ភ្នំពេញ ប៉ុស្តិ៍
តូក្យូៈគណបក្សប្រជាធិបតេយ្យសេរីនិយម(LDP) ដែលជាបក្សប្រឆាំងរបស់ជប៉ុនហើយដែលត្រូវបានគេរំពឹងថានឹងឈ្នះការបោះឆ្នោតនៅថ្ងៃទី១៦ធ្នូឆ្នាំនេះបានប្តេជ្ញាថានឹងកំណត់ទិសដៅអតិផរណាឲ្យនៅត្រឹម២ភាគរយ។នេះបើតាមសេចក្តីរាយការណ៍ព័ត៌មានកាលពីថ្ងៃពុធ។
ការប្តេជ្ញាបែបនេះរបស់គណបក្សLDP គឺដើម្បីលើកទឹកចិត្តដល់ធនាគារកណ្តាលឲ្យបង្កើនថវិកាលើកកម្ពស់សេដ្ឋកិច្ច។
គណបក្ស LDP ក៏នឹងពិចារណាលើការពិនិត្យឡើងវិញនូវច្បាប់គ្រប់គ្រងធនាគារកណ្តាលផងដែរដើម្បីកិច្ចសហប្រតិបត្តិការជាមួយរដ្ឋាភិបាលលើគោលនយោបាយដែលមានរាប់ទាំងពីការគ្រប់គ្រងបំណុលរហូតដល់លទ្ធភាពនៃការទិញមូលបត្របំណុលរបស់បរទេស។នេះបើយោងតាមសេចក្តីរាយការណ៍របស់កាសែតជប៉ុន៕ SS
