Headlines:

ហោរាសាស្ត្រ​ប្រចាំថ្ងៃ



ថ្ងៃ​​ ០៩ រោច ខែ​ ចេត្រ ឆ្នាំ ​​មមី ឆស័ក ព.ស​ ២៥៥៨ ត្រូវ​នឹង​ថ្ងៃ​ ពុធ ទី​ ២៣ ខែ មេសា ឆ្នាំ ២០១៤
 
rat

រាសី​ស្រុត​ចុះ។ លោក​អ្នកវាចា​តែ​ពាក្យ​ត្រឹមត្រង់ ធ្វើ​ឲ្យ​អ្នក​ផង​ខ្លះ​មិន​គាប់ត្រចៀក។ សុខ​ភាព​ផ្លូវ​កាយ​ មានជំងឺ​តិចតួច រីឯ​​ផ្លូវ​ចិត្ត​មិន​សូវ​នឹងនរ។ លោក​អ្នក​មាន​សមត្ថភាព​បំពេញ​ការងារ និង​មាន​ស្មារតី​ប្រុង​ប្រយ័ត្ន បើទោះជា​លទ្ធផល​មិន​ទាន់​​ផ្លែផ្កា​។ គួរ​ប្រុង​ប្រ​យ័ត្ន​​​ការ​ធ្វើ​ដំណើរ​ទៅកាន់​ទី​ជិត​ឆ្ងាយ​ និង​​យក​​ចិត្ត​ទុក​ដាក់​ចំ​ពោះ​ចំណង​ស្នេហារបស់​អ្នកឲ្យ​បានច្រើន​​។

ox

រាសីឡើ​ងខ្ពស់​ត្រដែត​។ កិច្ច​ការ​សព្វសារ​ពើដែល​លោកអ្នក​បាន​បំពេញ​នឹង​ទទួល​បាន​​ជោគជ័យ​​យ៉ាង​ត្រចះត្រចង់។ ការ​បំពេញ​កិច្ចការ​​ផ្សេងៗ​ត្រូវ​បាន​អ្នក​​ដទៃគាំ​ទ្រ​និង​ផ្តល់​នូវ​កម្លាំង​ចិត្ត​ដល់អ្នក​ ធ្វើ​ឲ្យ​អ្នក​មាន​ចិត្ត​សប្បាយ​រីករាយ​ជាអនេក​។ សុខភាព​ល្អ​ ការ​និយាយស្តី​ប្រកប​ដោយ​វិចារណញ្ញាណ​។ បញ្ហាស្នេហា​ដៃគូ​របស់អ្នក​នឹង​បាន​យល់ពី​ទឹក​ចិត្ត​របស់​អ្នក​។

tiger

រាសីស្រុត​ចុះ​។ សុខភាព​ផ្លូវកាយ និង​ផ្លូវ​ចិត្ត​ហាក់​មាន​ភាព​រសាប់​រសល់​ខ្វល់ខ្វាយ។ ​​ពាក្យ​ពេចន៍​​ពីរោះ​ពិសា​​ ធ្វើ​ឲ្យ​អ្នក​ខ្លះ​​ស្រឡាញ់​រាប់អាន ប៉ុន្តែ​ខ្លះទៀត​ច្រណែន​ឈ្នានីស​ទៅ​វិញ។ ការ​ធ្វើដំណើរ​គួរ​ប្រយ័ត្ន​ប្រយែង​ស្មារតី​បន្តិច។ ការ​ប្រកប​របរ​រក​ទទួលទានអាច​ខាត​បង់ដោយសារ​ការ​ធ្វេស​ប្រហែស​បន្តិ​ចបន្តួច។ គូ​​ស្នេហ៍​ទាំង​ទ្វេ​យល់​ចិត្ត​គ្នា​ជា​ធម្មតា​​។

rabbit

រាសី​ឡើងខ្ពស់ត្រដែត​​។ ​រាល់​ការ​ប្រកប​​របររក​ទទួល​ទាន​បាន​ផល​ចំណេញ​គួរ​ជាទីពេញ​ចិត្ត។ ការ​និយាយស្តី​មាន​ប្រយោជន៍​ដល់​អ្នក​​ស្តាប់ និង​មាន​ចិត្ត​សោមនស្ស​រីករាយ​​ក្នុង​ការ​បំពេញ​អំពើ​ជាកុសលផ្សេងៗ។ ការ​ធ្វើ​ដំណើរ​​ទៅកាន់​ទីជិត​ឆ្ងាយ​គប្បី​ប្រយ័ត្ន។ បញ្ហា​​ស្នេហា​មាន​​ភាពចុះសម្រុង​នឹងគ្នាល្អ។ លោក​អ្នកអាច​ទទួល​ដំណឹងសប្បាយ​​​រីករាយ​ក្នុង​ថ្ងៃ​នេះ។

