Headlines:

ថៃ​ធ្វើ​​ពិធី​អុំ​ទូក​បន្ទាប់​ពី​ខក​ខាន​អស់​៥​ឆ្នាំ​មក



121113_24
ក្បួនទូក​រូបហង្ស​​នៅទន្លេ​ចៅប្រាយ៉ា ប្រទេស​ថៃ។ រូបថត Reuters

ក្រុងបាងកកៈ គេ​ឃើញ​មាន​ក្បួន​ទូក​មាន​រូប​រាង​ដូច​ជា​សត្វ​ហង្ស​ហែល​លេង​លើ​ផ្ទៃ​ទឹក​ ពណ៌​មាស​ភ្លឺ​ចិញ្ចាច​ចញ្ចែង​ស្រដៀង​គ្នា​នឹង​ព្រះ​រាជ​ពិធី​បុណ្យ​អុំទូក​ សំពះ​ព្រះ​ខែ​របស់​ប្រទេស​កម្ពុជា​ដែរ។ ថៃ​បាន​រៀប​ចំ​នៅ​តាម​ដង​ទន្លេ​ចៅ​ប្រាយ៉ា​លើ​ទឹក​ដី​ក្រុង​បាងកក​កាល​ពី​ ថ្ងៃ​សុក្រ​កន្លង​មក។ ក្បូន​ទូក​នេះ​មាន​ប្រវត្តិ​ជា​ពិធី​បុណ្យ​មួយ​អាយុ​កាល​៧០០​ឆ្នាំ​មក​ហើយ​ របស់​ថៃ​ដោយ​មាន​កីឡាករ​អុំ​ទូក​ចំនួន​២ពាន់​នាក់​ចូល​រួម។

ក្បូន​ទូក មាន​លក្ខណៈ​តាម​គន្លង​បុណ្យ​របស់​ក្សត្រ​នេះ​បាន​បង្ហាញ​ខ្លួន​ជា​ថ្មី​មួយ ​បន្ទាប់​ពី​ដំណើរ​ការ​អាក់​ខាន​នា​រយៈ​ពេល​៥​ឆ្នាំ​ចុង​ក្រោយ​នេះ។ ពិធី​បុណ្យ​នោះ​មាន​ព្រះ​អង្គ​ម្ចាស់​មហា​វ៉ាជីរ៉ា ឡុងកន ជា​ប្រធាន​នៃ​ក្បូន​ដង្ហែ​នោះ​ដើម្បី​បង្ហាញ​ពី​ការ​ដឹង​គុណ​ដល់​ព្រះ​ គង្គាបាន​ផ្តល់​ធន​ធាន​ទឹក​សម្រាប់​ប្រជាជន​ថៃ។

បើ​តាម​ប្រវត្តិ​នៃ​ ពិធី​បុណ្យ​នេះ ព្រះ​គង្គា​ត្រូវ​បាន​ប្រជាជន​ថៃ​ចាត់​ទុក​ថា​ជា​វត្ថុ​ដ៏​ពិសិដ្ឋ​មួយ​មាន តម្លៃ​ណាស់​សម្រាប់​ជីវិត​។

លោក កញ្ចាណា កាមសុងស៊ី វ័យ​៥៩​ឆ្នាំ​ជា​មន្ត្រី​បដិសណ្ឋារ​កិច្ច​ ដែល​បាន​ចូល​ទស្សនា​ពិធី​នោះ​ដែរ​បាន​និយាយ​ថា៖«ទឹក​ភ្នែក​ស្រក់​ចេញ​ពី​ នេត្រា​របស់​ខ្ញុំ​ពេល​បាន​ឃើញ​ទិដ្ឋភាព​បុណ្យ​នេះ​ព្រោះ​វា​ជា​ពិធី​បុណ្យ មួយ​មាន​ភាព​ចម្លែក​ខុស​ពី​ធម្មតា»។

តាម​ក្បូន​ចាស់​ត​ពី​បរម​បុរាណ​មក​គេ​ឃើញ​មាន​ទូក​ចំនួន​៥២​ដែល​គេ​យក​មក​តុប​តែង​វា​ជា​រាង ​សត្វ​ផ្សេងៗ​ មាន​ពណ៌​មាស​ក្រហម​ឆ្អិនឆ្អៅ​ដោយ​បាន​បំពាក់​កម្រង​ផ្កា​ម្លិះ​ក្រោម​ អធិបតី​ស្តេច​ភូមីបុល​អាឌុលយ៉ាដេត តាំង​ពី​ឆ្នាំ​១៩៦០​មក។

កាល​ពី​ឆ្នាំ ២០០៧​គេ​ក៏​បាន​ឃើញ​ពិធី​មួយ​នេះ ​បាន​ប្រារព្ធ​នា​ពេល​បុណ្យ​ចម្រើន​ព្រះ​ជន្ម​ខួប​៨០​ឆ្នាំ​របស់​ស្តេច​ថៃ​ ដែរ។ តែ​ពិធី​បុណ្យ​កាល​ពី​ថ្ងៃ​សុក្រ​កន្លង​មក​នា​ឆ្នាំ​នេះ ​គ្មាន​វត្តមាន​ស្តេច ​ភូមិបុល​ទេ ដោយ​ព្រះ​អង្គ​បាន​សម្រាក​ព្យាបាល​ជំងឺ​នៅ​ឯ​មន្ទីរ​ពេទ្យ​ចាប់​តាំង​ពី​ខែ​ កញ្ញា​ ឆ្នាំ​២០០៩។

កាល​ពី​ឆ្នាំ​ទៅ​ប្រទេស​ថៃ​បាន​រង​គ្រោះ​នូវ​ទឹក​ ជំនន់ ​ដ៏​អាក្រក់​មួយ​នា​រយៈ​ពេល​ពាក់​កណ្តាល​សត​វត្សរ៍​ចុង​ក្រោយ​ ដោយ​ទឹក​បាន​ឡើង​ជន់​លិច​ភូមិ​ដ្ឋាន​ផ្ទះ​សម្បែង​ប្រជាជន​ដោយ​បង្ខំ​ចិត្ត​ មិន​អាច​រៀបចំ​ពិធី​បុណ្យ​នេះ​បាន។

ក្បូន​ទូក​នេះ​ត្រូវ​គេ​បណ្តែត​រយៈ​ ពេល​មួយ​ម៉ោង​នៅ​លើ​ផ្ទៃ​ទន្លេ​ដោយ​មាន​កីឡា​ករ​អុំ​ទូក​ចូល​រួម​ចំនួន​២២០០ នាក់​មាន​ស្លៀក​ឈុត​ជា​ទាហាន​ជើង​ទឹក​របស់​ថៃ​ហើយ​មាន​សំឡេង​ស្រែក​ច្រៀង​ យ៉ាង​កង​រំពង​ផង​ដែរ។

សូផានី ចាន់ឃុន វ័យ​៥៩​ឆ្នាំ​បាន​និយាយ​ថា៖ «ទោះ​បី​ជា​មាន​ព្រះ​ភិរុណ​ធ្លាក់​ ឬព្រះ​សូរិយា​បញ្ចេញ​ពន្លឺ​ខ្លាំង​ក្តី​ក៏​ខ្ញុំ​តែង​មក​មើល​ពិធី​នេះ​ គ្រប់​ពេល។ ការ​ចូល​រួម​នៅ​ពិធី​បុណ្យ​នេះ ពិត​ជា​មាន​មោទន​ភាព​ណាស់​ដែល​បាន​កើត​ជាជាតិ​ថៃ»៕ PR

This content has been locked. You can no longer post any comments.
Show/hide comments
busy