កាលពីថ្ងៃទី៧ ខែកញ្ញា កន្លងទៅនេះ ធនាគារ ស៊ីអាយអីមប៊ី ភីអិលស៊ី (ធនាគារ CIMB) បានប្រារព្ធពិធីសម្ពោធជាផ្លូវការ សាខាទឹកថ្លា ដែលមានទីតាំងនៅជាន់ផ្ទាល់ដីនៃអគារ California Social House តាមបណ្តោយផ្លូវសហព័ន្ធរុស្ស៊ី ជិតស្ពានអាកាស៧មករា ដោយមានការចូលរួមជាអធិបតី ដោយលោក រ័ត្ន សុវណ្ណនរៈ អគ្គនាយកនៃអគ្គនាយកដ្ឋានត្រួតពិនិត្យ តំណាងដ៏ខ្ពង់ខ្ពស់របស់ធនាគារជាតិនៃកម្ពុជា និងលោក ប៊ុន យីន ប្រធាននាយកប្រតិបត្តិរបស់ធនាគារ CIMB។ ការបើកសម្ពោធសាខាទឹកថ្លាថ្មីនេះ បានបង្កើនបណ្តាញសាខារបស់ធនាគារ CIMB រហូតដល់ចំនួន១៣សាខាដែលក្នុងនោះមាន៩សាខា នៅរាជធានីភ្នំពេញ និង៤សាខាទៀត នៅតាមបណ្តាខេត្តសំខាន់ៗ ទូទាំងប្រទេស កម្ពុជា។ សាខាទឹកថ្លាផ្តល់ជូនសេវាកម្មពេញលេញ រួមជាមួយនឹង Preferred Centre សម្រាប់បំពេញតម្រូវការអតិថិជនជាន់ខ្ពស់របស់ធនាគារផងដែរ៕ រូបថត សហការី