dragon

រាសីមធ្យម​។​ មាន​សមត្ថភាព​ប្រើ​កម្លាំង​កាយ​ជាង​កម្លាំង​ប្រាជ្ញា​។ នេះ​បណ្តាល​មក​ពី​លោ​កអ្នក​មាន​សុខភាព​​ផ្លូវកាយ​ល្អ​ តែ​ចិត្ត​មាន​ការ​ហ្មង​សៅ​ខ្លះ​ៗ​ ហេតុ​នេះ​គួរ​អានសៀវ​ភៅ​
ធម៌​ ឬ​ស្តាប់​ព្រះ​ធម៌​ឲ្យ​បាន​ច្រើន​ដើម្បី​ជម្រះ​ចិត្ត​សៅហ្មង​។ រីឯ​ការ​និយាយ​ស្តី​ក៏​មិន​សូវ​ជាល្អ​ប៉ុន្មាន​ដែ​រ​។ គូ​ស្នេហ៍​របស់​អ្នក​យល់​ពី​ទឹក​ចិត្ត​របស់​អ្នក ធ្វើ​ឲ្យចំណង​ស្នេហ៍​ផ្អែម​ល្ហែម​​។

snake

រាសី​ល្អ​បង្គួរ។ ​លោក​អ្នក​មាន​ចិត្ត​ព្យា​យាម​​យ៉ាង​ប្រពៃ​ ធ្វើ​ឲ្យ​អ្នក​ផង​ទាំង​ឡាយ​ជឿជាក់​ចាំ​​ជួយ​ទំនុក​បម្រុងឲ្យ​ជោគជ័យ​។ ការប្រកប​របរ​រក​ទទួល​ទាន​​បាន​ផល​ច្រើ​នគួរសម​។ សុខ​ភាព​ផ្លូវ​កាយ​ល្អ​ តែ​​ផ្លូវ​​ចិត្ត​ហាក់ស្មុគ​ស្មាញ​បន្តិច។​ ការ​ធ្វើ​ដំណើរ​ទៅ​កាន់​ទី​ជិត​ឆ្ងាយ​ទទួល​បាន​ការ​រាក់ទាក់​។ ការ​និយាយ​ស្តីពោល​តែ​ពាក្យពិត​។​ ស្នេហា​មាន​សភាពផ្អែមល្ហែម​​​។

horse

រាសី​ឡើងខ្ពស់ត្រដែត​​។ ​ទឹក​ចិត្ត​អង់អាច​ក្លាហាន​ក្នុង​ការ​សម្រេច​កិច្ចការ​​ប្រកប​ដោយ​ភាព​ឈ្លាសវៃ។ ការ​ប្រកបរបរ​រកទទួលទាន​នឹង​​បាន​នូវ​ផល​ចំណេញ​យ៉ាង​គាប់​​​ប្រសើរ​។ គូ​ស្នេហ៍​មាន​ការ​យកចិត្ត​ទុកដាក់​ និង​​សេចក្ដីទុក​ចិត្ត​ចំពោះគ្នា​មិនអាច​មាន​អ្នក​ដទៃ​​ជ្រែក​ចូល​បាន។ ការ​ធ្វើ​ដំណើរ​​បំពេញ​ការ​ងារ​តែង​មាន​ជោគ​​ជ័យ និង​លាភសក្ការៈ​ជាប់​ជានិច្ច​។

goat

រាសីស្រុត​ចុះ។ ការ​ប្រកប​​របរ​រក​ទទួល​ទាន​អាច​រង​នូវការ​ខាត​បង់​ព្រោះ​ចិត្ត​ទន់ឆាប់ជឿ​ទុក​ចិត្ត​គេ​ពេក ដូច្នេះ​លោក​អ្នក​គួរ​តែ​បង្កើន​ការ​ប្រុង​ប្រយ័ត្ន​បន្តិច ពិសេស​ចំពោះការ​ធ្វើ​ដំណើរ​ទៅណាមកណា។ សុខ​ភាព​​​ផ្លូវកាយ​ និងផ្លូវ​ចិត្តមិនសូវ​ស្វាហាប់។ ការ​និយាយ​ស្ដី​រង​ឥទ្ធិពលពី​​​អារម្មណ៍​មួម៉ៅ។ ដោយឡែក ស្នេហា​មានដំណើរការ​ល្អ មិនមានបញ្ហា​អ្វី​ទេ។

