​កម្ពុជា​បើក​វគ្គ​ហ្វឹក​ហ្វឺន​លំហាត់​ឆ្មាំ​អង្គរ ២០១៤ រវាង​កង​ទ័ព​ជើង​គោក​កម្ពុជា និង​កង​ទ័ព​​អាមេរិក​ប្រចាំ​អាស៊ី​ប៉ាស៊ីហ្វិក​ នៅ​ព្រឹក​ថ្ងៃ​ចន្ទ​​នេះ​ក្នុង​ខេត្ត​កំពង់​ស្ពឺ លើ​ការ​ងារ​សហ​ប្រតិ​បត្តិ​ការ​សន្តិ​សុខ និង​ដើម្បី​កសាង​សមត្ថភាព​ជួយ​សង្គ្រោះ​គ្រោះ​មហន្តរាយនិង​ជំនួយ​មនុស្ស​ធម៌។
Headlines:

ទុក​លទ្ធភាពឲ្យ​​​​វិស័យ​ឯក​​ជន​ជួយ​ឧស្សាហកម្ម​SME



ក្រុង​ភ្នំពេញៈ មន្រ្តី​កម្ពុជា បាន​បដិសេធ​បង្កើត​ធនាគារ​សហ​គ្រាស​ធុន​តូច និង​មធ្យម(SME)​ដើម្បី​ជួយ​ជំរុញ​វិស័យ​នេះ​ឲ្យ​ដើរ​លឿន​ទៅ​មុខ​ក្នុង​និន្នា​ការ​សមាហរណកម្ម​ក្នុង​សហ​គមន៍​សេដ្ឋកិច្ច​អាស៊ាន (AEC) ឆ្នាំ ២០១៥​បើ​ទោះ​ជា​អ្នក​ជំនាញ​លើក​ឡើង​ថា ធនាគារ​នេះ​នឹង​ជំរុញ​វិស័យ​នេះ​បាន​កាន់​តែ​លឿន ដូច​ធ្លាប់​បាន​អនុវត្ត​នៅ​ក្នុង​ប្រទេស​អភិវឌ្ឍន៍​ក្តី។

លោក ហង្ស ជួនណារ៉ុន​រដ្ឋ​លេខាធិការ​ក្រសួង​សេដ្ឋកិច្ច​និង​ហិរញ្ញវត្ថុ បាន​ថ្លែង​ក្នុង​កិច្ច​ប្រជុំ​ធុរកិច្ច​អាស៊ាន​កាល​ពីថ្ងៃ​ម្សិល​មិញ​ថា កម្ពុជា​នឹង​មិន​បង្កើត​ធនាគារ​នេះ​ទេ​ដោយ​ខ្លាច​ធនាគារ​ឯកជន និង​គ្រឹះ​ស្ថាន​មីក្រូ​ហិរញ្ញ​វត្ថុ​ដែល​មាន​ស្រាប់​ក្ស័យ​ធន​ព្រោះ​តែ​អត្រា​ការ​ប្រាក់​មាន​កម្រិត​ទាប​។

លោក បាន​មាន​ប្រសាសន៍​ថា៖ «នៅ​កម្ពុជា​យើង បើ​យើង​បង្កើត​បែប​ហ្នឹង​វា​អាច​ធ្វើ​ឲ្យ​មីក្រូ​ហិរញ្ញវត្ថុ និង​ធនាគារ​ដែល​មាន​ស្រាប់​ដួល ដោយ​សារ​តែ​រដ្ឋ​អាច​ផ្តល់​ឥណទាន​ដោយ​អត្រា​ការ​ប្រាក់​ទាប។ យើង​ចង់​ជួយ​អ្នក​ខ្ចី តែ​យើង​ធ្វើ​ឲ្យ​ធនាគារ​ផ្សេងៗ​ទៀត​ដួល​»។

