​កម្ពុជា​បើក​វគ្គ​ហ្វឹក​ហ្វឺន​លំហាត់​ឆ្មាំ​អង្គរ ២០១៤ រវាង​កង​ទ័ព​ជើង​គោក​កម្ពុជា និង​កង​ទ័ព​​អាមេរិក​ប្រចាំ​អាស៊ី​ប៉ាស៊ីហ្វិក​ នៅ​ព្រឹក​ថ្ងៃ​ចន្ទ​​នេះ​ក្នុង​ខេត្ត​កំពង់​ស្ពឺ លើ​ការ​ងារ​សហ​ប្រតិ​បត្តិ​ការ​សន្តិ​សុខ និង​ដើម្បី​កសាង​សមត្ថភាព​ជួយ​សង្គ្រោះ​គ្រោះ​មហន្តរាយនិង​ជំនួយ​មនុស្ស​ធម៌។
Headlines:

ក្រុម​ហ៊ុន​អាកាសចរណ៍​មីយ៉ាន់ម៉ា និង​ចាប់​ផ្តើម​ហោះ​ហើរ​ឡើង​វិញ



121115_11
អ្នក​ធ្វើ​ដំណើរ​កំពុង​​​រង់ចាំ​​នៅ​អាកាស​យានដ្ឋានអន្តរជាតិទីក្រុងយ៉ាំងហ្គោន។ MAI​ នឹង​ធ្វើ​​ការហោះហើរ​ពី​យ៉ាំងហ្គោនមកកម្ពុជាខែក្រោយ​​​។ B.g

ភ្នំពេញៈ ក្រុម​ហ៊ុន​អាកាសចរណ៍​អន្តរជាតិ​របស់​មីយ៉ាន់ម៉ា (MAI) នឹង​ចាប់​ផ្តើម​ការ​ហោះ​ហើរ​ជា​ប្រចាំ​ឡើង​វិញ​ពី​ទី​ក្រុង​យ៉ាំងហ្គោន​មក​ព្រលាន​យន្ត​ហោះ​អន្តរជាតិ​សំខាន់​ៗ​ទាំង​ពីរ​របស់​កម្ពុជា​នៅ​ដើម​ខែ​ធ្នូ ឆ្នាំ​២០១២​ខាង​មុខ​នេះ បន្ទាប់​ពី​បាន​ផ្អាក​ការ​ហោះ​ហើរ​ប្រហែល​៣​ខែ​មក។

ក្រុម​ហ៊ុន​អាកាសចរណ៍ MAI បាន​ចាប់​ផ្តើម​ការ​ហោះ​ហើរ​២​ដង ក្នុង​មួយ​សប្តាហ៍​ទៅ​កាន់​ខេត្ត​សៀម​រាប ចាប់​តាំង​ពី​ចុង​ខែ​កុម្ភៈ​ឆ្នាំ​នេះ​មក ប៉ុន្តែ​ក្រុម​ហ៊ុន​នេះ​បាន​ផ្អាក​ការ​ហោះ​ហើរ​កាល​ពី​ប៉ុន្មាន​ខែ​មុន ដោយ​សារ​តែ​តម្រូវ​ការ​សេវា​នេះ​ធា្លក់​ចុះ។

លោក ឡាវ ហេង ទី​ភ្នាក់​ងារ​លក់​របស់ MAI នៅ​កម្ពុជា និង​ជា​អគ្គ​នាយក​ក្រុម​ហ៊ុន VLK Royal Tourism បាន​ឲ្យ​ដឹង​ថា ការ​ផ្អាក​ការ​ហោះ​ហើរ​មក​កម្ពុជា កាល​ពី ៣​ខែ​មុន គឺ​ដោយ​សារ​តម្រូវ​ការ​ធ្លាក់​ចុះ។

លោក​បាន​លើក​ឡើង​ថា៖ «ពេល​នេះ​ពួក​គេ​បាន​សម្រេច​ចាប់​ផ្តើម​ការ​ហោះ​ហើរ​ឡើង​វិញ​ចាប់​ពី​ថ្ងៃ​ទី​១ ខែ​ធ្នូ​ខាង​មុខ​នេះ​ដោយ​នឹង​បន្ថែម​ជើង​ហោះ​ហើរ​២​បន្ថែម​ទៀត តាម​ផ្លូវ​ដដែល​ពោល​គឺ​២​ជើង​នៅ​រៀង​រាល់​ថ្ងៃ​ពុធ និង​សៅរ៍ សម្រាប់​រាជ​ធានី​ភ្នំពេញ និង​២​ជើង​សម្រាប់​សៀម​រាប នៅ​រៀង​រាល់​ថ្ងៃ​ចន្ទ និង​សុក្រ ដោយ​ប្រើ​យន្ត​ហោះ Airbus A321​»។

