តាមការគ្រោងទុកសាលារាជធានីភ្នំពេញគ្រោងនឹងបញ្ចប់ការដ្ឋានសាងសង់ និងបើកសម្ពោធស្ពានទាំងពីរនេះដាក់ឲ្យដំណើរការនៅមុនពិធីបុណ្យចូលឆ្នាំថ្មីប្រពៃណីជាតិខ្មែរនាខែមេសាខាងមុខនេះ។ ប៉ុន្តែក្រោយពីប្រព័ន្ធផ្សព្វផ្សាយព័ត៌មានក្នុងស្រុកមួយបានផ្សាយអំពីស្ពាននេះ វាក៏បានក្លាយជាការទាក់ទាញចំណាប់អារម្មណ៍ផ្សេងៗគ្នាយ៉ាងច្រើននៅក្នុងបណ្តាញ Facebook កាលពីដើមសប្តាហ៍នេះ។ រូបថតខាងលើនេះគឺជាទិដ្ឋភាពជាក់ស្តែងរបស់ស្ពានអាកាសថ្មើជើង (ទាំងពីរ) ឆ្លងកាត់ផ្លូវជាលើកដំបូងបំផុតនៅក្នុងរាជធានីភ្នំពេញដែលត្រូវបានថតកាលពីវេលាព្រឹកថ្ងៃទី ១ ខែមិនា ឆ្នាំ ២០១៧ ម្សិលមិញនេះ។ រូបថត មឿន ញាណ