.jpg)
កាលពីថ្ងៃទី១៥ ខែមីនា កន្លងទៅនេះ ក្រុមហ៊ុនព្រីនស៍ រៀល អ៊ីស្ទេត (ខេមបូឌា) គ្រុប បានរៀបចំពិធីក្រុងពាលីបើកការដ្ឋានសាងសង់គម្រោងទី២របស់ខ្លួនដែលមានឈ្មោះថាព្រីនស៍ ម៉ូឌើន ផ្លាហ្សានៅតំបន់មជ្ឈមណ្ឌលធុរកិច្ច(CBD)ភ្នំពេញ។ គម្រោងព្រីនស៍ ម៉ូឌើន ផ្លាហ្សាមានផ្ទៃក្រទ្បាអគារសរុប៦៣ ០០០ ម៉ែត្រការ៉េមានកម្ពស់២៧ជាន់ គឺជាអគារភ្លោះជាលំនៅឋាន ការិយាល័យ សណ្ឋាគារ និងចំណតទ្បាន។ ពីជាន់ផ្ទាល់ដីដល់ជាន់ទី៦ នៃអគារគឺជាចំណតទ្បានធម្មតា ជាន់ទី៧ គឺជាចំណតទ្បានប្រើគ្រឿងចក្រ ជាន់ទី៨គឺជាសួនច្បារ មានក្លិបហាត់ប្រាណ និងអាងហែលទឹក ជាន់ទី៩ ដល់ជាន់ទី២៧ គឺលំនៅឋានដោយជាន់នីមួយៗមានសួនច្បារផងដែរ។ អគារនេះមានរចនាប័ទ្មសាមញ្ញ តែទាន់សម័យ ជាកន្លែងស្នាក់នៅ និងការិយាល័យជម្រើសដ៏ល្អសម្រាប់យុវវ័យសម័យថ្មី៕ រូបថត សហការី