លោក ឡាវ ហេង បន្ថែម​ថា៖ «ពួក​គេ​មើល​ឃើញ​ថា បច្ចុប្បន្ន​យើង​មាន​ជើង​ហោះ​ហើរ​ដោយ​ត្រង់​មក​ពី​ប្រទេស​ផ្សេង​ៗ​ទៀត ពិសេស​នៅ​អឺរ៉ុប ដូច្នេះ​ប្រជាជន និង​ភ្ញៀវ​ទេសចរ​មក​ទី​នេះ​អាច​ហោះ​ហើរ​ត្រឡប់​ទៅ​វិញ​ដោយ​ស្រួល»។

លោក គង់ សុភារៈ អនុ​ប្រធាន​នាយកដ្ឋាន​ស្ថិតិ​នៃ​ក្រសួង​ទេសចរណ៍ បាន​ឲ្យ​ដឹង​ថា ចំនួន​ភ្ញៀវ​ទេសចរ នៅ​តែ​តិច​ដដែល សម្រាប់​ប្រទេស​ជា​សមាជិក​អាស៊ាន​ទាំង​ពីរ​។ ប៉ុន្តែ​លោក​សង្ឃឹម​ថា ការ​ចាប់​ផ្តើម​ការ​ហោះ​ហើរ​ឡើង​វិញ​នៅ​ពេល​នេះ​និង​ការ​បង្កើន​ជើង​ហោះ​ហើរ បាន​ឆ្លុះ​បញ្ចាំង​អំពី​ដំណើរ​ការ​ដ៏​ល្អ​។

លោក​លើក​ឡើង​ថា​៖ «ជា​ការ​ពិត​ណាស់ យើង​មាន​វប្បធម៌​សាសនា​ការ​រស់​នៅ​ប្រចាំ​ថ្ងៃ​របស់​ប្រជាជន ដូច​គ្នា ហើយ​យើង​ស្ថិត​ក្នុង​តំបន់​តែ​មួយ។ នេះ​ជា​ចំណុច​ដ៏​សំខាន់​សម្រាប់​លើក​កម្ពស់​ទំនាក់​ទំនង​ទេសចរណ៍ និង​សេដ្ឋកិច្ច​នា​ពេល​អនាគត។ ការ​ហោះ​ហើរ​ត្រង់ នឹង​បង្កើន​លំហូរ​វិនិយោគ និង​ពាណិជ្ជកម្ម​រវាង​ប្រទេស​ទាំង​ពីរ​»។

លោក Aung Myat Kyaw ប្រធាន​គណៈ​កម្មាធិការ​ទី​ផ្សារ​របស់​មីម៉ាន់ម៉ា​បាន​ប្រាប់​កាសែត មីយ៉ាន់ម៉ា ថែមស៍​កាល​ពី​ខែ​មីនា​ថា ប្រទេស​មីយ៉ាន់ម៉ា​បាន​ទាក់​ទាញ​ភ្ញៀវ​ទេសចរ​រាប់​លាន​នាក់ ដែល​បាន​មក​ទស្សនា​អង្គរ​វត្ត ក្នុង​ខេត្ត​សៀម​រាប ជា​រៀង​រាល់​ឆ្នាំ។ លោក​បាន​លើក​ឡើង​ថា៖

«​ខ្ញុំ​ជឿ​ជាក់​ថា ការ​ហោះ​ហើរ​ទាំង​នេះ នឹង​នាំ​ភ្ញៀវ​ទេសចរ​មក​ពី​លោក​ខាង​លិច មក​កាន់​មីយ៉ាន់ម៉ា​និង​កម្ពុជា ដែល​ជា​គោល​ដៅ​ទេសចរណ៍​តែ​មួយ។ ម្យ៉ាង​វិញ​ទៀត វា​នឹង​នាំ​យក​សេវា​ទេសចរណ៍​មក​កាន់​ទី​ផ្សារ​នេះ ពិសេស​ទី​ផ្សារ​អឺរ៉ុប»។ ចំនួន​ភ្ញៀវ​ទេសចរ​ពី​មីយ៉ាន់ម៉ា​មក​កាន់​កម្ពុជា បាន​កើន​ឡើង​ប្រហែល​១២​ភាគ​រយ ក្នុង​រយៈ​ពេល​៨​ខែ​ដើម​ឆ្នាំ​នេះ បើ​ធៀប​នឹង​កាល​ពី​ឆ្នាំ​មុន ដោយ​កើន​ឡើង​ពី ២ ៨០៨ ដល់ ៣ ១៣៨​នាក់។

ទោះ​បី​យ៉ាង​នេះ​ក្តី ចំណែក​ទី​ផ្សារ​របស់​ភ្ញៀវ​ពី​ប្រទេស​មីយ៉ាន់ម៉ា នៅ​ប្រទេស​កម្ពុជា នៅ​តែ​ទាប​ដោយ​មាន​តែ​០,១​ភាគ​រយ​ប៉ុណ្ណោះ​បើ​ធៀប​នឹង​រដ្ឋ​ជា​សមា​ជិក​អាស៊ាន​ផ្សេង​ៗ​ទៀត​៕ CS

This content has been locked. You can no longer post any comments.
Show/hide comments
busy