សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

អាជីវកម្ម​បោះ​ពុម្ព​កំពុង​កើន​ឡើង​នៅ​កម្ពុជា​



121115_12
អាជីវ​កម្ម​បោះពុម្ព​​អាវយឺតមួយកន្លែង​នៅ​ភ្នំពេញ​។ រូបថត ហេង ជីវ័ន

ភ្នំពេញៈ អាជីវ​កម្ម​បោះ​ពុម្ព​ជា​ពិសេស​សម្រាប់​ការ​វេច​ខ្ទប់ កំពុង​មាន​កំណើន​នៅ​កម្ពុជា និង​នៅ​ក្នុង​តំបន់។

លោក Karen Prager អ្នក​គ្រប់​គ្រង​អាជីវកម្ម​នៅ​Rieckermann Cambodia បាន​ប្រាប់​ភ្នំពេញ ប៉ុស្តិ៍​ថា៖ «​អាជីវកម្ម​នេះ ពិត​ជា​មាន​ការ​អភិវឌ្ឍ​ហើយ​តម្រូវ​ការ​កំពុង​កើន​ឡើង​បន្តិច​ម្តងៗ»។

ពិព័រណ៍ Drupa ជា​ពិព័រណ៍​ឧស្សាហកម្ម​បោះ​ពុម្ព​ដ៏​ធំ​ជាង​គេ​នៅ​លើ​ពិភព​លោក ដែល​បាន​រៀប​ចំ​រៀង​រាល់​៤​ឆ្នាំ​ម្តង​នៅ​ប្រទេស​អាល្លឺម៉ង់។ លោក Prager បាន​លើក​ឡើង​ថា៖ «សម្រាប់​លើក​ដំបូង យើង​មាន​អតិថិជន​កម្ពុជា​មួយ​ក្រុម ដែល​បាន​មក​ចូល​រួម​ក្នុង​ពិព័រណ៍​នេះ។ នេះ​ជា​សញ្ញា​ល្អ​សម្រាប់​អនាគត​ឧស្សាហកម្ម​បោះ​ពុម្ព​នៅ​កម្ពុជា»។

លោក John Riley មក​ពី​ក្រុម​ហ៊ុន CoPac បាន​ឲ្យ​ដឹង​ថា ពាណិជ្ជកម្ម​បោះ​ពុម្ព​បាន​ផ្លាស់​ប្តូរ​នៅ​លើ​ពិភព​លោក ដោយ​សារ​អ៊ិន​ធឺណិត ប៉ុន្តែ​ការ​វេច​ខ្ចប់ កំពុង​រីក​ចម្រើន។ លោក​ថ្លែង​ថា៖ «ដោយ​សារ​តែ​នៅ​ពេល​អ្នក​មាន​ផលិត​ផល​ដែល​មាន​នៅ​ក្នុង​ឧស្សាហកម្ម​លក់​រាយ ផលិត​ផល​ទាំង​នោះ​នឹង​មាន​ការ​វេច​ខ្ចប់​ច្រើន​ប្រភេទ»។

CoPac ដែល​ជា​ក្រុម​ហ៊ុន​បោះពុម្ព​មាន​មូល​ដ្ឋាន​នៅ​អាមេរិក​មាន​អតិថិជន​អន្តរជាតិ​ជា​ច្រើន​។ ក្រុម​ហ៊ុន​នេះ ផលិត​កញ្ចប់​វេច​ខ្ចប់​សម្រាប់​អតិថិជន​នៅ​ក្នុង​ប្រទេស​ក្នុង​តំបន់​ដែល​មាន​រោង​ចក្រ​នៅ​ទី​នោះ។

ឧទាហរណ៍​អតិ​ថិជន​មក​ពី​ឧស្សាហកម្ម​ថ្នាំ​ជក់ ឧស្សាហកម្ម​ថែ​ទាំ​សុខភាព និង​ឧស្សាហកម្ម​កាត់​ដេរ។ លោក Riley បាន​ឲ្យ​ដឹង​ថា ការ​វេច​ខ្ចប់ បាន​ផ្លាស់​ប្តូរ​មក​ចាប់​អារម្មណ៍​នឹង​តំបន់​អាស៊ី​អាគ្នេយ៍។

លោក​បាន​ឲ្យ​ដឹង​ថា អតិថិជន​ក្រុម​ហ៊ុន​របស់​លោក ផលិត​ទំនិញ​ល្អ​ៗ ដូច​ជា សម្លៀក​បំពាក់ ហើយ​ឧស្សាហកម្ម​កាត់​ដេរ អាច​ផ្លាស់​ពី​តំបន់​មួយ ទៅ​តំបន់​មួយ ឬ​ពី​ប្រទេស​មួយ ទៅ​ប្រទេស​មួយ ដោយ​សារ​កត្តា​ជំរុញ​គឺ​ថ្លៃ​ពលកម្ម។

លោក Riley បាន​ឲ្យ​ដឹង​ថា៖ «កត្តា​ទាំង​នេះ​មាន​ការ​ផ្លាស់​ប្តូរ»។ លោក​បាន​ឲ្យ​ដឹង​ថា ជា​ច្រើន​ឆ្នាំ​មក​ហើយ អ្វី​ៗ​គ្រប់​យ៉ាង បាន​ធ្វើ​នៅ​ចិន ប៉ុន្តែ​បច្ចុប្បន្ន​មាន​ការ​ផ្លាស់​ប្តូរ ដោយ​ផលិតផល​មួយ​ចំនួន បាន​នាំ​មក​ផលិត​នៅ​អាស៊ី​អាគ្នេយ៍។ លោក​ថ្លែង​ថា៖ «ការ​ងារ​របស់​យើង គឺ​បោះ​ពុម្ព​ការ​វេច​ខ្ទប់ មាន​ទំនាក់​ទំនង​ទៅ​នឹង​កន្លែង​របស់​អតិថិជន»។

លោក​បាន​ឲ្យ​ដឹង​ទៀត​ថា៖ «នៅ​ពេល​ពួក​គេ​បោះ​ជំហាន​ទៅ​រក​អ្វី​ដែល​ពួក​គេ​កំពុង​ផលិត មាន​ន័យ​ថា ការ​វេច​ខ្ទប់ បោះ​ជំហាន​ស្រប​តាម​ហ្នឹង​ដែរ​»។

លោក​កុល វឌ្ឍនា អគ្គ​នាយក​ក្រុម​ហ៊ុន​ផ្គត់​ផ្គង់​ក្រដាស​បោះ​ពុម្ព​So Peuv Express ជា​ក្រុម​ហ៊ុន​ក្នុង​ស្រុក​ផ្គត់​ផ្គង់​ដល់​ឧស្សាហកម្ម​បោះ​ពុម្ព​បាន​ឲ្យ​ដឹង​ថា អាជីវកម្ម​បោះ​ពុម្ព នៅ​កម្ពុជា កំពុង​តែ​មាន​ការ​រីក​ចម្រើន។

លោក​បាន​ថ្លែង​ថា៖ «ខ្ញុំ​គិត​ថា ការណ៍​នេះ​ស្រប​តាម​ការ​អភិវឌ្ឍ​សេដ្ឋកិច្ច។ ជីវភាព​របស់​ប្រជាជន​កម្ពុជា បាន​និង​កំពុង​រីក​ចម្រើន​»៕ CS

This content has been locked. You can no longer post any comments.
Show/hide comments
busy