ក្រុមហ៊ុន HGB Auto បានប្រារព្ធពិធីសម្ពោធអគារតាំងបង្ហាញរថយន្ត Mazda សាខាទី២ របស់ខ្លួនជាផ្លូវការកាលពីថ្ងៃទី១៣ ខែវិច្ឆកា កន្លងទៅនេះ។ អគារថ្មីនេះ គឺទំនើបជាងមុនដោយមានបន្ទប់ពិភាក្សា បន្ទប់ប្រគល់រថយន្ត កន្លែងកម្សាន្តសម្រាប់កុមារ ពិសេសជាងនេះទៅទៀតក៏មានផ្តល់ជូនអតិថិជននូវភេសជ្ជៈការ៉េម សាំងវិច សាស៊ីមិស៊ូស៊ី ជាដើម។ ក្នុងថ្ងៃសម្ពោធនោះដែរ មានការអញ្ជើញចូលរួមពីលោក ចម ប្រសិទ្ធ ទេសរដ្ឋមន្ត្រី រដ្ឋមន្ត្រីក្រសួងឧស្សាហកម្ម និងសិប្បកម្ម រួមជាមួយនឹងភរិយា ទេពបុប្ផា ប្រសិទ្ធ ព្រមទាំង តំណាងក្រុមហ៊ុន Mazda Motor Corporation ជាច្រើននាក់ផងដែរ៕ រូបថត ហុង មិនា