Headlines:

វៀតណាម​កំពុង​ទាក់​ទាញ​ក្រុម​ហ៊ុន​បច្ចេក​វិទ្យា



121109_13
ស្លាក​សញ្ញារបស់​ក្រុម​ហ៊ុន​ Intel.Corp នៅ​មុខ​ការិយាល័យ​ក្រុម​ហ៊ុន​នៅ​រដ្ឋកាលីហ្វ័រនីញ៉ា​។ រូបថត Bloomberg

ហូជីមិញៈ ប្រទេស​វៀត​ណាម​កំពុង​ទាក់​ទាញ​ការ​វិនិយោគ​ក្រុម​ហ៊ុន​បច្ចេក​វិទ្យា​មក​ពី​អាមេរិក​និង​កូរ៉េ​ខាង​ត្បូង​កាន់​តែ​ច្រើន​។

ក្រុម​ហ៊ុន​Intel​Corp​,Samsung​Electronics​Co​និង​Jabil​Circuit Inc​ជា​ក្រុម​ហ៊ុន​ក្នុង​ចំណោម​ក្រុម​ហ៊ុន​ដែល​ត្រូវ​បាន​បង្កើត​ឡើង​និង​ចំណាយ​ច្រើន​នៅ​ប្រទេស​វៀត​ណាម​។​ការ​នាំ​ចេញ​ផលិត​ផល​របស់​ក្រុម​ហ៊ុន​ទាំង​នេះ​បាន​ជំរុញ​ដល់​កំណើន​នាំ​ចេញ​របស់​វៀតណាម​។

ការ​នាំ​ចេញ​ទូរស័ព្ទ​ដៃ​និង​ឧបករណ៍​អេឡិច​ត្រូនិក​ជា​ច្រើន​ផ្សេង​ទៀត​ពី​ប្រទេស​វៀត​ណាម​បាន​កើន​ឡើង​៩១​ភាគ​រយ​ក្នុង​រយៈ​ពេល​១០​ខែ​ដំបូង​ឆ្នាំ​នេះ​បើ​ធៀប​រយៈ​ពេល​ដូច​គ្នា​កាល​ពី​ឆ្នាំ​ទៅ​ពោល​គឺ​កើន​រហូត​ដល់​១៦​ពាន់​លាន​ដុល្លារ​ដូច្នេះ​វត្តមាន​របស់​ក្រុម​ហ៊ុន​ទាំង​នោះជា​ប្រភព​ចំណូល​នាំ​ចេញ​ដ៏​ធំ​បំផុត​របស់​វៀត​ណាម​។

កំណើន​ដែល​កើត​ចេញ​ពី​ក្រុម​ហ៊ុន​បច្ចេក​វិទ្យា​សកល​ទាំង​នេះ​ទំនង​ជា​មក​បន្សាប​ក្តី​ព្រួយ​បារម្ភ​របស់​វិនិ​យោ​គិន​ស្តី​ពី​បញ្ហា​សេដ្ឋ​កិច្ច​ដែល​គេ​បាន​កម្រិត​ថា​នឹង​កើន​ឡើង​ក្នុង​ល្បឿន​មួយ​យឺត​គិត​ចាប់​តាំង​ពី​ឆ្នាំ​១៩៩៩​និង​ដោយ​សារ​តែ​ការ​ទម្លាក់​ចំណាត់​ថ្នាក់​ឥណទាន​និង​បញ្ហា​ក្នុង​ប្រព័ន្ធ​ធនាគារ​។

កំណើន​ថ្លៃ​ពល​កម្ម​ដែល​កើត​មាន​រាប់​ទាំង​សិង្ហបុរី​និង​ថៃ​គួប​ផ្សំ​នឹង​ភាព​តាន​តឹង​រវាង​ជប៉ុន​និង​ចិន​ទំនង​ជា​អាច​ជំរុញ​ឲ្យ​រោង​ចក្រ​ជា​ច្រើន​ប្តូរ​មក​ប្រទេស​វៀត​ណាម​ដែល​អាច​ជួយ​កាត់​បន្ថយ​ឱន​ភាព​ពាណិជ្ជ​កម្ម​របស់​ខ្លួន​ឲ្យ​កាន់​តែ​តូច​។

