កាលពីថ្ងៃសៅរ៍ ទី១ ខែមេសា កន្លងទៅនេះទស្សនាវដ្ដីសូវរីន (SOVRIN) បានរៀបចំសន្និសីទ កាសែតអំពីការបើកសម្ពោធក្របមុខរបស់ទស្សនា វដ្តីសូរវីន(SOVRIN)នៅឡឺប៊ីសស្ត្រូត៍(LEBISTROT) ស្ថិតនៅក្នុងបរិវេណវិទ្យាស្ថានភាសាបារាំង។ កម្មវិធីនេះត្រូវបានរៀបចំឡើងក្នុងគោលបំណងចូលរួមចំណែកលើកស្ទួយវប្បធម៌ អរិយធម៌ និងថែរក្សាកេរដំណែល ទំនៀមទម្លាប់ពីបុរាណកាលក៏ដូចជាការគាស់កកាយឡើងវិញនូវការរៀបចំពិធីបុណ្យចូលឆ្នាំថ្មីនៅតាមភូមិស្រុក ក្នុងប្រទេសកម្ពុជាពីបុរាណកាល ស្របក្នុងឱកាសនៃការអបអរសាទរពិធីបុណ្យចូលឆ្នាំខ្មែរ ឆ្នាំថ្មី ឆ្នាំ២០១៧ ត្រូវនឹងឆ្នាំរកា នព្វស័ក ព.ស២៥៦១ ដែល ជាពិធីបុណ្យប្រពៃណីជាតិដ៏ធំមួយក្នុងចំណោមពិធីបុណ្យទ្វាទសមាសរបស់ព្រះរាជាណាចក្រកម្ពុជា។ កញ្ញា ម៉ាក់ សែនសូនីតា តួឯកស្រីក្នុងសាច់រឿង “សារាយនឹមនួន” ពេញចិត្តខ្លាំងមែនទែនជាមួយការថតជាវីដេអូជាខ្សែសាច់រឿងខ្លីដែលឆ្លងពីសម័យបច្ចុប្បន្នទៅកាន់សម័យកាលបុរាណដែលបានឆ្លុះបញ្ចាំងពីអរិយធម៌ដ៏ថ្កុំថ្កើងរុងរឿងរបស់ខ្មែរ៕ រូបថត សហការី