កាលពីថ្ងៃទី២ ខែកញ្ញា កន្លងទៅនេះសាលាអន្តរជាតិ ហ្គោលដិនប្រ៊ិជភ្នំពេញ បានរៀបចំកម្មវិធីប្រគល់វិញ្ញាបនបត្រមត្តេយ្យសិក្សា និងប័ណ្ណសរសើរដល់សិស្សានុសិស្សជយលាភីប្រចាំឆ្នាំសិក្សា(២០១៦-២០១៧)នៅCKCC ក្រោមអធិបតីភាពបណ្ឌិត ស៊ាង ប៊ុនលាង អនុរដ្ឋលេខាធិការ ក្រសួងមហាផ្ទៃ និងជាទីប្រឹក្សាផ្ទាល់សម្តេចអគ្គមហាសេនាបតីតេជោ ហ៊ុន សែន និងលោកជំទាវ ហ៊ុន ប៊ុនធឿន ទីប្រឹក្សាក្រសួងការបរទេស និងសហប្រតិបត្តិការអន្តរជាតិ និងជាអនុប្រធាននាយកដ្ឋាន ហិរញ្ញវត្ថុ និងគណនេយ្យក្រៅប្រទេស និងភ្ញៀវកិត្តិយសជាច្រើននាក់ទៀតប្រមាណជា១០០០នាក់។ លោក សេង រិទ្ធី អគ្គនាយកសាលាអន្តរជាតិ ហ្គោលដិនប្រ៊ិជភ្នំពេញ បាននិយាយថា ការរៀបចំកម្មវិធីនេះក្នុងគោលបំណងលើកកម្ពស់ និងផ្តល់តម្លៃដល់កិច្ចខិតខំប្រឹងប្រែងរបស់លោកគ្រូអ្នកគ្រូ ថ្នាក់ដឹកនាំសាលា មាតាបិតា សិស្សានុសិស្សផ្ទាល់ក្នុងការបង្រៀនអប់រំ និងរៀនសូត្រអស់រយៈពេលពេញមួយឆ្នាំកន្លងមក។ ក្នុងឱកាសនោះដែរក៏មានការដើរបង្ហាញសម្លៀកបំពាក់ អាស៊ានដោយកុមារា កុមារីថ្នាក់មត្តេយ្យកម្រិត១(k1)ផងដែរ៕ រូបថត ស្រេង ម៉េងស្រ៊ុន