កាលពីព្រឹកថ្ងៃទី៣០ ខែសីហា កន្លងទៅនេះវិទ្យាស្ថានខេមអេដប៊ីហ្សនេសស្គូលសហការជាមូយមជ្ឈមណ្ឌលជាតិផ្តល់ឈាម បានរៀបចំធ្វើបទបង្ហាញស្តីអំពីសារៈសំខាន់នៃការបរិច្ចាគឈាម និងការប្រមូលឈាម ក្រោមអធិបតីភាពរបស់លោក ខេស៊ី បាណេត នាយកវិទ្យាស្ថានខេមអេដប៊ីហ្សនេសស្គូល។ វិទ្យាស្ថានខេមអេដប៊ីហ្សនេសស្គូលសហការជាមួយក្រុមហ៊ុនទឹកបរិសុទ្ធវីតាល់ និងមជ្ឈមណ្ឌលជាតិផ្តល់ឈាមបានរៀបចំកម្មវិធីនេះឡើង ដើម្បីផ្តល់ឱកាសដល់សាស្ត្រាចារ្យ បុគ្គលិក និងនិស្សិតរបស់វិទ្យាស្ថានខេមអេដប៊ីហ្សនេសស្គូលទាំងអស់បានសិក្សាស្វែងយល់បន្ថែមអំពីអត្ថប្រយោជន៍នៃការបរិច្ចាគឈាម សម្រាប់ខ្លួនគាត់ផ្ទាល់ ក៏ដូចជាសម្រាប់សង្គមជាតិទាំងមូល។ បន្ទាប់ពីបានធ្វើការសិក្សាស្វែងយល់យ៉ាងលម្អិតអំពីអត្ថប្រយោជន៍នៃការផ្តល់ឈាមពីសំណាក់មន្ត្រីតំណាងរបស់មជ្ឈមណ្ឌលជាតិផ្តល់ឈាមរួចមក អ្នកដឹកនាំ និងបុគ្គលិកនៃវិទ្យាស្ថានខេមអេដប៊ីហ្សនេសស្គូលមួយចំនួនក៏បានស្ម័គ្រចិត្តចូលរួមធ្វើការបរិច្ចាគឈាមជូនដល់មជ្ឈមណ្ឌលជាតិផ្តល់ឈាម៕ រូបថត សហការី