Headlines:

ស៊ឹម ថៃណា ប្រកាស​ថា កំពុង​សម្លឹង​មើល​អាណិកជន​អាមេរិក



121113_21b
ស៊ឹម ថៃណា បញ្ចេញ​ដើម​ទ្រូង​ស​ខ្ចី​ចំពោះ​មុខ​អ្នក​សារព័ត៌​មាន​។ រូប​ សេត គឹមសឿន

ភ្នំពេញៈ នៅ​ពេល​បាន​ទៅ​សម្តែង​ច្រៀង​យ៉ាង​រស់​រវើក​ជាមួយ​នឹង​សម្រស់​ដើម​ទ្រូង​ធំ ​មូល​ក្លំទ្រលុក​ទ្រលន់​គយ​គន់​មិន​ចង់​ដក​ភ្នែក​​ជា​លើក​ដំបូង​ក្នុង​ឆាក​ ជីវិត​​ជា​អ្នក​សិល្បៈ​ជិត​១០​ឆ្នាំ​​នៅ​ទឹក​ដី​សហ​រដ្ឋ​អាមេរិក​នោះ​ តារា​ចម្រៀង​នាង ស៊ឹម ថៃណា បាន​ប្រកាស​ប្រាប់​អ្នក​អាមេរិក​ថា បើ​នាង​មាន​ស្វាមី​នាង​នឹង​ឈប់​ពី​សិល្បៈ ខណៈ​នាង​កំពុង​សម្លឹង​មើល​បុរស​អាណិក​ជន​អាមេរិក​។

នៅ​ពេល​ប្រមាណ​ជា​មួយ ​សប្តាហ៍​ទៀត​ប៉ុណ្ណោះ តារា​ចម្រៀង​ដែល​ទើប​ដើរ​ចេញ​ពី​ផលិតកម្ម​អឹម​(M Production) ជា​លើក​ទី​២​ មុន​នឹង​បោះ​ជំហាន​ទៅ​ច្រៀង​នៅ​អាមេរិក​នាង ស៊ឹម ថៃណា នឹង​ត្រឡប់​មក​ដល់​ប្រទេស​កម្ពុជា​វិញ ប៉ុន្តែ​ក្នុង​រយៈ​ពេល​នៃ​ការ​ច្រៀង​នៅ​អាមេរិក​ជាង​២​ខែ​មក​នោះ ស៊ឹម ថៃណា បាន​អះអាង​ថា​ នាង​បាន​ជួប​នឹង​មនុស្ស​ល្អ​ៗ​ជា​ច្រើន​រូប​ ហើយ​ទន្ទឹម​នឹង​នោះ នាង​បាន​បញ្ជាក់​ប្រាប់​អ្នក​អាមេរិក​ថា ប្រសិន​បើ​នាង​មាន​បុរស​ជា​គូ​គាប់​ក្នុង​ចិន្តា​ធ្វើ​ជា​ស្វាមី​នោះ ជីវិត​ភ្លើង​ពណ៌​នៃ​សិល្បៈ​នឹង​ត្រូវ​ឃ្លាត​ឆ្ងាយ​ពី​រូប​នាង​ហើយ ពោល​គឺ​នាង​នឹង​ឈប់​ពី​សិល្បៈ​តែ​ម្តង​។

នៅ​ក្នុង​បទ​សម្ភាស​ជាមួយ​នឹង​ គេហ​ទំព័រ​បរទេស​មួយ​ តារា​ចម្រៀង​ដែល​អះអាង​ថា ដើម​ទ្រូង​ដ៏​ធំ​ស​ខ្ចី​ចេញ​សរសៃ​ខៀវ​របស់​នាង​ជា​របស់​ធម្មជាតិ​សុទ្ធ​ សាធ​​នោះ​នាង ស៊ឹម ថៃណា ​និយាយ​ថា៖​ «ខ្ញុំ​មិន​នឹក​ស្មាន​ថា បង​ប្អូន​ខ្មែរ​នៅ​អាមេរិក​គាំទ្រ​សិល្បៈ​ខ្មែរ​បែប​នេះ​សោះ។ ក្នុង​រយៈ​ពេល​ការ​សម្តែង​របស់​ខ្ញុំ​នេះ ខ្ញុំ​បាន​ស្គាល់​មនុស្ស​ល្អ​ៗ​ជា​ច្រើន​នាក់​ ពួក​គាត់​ពិត​ជា​ល្អ​»។ ស្រប​គ្នា​នោះ នាង​បន្ត​ថា៖​ «​រឿង​ជីវិត​ស្នេហា​ខ្ញុំ​មិន​ទាន់​មាន​អ្នក​ណា​ឡើយ បើ​ខ្ញុំ​មាន​គ្រួសារ ខ្ញុំ​នឹង​ឈប់​ពី​សិល្បៈ​តែ​ម្តង ខ្ញុំ​ចង់​រក​ស៊ី​ឬ​ក៏​ធ្វើ​អ្វី​ផ្សេង​វិញ​ម្តង​»។

