.jpg)
និស្សិតចំនួន៨០នាក់បន្ថែមទៀតហើយទើបទទួលបានវិញ្ញាបនបត្រពីវគ្គបណ្តុះបណ្តាល Samsung Tech Institute ជំនាន់ទី៣ កាលពីថ្ងៃទី២៨ ខែធ្នូ ឆ្នាំ២០១៦កន្លងទៅនេះ។ ក្រោមអធិបតីភាពពីសំណាក់បណ្ឌិត ប៊ុន ភារិន នាយកវិទ្យាស្ថានជាតិពហុបច្ចេកទេសកម្ពុជា លោក Seungho Choi អគ្គនាយកគ្រប់គ្រងសាខាក្រុមហ៊ុនថៃសាមសុងអេឡិចត្រូនិកប្រចាំកម្ពុជា សាស្ត្រាចារ្យ និងនិស្សិតយ៉ាងច្រើនកុះករ។ សាខាក្រុមហ៊ុនថៃសាមសុងអេឡិចត្រូនិកប្រចាំកម្ពុជាផ្តល់តម្លៃខ្ពស់ក្នុងការចូលរួមអភិវឌ្ឍសង្គម ដើម្បីសហគមន៍ មានភាពល្អប្រសើរ ដូចនេះហើយបានជាក្រុមហ៊ុនបង្កើនការឧបត្ថម្ភគាំទ្រ Samsung Tech Institute ពីមួយឆ្នាំទៅមួយឆ្នាំស្របទៅតាមកំណើនរបស់និស្សិតដែលចង់ទទួលបាននូវចំណេះ និងជំនាញពិតប្រាកដពីកម្មវិធីបណ្តុះបណ្តាលរបស់ Samsung Tech Institute។ ជាក់ស្តែងមាននិស្សិតចុះឈ្មោះសិក្សាចំនួន៥០នាក់ក្នុងឆ្នាំ២០១៤ ចំនួន៦០នាក់ក្នុងឆ្នាំ២០១៥ បានបញ្ចប់ការសិក្សា ហើយក្នុងឆ្នាំ២០១៦ចំនួននិស្សិតក៏មានការកើនឡើងរហូត៨០នាក់៕ រូបថត សហការី
