ក្រុមហ៊ុន ខ្មែរ ប៊ែវើរីជីស ដែលផលិតស្រាបៀរកម្ពុជា បានប្រារព្ធពិធីជប់លៀង «Meet the Press» ជូនដល់អ្នកសារព័ត៌មានកាលពីថ្ងៃទី២៥ ខែតុលា កន្លងទៅនេះ នៅរោងចក្រផលិតស្រាបៀរកម្ពុជាតែម្តង ក្នុងគោលបំណងដើម្បីផ្សារភ្ជាប់ទំនាក់ទំនងជាមួយអ្នកសារព័ត៌មានផង និងបុគ្គលិកផ្នែកលក់របស់ស្ថាប័នព័ត៌មាននីមួយៗផង។ អ្នកសារព័ត៌មានទាំងអស់បានដើរទស្សនារោងចក្រស្រាបៀរកម្ពុជា ជាមួយនឹងអ្នកឯកទេសជំនាញដើរពន្យល់ពីរបៀបបែបបទនៃការផលិតស្រាស្តង់ដារខ្ពស់បែបអន្តរជាតិ។ ទន្ទឹមនឹងនោះ បន្ទាប់ពីដើរទស្សនារួច អ្នកសារព័ត៌មានទាំងអស់ចូលរួមជប់លៀងទាំងអស់គ្នា ពិសាស្រាស្រស់ៗ ចេញពីរោងចក្រក្លែមជាមួយនឹងម្ហូបឆ្ងាញ់ៗ និងថតរូបទុកជាអនុស្សាវរីយ៍៕ រូបថត ហេង ជីវ័ន