.jpg)
កាលពីល្ងាចថ្ងៃទី ៣០ ខែសីហា កន្លងមកនេះ ឯកឧត្តម ហូរីណូអ៊ុជិ ហ៊ីដេហ៊ីសា ឯកអគ្គរាជទូតជប៉ុនប្រចាំប្រទេសកម្ពុជា និងភរិយា ព្រមទាំងក្រុមការងារស្ថានទូត បានរៀបចំពិធីជួបសំណេះសំណាល និងទទួលទានអាហារពេលល្ងាច ជាមួយនឹងលោក គង់ ណៃ ព្រឹទ្ធាចារ្យចាប៉ីដងវែង នៅគេហដ្ឋានរបស់ឯកអគ្គរាជទូតជប៉ុន ក្នុងឱកាសទទួលបានពានរង្វាន់សិល្បៈ និងវប្បធម៌ ហ្វឹគឹអុកា ឆ្នាំ២០១៧នេះនៅទីក្រុង ហ្វឹគឹអុកា ប្រទេសជប៉ុន។ ពានរង្វាន់នេះត្រូវបានប្រគល់ជូនបុគ្គលដែលមានស្នាដៃឆ្នើមពាក់ព័ន្ធផ្នែក អប់រំ សិល្បៈ និងវប្បធម៌ នឹងប្រព្រឹត្តទៅនៅថ្ងៃទី២០ ដល់ទី២៤ ខែកញ្ញា ឆ្នាំ២០១៧ ដោយមានក្រុមអ្នកសារព័ត៌មានក្នុងស្រុកចំនួនពីរចូលរួមគឺ Phnom Penh Post និង Sabay។ លោកព្រឹទ្ធាចារ្យ គង់ ណៃ នឹងទទួលពានរង្វាន់សិល្បៈ និងវប្បធម៌ ផ្នែកចាប៉ីដងវែង ដែលជាបេតិកភណ្ឌអរូបីពិភពលោករបស់កម្ពុជា៕ រូបថត ប៉ាន់ រិទ្ធា
