សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

ក្រុមហ៊ុន​រថយន្ត​ជប៉ុន​នៅ​ចិន​បន្ត​ខាត​



ចិនៈ​ក្រុម​ហ៊ុន​ស្រាវ​ជ្រាវ​ឧស្សាហកម្ម​រថយន្ត IHS Automotive ឲ្យ​ដឹង​ថា ក្រុម​ហ៊ុន​ផលិត​រថយន្ត​ជប៉ុន អាច​រង​នូវ​ការ​កាត់​បន្ថយ​ផលិត​កម្ម​នៅ​ឆ្នាំ​២០១៤​នៅ​ចិន ខណៈ​អតិ​ជន​បន្ត​គេច​មិន​ប្រើ​ផលិត​ផល​ពួក​គេ​ដោយ​សារ​ជម្លោះ​ទឹក​ដី​នៃ​ប្រទេស​ទាំង​ពីរ​។

ក្រុម​ហ៊ុន IHS Automotive​បញ្ជាក់​ថា ក្រុម​ហ៊ុន​ផលិត​រថយន្ត​ទាំង​នេះ អាច​ខាត​បង់​ការ​ផលិត​រថយន្ត​សរុប​៦៥​ម៉ឺន​គ្រឿង ក្នុង​នោះ​៣៥​ម៉ឺន​គ្រឿង​នៅ​ឆ្នាំ​ក្រោយ និង​៣០​ម៉ឺន​គ្រឿង​ទៀត​នៅ​ឆ្នាំ​២០១៤​បើ​ភាព​តាន​តឹង​លើ​ជម្លោះ​ដែន​កោះ​មិន​ធូរ​ស្បើយ​។

លោក Namrita Chow អ្នក​វិភាគ​នៅ​ក្រុម​ហ៊ុន IHS Automotive​ដែល​មាន​មូល​ដ្ឋាន​នៅ​ក្រុង​ស៊ាង​ហៃ​និយាយ​ក្នុង​សារ​អេឡិច​ត្រូនិក​កាល​ពីថ្ងៃ​ម្សិល​មិញ​ថា​៖ «​ថ្វី​បើ​ឈ្មួញ​កណ្តាល បញ្ចុះ​តម្លៃ​ច្រើន​ក៏​ដោយ ក៏​ការ​លក់​រថយន្ត​របស់​ជប៉ុន​ជា​ទូ​ទៅ​នៅ​ចិន មិន​មាន​សញ្ញា​ល្អ​ទេ​កាល​ពី​ខែ​តុលា​។ យើង​មើល​ឃើញ​ក្រុម​ហ៊ុន​ផលិត​រថយន្ត​ជប៉ុន​កំពុង​កាត់​បន្ថយ​ផលិត​កម្ម​ច្រើន​ថែម​ទៀត​»​។

ក្រុម​ហ៊ុន​ផលិត​រថយន្ត​ជប៉ុន បាន​រាយការណ៍​ពី​ការ​ធ្លាក់​ចុះ​នូវ​ការ​ចែក​ចាយ​នៅ​ចិន​កាល​ពី​ខែ​កញ្ញា និង​ខែ​តុលា ខណៈ​អតិថិជន​ចិន គេច​មិន​ប្រើ​ប្រាស់​រថយន្ត​ពួក​គេ​បន្ទាប់​ពី​ការ​តវ៉ា​ប្រឆាំង​នឹង​ជប៉ុន​បាន​ផ្ទុះ​ឡើង​ដោយ​សារ​តែ​ប្រជុំ​កោះ​ដែល​គ្មាន​មនុស្ស​នៅ​។

ឯកសារ​មួយ​កាល​ពី​ថ្ងៃ​ទី​២៣ ខែ​តុលា ដែល​Bloomberg ទទួល​បាន​ឲ្យ​ដឹង​ថា ការ​ព្យាករ​ដោយ HIS បាន​ប្រៀប​ធៀប​ជា​មួយ​ក្រុមហ៊ុន​តូយ៉ូតា ក្រុម​អ្នក​ស្រាវ​ជ្រាវ​បាន​ប៉ាន់​ស្មាន​ថា ក្រុម​ហ៊ុន​ផលិត​រថយន្ត​ជប៉ុន ទំនង​ជា​មិន​អាច​ស្តារ​បាន​ទាំង​ស្រុង​នូវ​ផលិត​កម្ម​ចិន​ឡើយ៕ NR