួមពីថ្នាក់ដឹកនាំក្រុមហ៊ុនស្មាត និងតំណាងទូរទស្សន៍អាស៊ីអាគ្នេយ៍ ជាស្ថានីយទូរទស្សន៍តែមួយគត់នឹងធ្វើការផ្សាយផ្ទាល់តន្ត្រី Smart Mega Concert។ កម្មវិធីនោះបានប្រកាសពីតារាចម្រៀង និងសម្ដែងលំដាប់ហូលីវូដ លោក រ៉េន ដែលនឹងមកប៉ះគ្នាជាមួយក្រុមតារាចម្រៀង Original Song ជាកូនខ្មែរល្បីៗ នៅលើឆាកតន្ត្រី Smart Maga Concert ផ្ដល់ការទស្សនាឥតគិតថ្លៃ នៅទីក្រុងកោះពេជ្រ សម្រាប់ថ្ងៃទី ៣០ ខែមីនា ខាងមុខនេះ។ទស្សនិកជនអាចទទួលបានសំបុត្រទស្សនាឥតគិតថ្លៃចាប់ពីថ្ងៃទី១០ ខែមីនា អ្នកប្រើប្រាស់ស្មាតទាំងអស់គ្រាន់តែទាញយកកម្មវិធី Smart Music App រួចទៅកាន់ Smart Shop ដោយបង្ហាញវាទៅដល់បុគ្គលិកស្មាតជាការស្រេច៕ រូបថត ហេង ជីវ័ន
