សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

កម្ពុជា-ថៃ មិន​កំណត់​ការ​អនុវត្ត​ទិដ្ឋាការ​រួម​



ភ្នំពេញៈ ទោះ​បី​មាន​សេចក្តី​រាយ​ការណ៍​ថា​នឹង​មាន​ការ​អនុវត្ត​កិច្ច​ព្រម​ព្រៀង​ទិដ្ឋាការ​រួម​ជា​មួយ​ថៃ​នៅ​ខែ​នេះ​ក្តី ប៉ុន្តែ​មន្ត្រីក​ម្ពុជា​អះអាង​ថា​ប្រទេស​កម្ពុជា​និង​ថៃ​នៅ​មិន​ទាន់​បាន​កំណត់​កាល​បរិច្ឆេទ​សម្រាប់​អនុវត្ត​កិច្ច​ព្រម​ព្រៀង​ទិដ្ឋាការ​រួម​នេះ​នៅ​ឡើយ​ទេ​។​នេះ​បើ​តាម​មន្ត្រី​ការ​បរទេស​កម្ពុជា​។

កាល​ពី​ថ្ងៃ​សៅរ៍​កាសែត​បាង​កក​ប៉ុស្តិ៍​បាន​ចុះ​ផ្សាយ​ដោយ​ស្រង់​សម្តី​លោក​Pol Lt​GenPanu​Kerdlappol ប្រធាន​ការិយាល័យ​អន្តោ​ប្រវេសន៍​ថៃ​ដោយ​អះ​អាង​ពី​ផែន​ការ​នេះ​នឹង​ត្រូវ​យក​អនុវត្ត​នៅ​ថ្ងៃ​ទី​២១​វិច្ឆិកា​នេះ​។

លោក​កុយ​គួង​អ្នក​នាំ​ពាក្យ​ក្រសួង​ការ​បរទេស​កម្ពុជា​មាន​ប្រសាសន៍​ថា​គម្រោង​ទិដ្ឋាការ​រួម​សម្រាប់​ប្រទេស​ទាំង​៥​ក្នុង​តំបន់​អភិ​វឌ្ឍន៍​កិច្ច​សហ​ប្រតិ​បត្តិការ​សេដ្ឋ​កិច្ច​មេគង្គ​ចៅ​ប្រាយ៉ា​ឬ​(ACMECS) កំពុង​ដំណើរ​ការ​ប៉ុន្តែ​កម្ពុជា​និង​ថៃ​ជា​ប្រទេស​ដំបូង​នឹង​សាក​ល្បង​អនុវត្ត​ផែន​ការ​នេះ។ ការ​អនុវត្ត​កិច្ច​ព្រម​ព្រៀង​នេះ​ត្រូវ​បាន​គេ​សង្ឃឹម​ថា​នឹង​ជំរុញ​ដល់​វិស័យ​ទេសចរណ៍​ឲ្យ​កាន់​តែ​រីក​ចម្រើន។

កាល​ពី​មុន​មន្ត្រី​ថៃ​បាន​ស្នើ​ឲ្យ​ចាប់​ផ្តើម​អនុវត្ត​កិច្ច​ព្រម​ព្រៀង​នេះ​នៅ​ថ្ងៃទី​២១​វិច្ឆិកា​ប៉ុន្តែ​កម្ពុជា​ក៏​បាន​ស្នើ​ទៅ​វិញ​ឲ្យ​មាន​ការ​រៀប​ចំ​កិច្ច​សហ​ប្រតិ​បត្តិ​ការ​បន្ថែម​មុន​ពេល​ចាប់​ផ្តើម​អនុ​វត្ត​។​មក​ដល់​ពេល​នេះ​ប្រទេស​ទាំង​ពីរ​នៅ​មិន​ទាន់​បញ្ចប់​កិច្ច​ការ​នេះ​ទេ។

លោក​កុយ​គួង​លើក​ឡើង​ថា​៖​«​នៅ​ពេល​យើង​យល់​ព្រម​លើ​ការ​រៀប​ចំ​កិច្ច​សហ​ប្រតិ​បត្តិ​ការ​បន្ថែម​ពេល​នោះ​យើង​អាច​អនុ​វត្ត​វា​បាន​ហើយ។​រហូត​មក​ដល់​ពេល​នេះ​យើង​នៅ​មិន​ទាន់​សម្រេច​កិច្ច​ព្រម​ព្រៀង​នេះ​នៅ​ឡើយ​ទេ​។​យើង​ត្រូវ​ការ​ការ​ចរចា​លើ​ចំណុច​មួយ​ចំនួន​ដើម្បី​ឈាន​ដល់​កិច្ច​ព្រម​ព្រៀង​រួម​មួយ​»​។