លោក​បាន​បន្ត​ថា៖ «ដូច​នេះ​យើង​គ្រាន់​តែ​មាន​គម្រោង​ធានា​ផ្នែក​ស្រូវ​អង្ករ​ប៉ុន្តែ​យើង​ទុក​ឲ្យ​ធនាគារ​និង​មីក្រូ​ហិរញ្ញវត្ថុ​ដំណើរការ​និង​ប្រណាំង​ប្រជែង​ដោយ​ខ្លួន​ឯង ដើម្បី​ឈាន​ទៅ​បន្ទាប​អត្រា​ការ​ប្រាក់»​។

លោក​Chew Seng Kok ប្រធាន​គ្រប់​គ្រង​ក្រុមហ៊ុន Zaid Ibrahim & Co​ដែល​ជា​វាគ្មិន​មួយ​រូប​ក្នុង​កិច្ច​ពិភាក្សា​ក្រោម​ប្រធាន​បទ «ផ្តល់​អំណាច​ដល់​សហគ្រាស​ធុន​តូច និង​មធ្យម» ដែល​ជា​ប្រធាន​បទ​មួយ​ត្រូវ​ពិភាក្សា​ក្នុង​កិច្ច​ប្រជុំ​កំពូល​ធុរកិច្ច និង​វិនិយោគ​អាស៊ាន មុន​ឈាន​ទៅ​រក​ការ​ធ្វើ​សមាហរណកម្ម​សេដ្ឋកិច្ច​នៅថ្ងៃ​ទី​១​ខែ​ធ្នូ​ឆ្នាំ​២០១៥ បាន​មាន​ប្រសាសន៍​ថា​ប្រទេស​មួយ​ចំនួន​បាន​អនុវត្ត​ដោយ​ជោគជ័យ​នូវ​ប្រព័ន្ធ​ធានាគារ SME ក្នុង​ការ​ជំរុញ​សហគ្រាស​ធុនតូច និ​ង​មធ្យម​ឲ្យ​ដើរ​ទៅ​មុខ​បាន​លឿន។ លោក​បាន​លើក​ឧទារហណ៍​ថា​ប្រទេស​ម៉ាឡេស៊ី ក៏​ដូចជា​ប្រទេស​ជប៉ុន​បាន​អនុវត្ត​ជោគ​ជ័យ។

លោក អ៊ិន ចាន់នី ប្រធាន​អគ្គនាយក​ធនាគារ​អេស៊ីលីដា បាន​និយាយថា​ទោះបី​ធនាគារ​របស់​ប្រទេស​មួយ​ចំនួន​នោះ​មាន​ឯក​ទេស​ផ្តោត​តែ​លើ​សហ​គ្រាស​ធុន​តូច​និង​មធ្យម​មែន តែ​ធនាគារ​ទាំង​នោះ​នៅ​តែ​គិត​អត្រា​ការ​ប្រាក់​មិន​សូវ​ខុស​គ្នា​នឹង​សេវាកម្ម​ធនាគារ​ពាណិជ្ជ​ឯកជន​ឡើយ តែ​ធនាគារ SME មាន​ឯក​ទេស​ច្បាស់​លាស់​ជាង។

លោក​បាន​បន្ត​ថា​៖ «អ្នក​លក់​និង​អ្នក​ទិញ​ខុស​គ្នា។ អ្នក​ទិញ​ចង់​បាន​ថោក រីឯ​អ្នក​លក់​ចង់​បាន​ថ្លៃ​។ នៅ​គ្រប់​ប្រទេស​គឺ​អ៊ីចឹង​ឯង»។

លោក​ប្រធាន​នាយក​ប្រតិបត្តិ​រូប​នេះ បាន​បន្ថែម​ថា៖ «បើ​រដ្ឋា​ភិបាល​មាន​ការ​ធានា​ទៅ​លើ​កម្ចី​ដែល​ផ្តល់​ដល់​សហ​គ្រាស​ធុន​តូច និង​មធ្យម នោះ​គឺ​ជា​ការ​ជួយ​ជំរុញ​លើក​ទឹក​ចិត្ត​អ្នក​ឲ្យ​ខ្ចី​លើ​វិស័យ​នេះ​»​។