ទោះ​ជា​យ៉ាង ណា​ក្នុង​ដំណើរ​សម្តែង​ច្រៀង​ជ្រែក​ដី​អាមេរិក​ជា​លើក​ដំបូង​ដែល ស៊ឹម ថៃណា អះអាង​ថា នាង​បាន​ជួប​នឹង​បុរស​ល្អ​កម្រ​ប្រទះ​ក៏​ពិត​មែន តែ​នាង​បាន​ឲ្យ​ដឹង​ថា នាង​នៅ​មិន​ទាន់​មាន​ទំនាក់​ទំនង​រឿង​ស្នេហា​នៅ​ឡើយ តែ​នាង​ក៏​មិន​ព្រងើយ​កន្តើយ​បណ្តែត​បណ្តោយ​ពេល​វេលា​ឲ្យ​អណ្តែត​ត្រសែត​អត់ ​ប្រយោជន៍​ដែរ ពោល​គឺ​នាង​កំពុង​សម្លឹង​ ខណៈ​ដែល​នាង​គិត​ថា វ័យ​នាង​បច្ចុប្បន្ន​ក៏​ជា​វ័យ​មិន​អាច​មើល​រំលង​ពីរឿង​គូ​អនាគត​នោះ​បាន​ដែរ​។

តារា ស្រី​ដែល​ធ្លាប់​ផ្ទុះ​រឿង​ចំណង​ស្នេហា​ភេទ​ដូច​គ្នា​រូប​នេះ​បាន​និយាយ​ ថា៖​ «​ខ្ញុំ​មិន​ទាន់​ដឹង​ថា បុរស​ណា​មួយ​ទេ តែ​កំពុង​ស្ថិត​នៅ​ក្នុង​ការ​សម្លឹង មាន​បុរស​ជាច្រើន​សុទ្ធ​តែ​ល្អ​ៗ តែ​ខ្ញុំ​កំពុង​គិត។ ជា​ការ​ពិត​ហើយ នៅ​វ័យ​ប៉ុណ្ណឹង ក៏​ដល់​ពេល​ខ្ញុំ​ត្រូវ​គិត​គូរ​ពី​រឿង​គូ​អនាគត​នេះ​ដែរ​ហើយ»។

ដោយ​ឡែក សម្រាប់​រយៈ​ពេល​ជិត​១០​ឆ្នាំ​ក្នុង​សិល្បៈ​នេះ ស៊ឹម ថៃណា ទើប​តែ​ឈាន​ជើង​បាន​ទៅ​សម្តែង​នៅ​បរទេស​តែ​ម្តង​គត់ តែ​នាង​បញ្ជាក់​ថា វា​ជា​សំណាង​សម្រាប់​នាង ដែល​សម្ភាស​នៅ​ស្ថានទូត​អាមេរិក​តែ​ម្តង​គត់​ក៏​ជាប់​ភ្លាម។

តារា​ចម្រៀង មាន​កំណើត​នៅ​ខេត្ត​បាត់ដំបង ស៊ឹម ថៃណា ចូល​ប្រឡូក​ក្នុង​វិស័យ​សិល្បៈ​នៅ​ឆ្នាំ​២០០៣។ នាង​បាន​ផ្លាស់​ប្តូរ​ផលិតកម្ម​ជាច្រើន​កន្លែង ហើយ​ចុង​ក្រោយ​នេះ​នាង​បាន​ដើរ​ចេញ​ពី​ផលិតកម្ម​អឹម​ជា​លើក​ទី​២ មុន​នឹង​ទៅ​ច្រៀង​នៅ​សហរដ្ឋ​អាមេរិក​។ នាង​មាន​បង​ប្អូន​៨​នាក់ នាង​ជា​កូន​ពៅ​។ ក្រោយ​មក​ពី​អាមេរិក នាង​នឹង​រក​កន្លែង​ច្រៀង​ថ្មី៕

This content has been locked. You can no longer post any comments.
Show/hide comments
busy