កម្ពុជា​និង​ថៃ​នឹង​ចាប់​ផ្តើម​អនុវត្ត​ជា​បណ្តោះ​អាសន្ន​លើ​គម្រោង​ទិដ្ឋា​ការ​រួម​នេះ​ប៉ុន្តែ​នៅ​មិន​ទាន់​កំណត់​ថា​នឹង​អនុ​វត្ត​ពេល​ណា​ទេ​។​នេះ​បើ​តាម​លោក​កុយ​គួង​។

ពេល​សួរ​ថា​ប្រទេស​ណា​មួយ​ដែល​នឹង​ទទួល​បាន​ប្រយោជន៍​ធំ​ជាង​ពី​កិច្ច​ព្រម​ព្រៀង​នេះ​លោក​កុយ គួង​ថ្លែង​ថា គ្មាន​នរណា​ខាត​នរណា​ចំណេញ​នោះ​ទេ​។

លោក​ថោង​ខុន​រដ្ឋ​មន្ត្រី​ក្រសួង​ទេស​ចរណ៍​កម្ពុជា​បាន​ឲ្យ​ដឹង​ថា​កិច្ច​ព្រម​ព្រៀង​នេះ​នឹង​ទទួល​បាន​ប្រយោជន៍​ទាំង​សង​ខាង​។

បញ្ជាក់​ថា​៖​ «​អ្វី​ដែល​មាន​ន័យ​នោះ​គឺ​ថា​នៅ​ពេល​យើង​ផ្តល់​ទិដ្ឋា​ការ​ទៅ​ឲ្យ​អ្នក​ទេសចរ គេ​អាច​ចូល​ទៅ​ថៃ​ឬ​ថា​នៅ​ពេល​ថៃ​ផ្តល់​ឲ្យ​គេ​អាច​ចូល​មក​កម្ពុជា​។​ពួកគេ​នៅ​តែ​ត្រូវ​តម្រូវ​ឲ្យ​បង់​ថ្លៃ​ចូល​ច្រក​ព្រំ​ដែន​»​។

ទិដ្ឋាការ​រួម​រវាង​ប្រទេស​កម្ពុជា​និង​ជួយ​ជំរុញ​ដល់​វិស័យ​ទេស​ចរណ៍​របស់​កម្ពុជា​ហើយ​វា​នឹង​ក្លាយ​ជា​អ្នក​បង្កើន​ចំណូល​ដ៏​សំខាន់​សម្រាប់​សេដ្ឋ​កិច្ច​កម្ពុជា​។​នេះ​បើ​តាម​លោក​ថោង​ខុន​។

លោក​បន្ត​ថា៖«​នេះ​ជា​ការ​ល្អ​ហើយ​យើង​រង់ចាំ​ជា​យូរ​មក​ហើយ។

ទិដ្ឋាការ​រួម​គឺ​សម្រាប់​ពល​រដ្ឋ​អាស៊ាន ប៉ុន្តែ​វា​ក៏​សម្រាប់​ពល​រដ្ឋ​មក​ពី​តំបន់​ផ្សេង​ទៀត​ដែរ​»។

តាម​កាសែត​បាងកក​ប៉ុស្តិ៍​មាន​ទេសចរ​ថៃ​ប្រមាណ​៤​៨០០​នាក់​ទេសចរ​កម្ពុជា​១​៣០០​នាក់​និង​ទេសចរ​បរទេស​ផ្សេង​ទៀត​១២៥០​នាក់​បាន​ធ្វើ​ដំណើរ​ឆ្លង​កាត់​ច្រក​អន្តរ​ជាតិ​ប៉ោយ​ប៉ែត​ជា​រៀង​រាល់​ថ្ងៃ​។

លោក​ស្រី​Jiranun Wongmongkol មន្ត្រី​នៅ​ការិយា​ល័យ​កិច្ច​ការ​ពាណិជ្ជ​កម្ម​នៅ​ស្ថាន​ទូត​ថៃ​នៅ​កម្ពុជា​ឲ្យ​ដឹង​ថា​អនុស្សរណៈ​យោគ​យល់​គ្នា​លើ​ទិដ្ឋាការ​រួម​ត្រូវ​បាន​ចុះ​ហត្ថ​លេខា​ជា​យូរ​មក​ហើយ​ប៉ុន្តែ​លោក​ស្រី​មិន​បាន​បញ្ជាក់​ឲ្យ​បាន​ពិត​ប្រាកដ​ថា​នឹង​អនុ​វត្ត​នៅ​ថ្ងៃ​ទី​២១​វិច្ឆិកា​នោះ​ទេ​។​មន្ត្រី​ថៃ​ដែល​ទទួល​បន្ទុក​អនុ​វត្ត​កិច្ច​ព្រម​ព្រៀង​នេះ​មិន​អាច​ទាក់​ទង​បាន​ទេ​ពី​ថ្ងៃ​ម្សិល​មិញ​៕​

This content has been locked. You can no longer post any comments.
Show/hide comments
busy