លោក​Vincent​Conti​សេដ្ឋ​វិទូ​នៅ​ក្រុម​ហ៊ុន​Australia ​&​New​Zealand​Banking​Group Ltd​មាន​មូល​ដ្ឋាន​នៅ​ប្រទេស​សិង្ហបុរី​បាន​ឲ្យ​ដឹង​ថា​៖

«​ប្រទេស​នេះ​កំពុង​យល់​អំពី​អត្ថ​ប្រយោ​ជន៍​នៃ​តម្លៃ​ពល​កម្ម​ហើយ​ឥឡូវ​នេះ​ជា​ចំណុច​ផ្តុំ​មួយ​សម្រាប់​ក្រុម​ហ៊ុន​បច្ចេក​វិទ្យា​របស់​សកល​លោក​»។

ការ​នាំ​ចេញ​គ្រឿង​អេឡិច​ត្រូនិក​របស់​វៀត​ណាម​ដែល​រួម​មាន​ម៉ូដឹម​ទូរស័ព្ទ​ដៃ​និង​ខ្សែ​ភ្លើង​ទៅ​អាមេរិក​បាន​កើន​ឡើង​៥៨​ភាគ​រយ​នៅ​ក្នុង​រយៈ​ពេល​៨​ខែ​ដំបូង​ឆ្នាំ​នេះ​។​នេះ​បើ​តាម​គណៈ​កម្ម​ការ​ពាណិជ្ជ​កម្ម​អន្តរ​ជាតិ​របស់​អា​មេរិក​។​បើ​តាម​ការ​ប្រៀប​ធៀប​ការ​នាំ​ចេញ​របស់​ចិន​ទៅ​អាមេរិក​នូវ​ឧបករណ៍​ដូច​គ្នា​បាន​កើន​ឡើង​១១​ភាគ​រយ​ម៉ាឡេ​ស៊ី​កើន​ឡើង​៤​ភាគ​រយ​ថៃ​៥​ភាគ​រយ​និង​ប្រទេស​ឥណ្ឌូនេស៊ី​ធ្លាក់​ចុះ​១៦​ភាគ​រយ​។ នេះ​បើ​តាម​ទិន្ន​ន័យ​។

ការ​នាំ​ចេញ​សម្លៀក​បំពាក់​របស់​វៀត​ណាម​ទៅ​អាមេរិក ជា​ទីផ្សារ​ធំ​របស់​ខ្លួន​កើន​ដល់​៦,៥​ពាន់​លាន​ដុល្លារ​កាល​ពី​ឆ្នាំ​ទៅ​ដែល​ធ្វើ​ឲ្យ​វៀត​ណាម​ក្លាយ​ជា​ប្រទេស​ផ្គត់​ផ្គង់​សម្លៀក​បំពាក់​ធំ​ទី​ពីរ​ទៅ​ទីផ្សារ​អាមេរិក​បន្ទាប់​ពី​ចិន​។

ការ​នាំ​ចេញ​សម្លៀក​បំពាក់​របស់​វៀត​ណាម​មាន​តម្លៃ​៤៧​លាន​ដុល្លារ​កាល​ពី​១០​ឆ្នាំ​មុន​។

លោក​Than Trong​Phuc​ប្រធាន​គ្រប់​គ្រង DFJ VinaCapital LP​ដែល​មាន​មូល​ដ្ឋាន​នៅ​ទី​ក្រុង​ហូជី​មិញ​បាន​ឲ្យ​ដឹង​ថា​៖

«​វៀត​ណាម​នឹង​ទទួល​យក​ចំណែក​ទីផ្សារ​បច្ចេក​វិទ្យា​ពី​ប្រទេស​អាស៊ី​ផ្សេង​ទៀត​។ មាន​កត្តា​រួម​បញ្ចូល​គ្នា​ជា​ច្រើន​ដែល​ជំរុញ​កំណើន​ប៉ុន្តែ​កត្តា​ចម្បង​មួយ​គឺ​តម្លៃ​ពល​កម្ម​ថោក»៕ SS