លោក ហង្ស ជួនណារ៉ុន​បាន​បន្ត​ថា វិស័យ​សហគ្រាស​ធុន​តូច​និង​មធ្យម​របស់​កម្ពុជា មាន​រហូត​ដល់ ៩៨​ភាគ​រយ​នៃ​សហ​គ្រាស​សរុប​ជិត​កន្លះ​លាន​សហ​គ្រាស។​វិស័យ​នេះ​បាន​ផ្តល់​ការងារ​ដល់​ប្រជាជន​រាប់​លាន​នាក់ ដែល​ជួយ​ដល់​កម្លាំង​សេដ្ឋកិច្ច។ កម្លាំង​ពលកម្ម​ក្នុង​វិស័យ​SME គឺស្មើ​នឹង​៩០​ភាគរយ​នៃ​កម្លាំង​ពលកម្ម​សរុប។

លោក ប៊ុន មុនី ប្រធាន​មីក្រូ​ហិរញ្ញវត្ថុ​ស្ថាបនា និង​ជា​ប្រធាន​សមាគម​គ្រឹះស្ថាន​មីក្រូ​ហិរញ្ញវត្ថុ​កម្ពុជា បាន​និយាយ​ថា គ្រឹះស្ថាន​មីក្រូ​ហិរញ្ញវត្ថុ​នៅ​ប្រទេស​កម្ពុជា​រហូត​មក​ដល់​ពេល​នេះ មាន​ចំនួន​៣៥​ដែល​មាន​អាជ្ញា​ប័ណ្ណ​ធ្វើ​អាជីវកម្ម​ផ្តល់​ប្រាក់​កម្ចី​ហើយ​រហូត​ពេល​នេះ​គ្រឹះ​ស្ថាន​មីក្រូ​ហិរញ្ញ​វត្ថុ​ទាំង​នេះ បាន​ផ្តល់​ប្រាក់​កម្ចី​ចំនួន​ជាង​៨០០​លាន​ដុល្លារ​។

អ្នក​ចូល​រួម​ម្នាក់​មក​ពី​សភា​ពាណិជ្ជកម្ម​កម្ពុជា​គឺ​អ្នកស្រី ជុំ វត្តី បាន​និយាយ​ថា វិស័យ​ឯកជន​និង​ធនាគារ​នៅ​តែ​លំបាក​ក្នុង​ការ​ធ្វើ​ការ​ងារ​ជាមួយ​គ្នា​ដើម្បី​ទទួល​បាន​ទុន​យក​ទៅ​អភិវឌ្ឍ​ផ្ទាល់​បើ​ទោះបី​ខ្លួន​មាន​ប្លង់​កម្ម​សិទ្ធិ​លើ​អចលន​ទ្រព្យ​ដីធ្លី​ហើយ​ត្រូវ​ការ​ទុន​យក​ទៅ​អភិវឌ្ឍ​ដោយ​ខ្លួន​ឯង​ក៏​ដោយ​។

អ្នក​ស្រី ជុំ វត្តី មាន​ចម្ងល់​ថា៖ «តើ​ដល់​ពេល​ណា​ទើប​ខ្ញុំ​អាច​យក​ដី​ដែល​ខ្ញុំ​មាន​ទៅ​ដាក់​នៅ​ធនាគារ​មួយ​ដែល​មាន​អត្រា​ការ​ប្រាក់​ទាប និង​ឲ្យ​ក្នុង​រយៈ​ពេល​វែង​ដើម្បី​ងាយ​ស្រួល​យក​ទៅ​បង្ក​បង្កើន​ផល?​»​៕

 

This content has been locked. You can no longer post any comments.
Show/hide comments
busy