ទីលាន​វាយ​កូន​គោល ​City Golf បាន​រក​ឃើញ​ម្ចាស់​ជើង​ឯក ក្នុង​កម្មវិធី​ប្រកួត​យក​ពាន​រង្វាន់ UPG PIPE Golf Championship 2017 ដែល​បាន​ប្រកួត​ធ្វើឡើង​កាលពី​ថ្ងៃទី១៩ ខែមីនា ឆ្នាំ​២០១៧​កន្លង​ទៅ​នេះ​។ ​ការ​ប្រកួត​នេះ​ក្នុង​គោល​បំណង​ចង់ឱ្យ​កីឡាករ​វាយ​កូន​គោល​ទាំងអស់​បាន​ហ្វឹកហាត់​ដើម្បី​ពង្រីក​សមត្ថភាព​នៃ​ការ​លេង​ឱ្យ​កាន់​តែ​ល្អ និង​ចង់​ផ្តល់​ឱកាស​ឱ្យ​ពួក​គាត់​បាន​បញ្ចេញ​សមត្ថភាព និង​ទេពកោសល្យ​របស់​ខ្លួន​តាម​រយៈ​ការ​ប្រកួត​ប្រជែង​ផ្សេងៗ ទាំង​ការ​ប្រកួត​ប្រជែង​ថ្នាក់​ជាតិ និង​អន្តរជាតិ។​ សម្រាប់​ការ​ប្រកួត​ប្រជែង​នេះ វា​ជា​ការ​ប្រកួត​លើក​ទី​២ នៃ​ដើម​ឆ្នាំ​២០១៧ ដោយ​ខាង​ទីលាន​ City Golf​ នឹងមាន​ការ​រៀបចំ​ក​ម្ម​វិធី​ដូចនេះ​ជា​រៀងរាល់​២​ខែ​ម្ដង និង​ធ្វើការ​ប្រកួត​ធំ​នៅ​ថ្ងៃទី​២៦ ​ខែវិច្ឆិកា ឆ្នាំ​២០១៧ ​ខាង​មុខ​នេះ៕ ​រូបថត​ សហការី