monkey

​រាសី​ឡើងខ្ពស់ត្រដែត​​។ ការ​ប្រកប​របរ​រកទទួល​ទាន​បាន​ផលចំណេញ​ហួស​​ពី​ការ​​រំពឹង​ទុក។ ការនិយាយ​ស្តី​ត្រូវ​បាន​គេ​គោរព​​​កោត​សរសើរ។ ការ​ធ្វើដំណើរ​ទៅ​កាន់​ទី​ជិតឆ្ងាយ​តែង​ទទួល​បាន​​នូវ​ការ​ស្វាគមន៍​​ផ្ដល់​​គារវ​ៈ។ លោក​អ្នក​ត្រូវ​បាន​មនុស្ស​ជា​ច្រើន​ជ្រោម​ជ្រែង​ឆ្ពោះទៅ​រក​ជោគជ័យ។ រីឯបញ្ហាស្នេហា​អ្នក​នឹង​ទទួល​បាន​នូវ​ការ​គោរព​ជឿជាក​់​ខ្លាំង​ពី​គូស្នេហ៍​របស់​អ្នក​។

rooster

រាសីស្រុត​ចុះ​។ លោកអ្នក​ខិត​ខំ​បំពេញ​ការងារ​​សស្រោកសស្រាំ ប៉ុន្តែ​​ត្រូវ​អត់ធ្មត់​រង់ចាំ​ជោគលាភ​នា​ពេល​ក្រោយ។ ការ​ធ្វើ​ដំណើរ​​​មាន​សុវត្ថិភាព​ធម្មតា។ ​ថ្ងៃនេះ​លោក​អ្នក​អាច​ឮ​ដំណឹង​ល្អ​លាយឡំ​នឹង​រឿង​មិន​សូវ​សប្បាយ​ចិត្ត​ខ្លះៗ។ ការ​និយាយ​ស្ដី​កុំចេះតែ​ពោល​ពាក្យ​តាម​តែ​នឹក​ឃើញ។ គូស្នេហ៍ស្វែង​យល់ចិត្តគ្នា​បានល្អពោរពេញ​ដោយ​ភាព​ផ្អែម​ល្ហែម​។

dog

រាសី​ឡើងខ្ពស់ត្រដែត​​។ រាល់​ការ​និយាយស្តី​ច្រើនពោលពាក្យ​ពិត​ទៅ​កាន់អ្នក​ផងគ្នា​។ ការ​ប្រកប​​របររក​​ទទួល​ទានបាន​ចំណេញ​យ៉ាង​គាប់ចិត្ត​ធ្វើឲ្យ​ទឹកចិត្ត​របស់​លោកអ្នក​មាន​សន្ទុះខ្លាំង​ឡើង​ក្នុង​ការ​​បំពេញការងារ​។ ការធ្វើ​ដំណើរ​ទៅ​កាន់​ទី​ជិតឆ្ងាយ​មានសុវត្ថិភាព​ល្អ។ រីឯបញ្ហាស្នេហា​ គូស្នេហ៍​​មាន​ភាព​ល្អូក​ល្អិន និង​យក​ចិត្ត​ទុកដាក់ចំពោះគ្នា​ពេញទំហឹង​។

pig

រាសី​មធ្យម។ សុខភាព​ផ្លូវ​កា​យ​​និង​ផ្លូវ​ចិត្ត​ល្អ។​ លោក​អ្ន​ក​ពោរ-​ពេញ​ដោយ​ក្ដី​​​​ឧស្សាហ៍​ព្យាយាម និង​​សមត្ថ​ភាព​​ក្នុង​ការ​បំពេញ​ការងារ ប៉ុន្តែ​មាន​មនុស្ស​រាំងស្ទាក់ការងារ​ដោយ​មិនដឹង​ខ្លួន​។ ការ​ប្រកប​របរ​រក​ទទួល​​ទាន​បាន​ផល​បន្ទាប់បន្សំ​មិន​សូវ​ជាច្រើនប៉ុន្មានទេ។ ចំពោះ​​សេចក្តី​ស្នេហា ដៃគូ​មាន​អធ្យាស្រ័យ​​គ្នា​ល្អ​ប្រពៃ ធ្វើ​ឲ្យ​ចំណងស្នេហ៍​កាន់តែ​ផ្អែម​ល្ហែម​។

ទស្សន៍ទាយតាមក្បួនសប្តគ្រោះ និងនព្វគ្រោះ នៃព្រហ្មជាតិខ្មែរ ​​ដោយលោក វ៉ាយ វិបុល មន្ត្រីស្រាវជ្រាវហោរាសាស្ត្រ និងទំនៀមទម្លាប់​នៃក្រសួងធម្មការ និងសាសនា