Headlines:

ម្ហូប Traveling Fish ពី Ebony Tree



121113_22a

ភ្នំពេញ : ជម្រាប​សួរ​មិត្ត​អ្នក​អាន ភ្នំពេញ ប៉ុស្ដិ៍​ជាទី​មេត្រី! ថ្ងៃ​នេះ​នាង​ខ្ញុំ​នាំ​លោក​អ្នក​ទៅ​ភ្លក្ស​អាហារ​ Traveling Fish ដែលជា​មុខ​ម្ហូប​ច្នៃ​ប្រឌិត​ដោយ​ម្ចាស់​ហាង Ebony Tree ផ្ទាល់​តែ​ម្ដង។

គ្រឿង ផ្សំ : ផ្ទីពណ៌​ស្វាយ ដំឡូង​បារាំង ត្រី​សាល់​ម៉ុន ស្ទឹក Parsley ទឹក​ Sauce (ទឹក​ជ្រលក់) ឆ្អឹង​ត្រី​សាល់​ម៉ុន ខ្ទឹម​បារាំង ផ្សិត​ចំបើង ស្ពៃ​បូក​គោ ស្ពៃ​ក្ដោប អំបិល ខ្ទឹម​ស ប៊័រប្រៃ និង​ស្រាស។

វិធី ចម្អិន​ទឹក Sauce : ដំបូង​យក​ឆ្អឹង​ត្រី​សាល់ម៉ុន ខ្ទឹម​បារាំង ខ្ទឹម​ស ផ្សិត​ចំបើង ស្ពៃ​បូក​គោ និង​ស្ពៃ​ក្ដោប ដាក់​ចូល​គ្នា​ក្នុង​ឆ្នាំង ដោយ​បន្ថែម​ទឹក​ចូល រួច​រម្ងាស់​វា​រយៈ​ពេល​៤០​នាទី។ ក្រោយពី​រម្ងាស់​ហើយ ត្រូវ​យក​វា​ទៅ​កិន​ឲ្យ​ម៉ត់​ដោយ​ប្រើ​ម៉ាស៊ីន​ទឹក​ក្រឡុក រួច​បន្ថែម​អំបិល​ និង​ស្រា​ស​ចូល​បន្តិច។

វិធីចម្អិន​ត្រី : យក​ត្រី​សាល់ម៉ុន​ទៅ​លាង​ទឹក​ដោយ​ថ្មម ដើម្បី​កុំ​ឲ្យ​បែក​សាច់​ត្រី។ យក​ត្រី​ទៅ​ចៀន​មួយ​ភ្លែត ដោយ​រោយ​អំបិល និង​ស្លឹក Parsley ក្រៀម​បន្តិច និង​ទុក​ឲ្យ​ត្រី​នោះ​ឆ្អិន​ប្រមាណ​ត្រឹម​២០​ភាគរយ​ប៉ុណ្ណោះ។ ​ដំឡូង​បារាំង​ដែល​ចិត​រួច​ហើយ ត្រូវ​យក​ទៅ​បំពង​​ឲ្យ​ឆ្អិន។ ស្លឹក​ផ្ទីត្រូវ​យក​ទៅ​ឆា​ជាមួយ​ប៊័រ​រសជាតិ​ប្រៃ។

នៅ​ពេល​ដែល​រៀប​ ដាក់ចាន ដំបូង​ត្រូវ​យក​ទឹក​ខ្មេះខ្មៅ​លាយ​ជាមួយ​ទឹក​ឃ្មុំ រួច​ពាស​នៅ​បាត​ចាន មុន​នឹង​ដាក់​ផ្ទី​ឆា ដំឡូង​បារាំង និង​សាច់​ត្រី​ពី​លើ។ ដោយ​ស្លឹក​ Parsley ស្រស់ រួច​ស្រូប​ទឹក Sauce នោះ​ជា​ការ​ស្រេច។

ប្រសិន​បើ​លោក​អ្នក​ចង់​ភ្លក្ស Traveling Fish នេះ​ផ្ទាល់ សូម​អញ្ជើញ​ទៅ​កាន់​ភោជនីយដ្ឋាន Ebony Tree ផ្ទះ​លេខ ២៩ ផ្លូវ​២៩ សង្កាត់​ទន្លេ​បាសាក់ រាជធានី​ភ្នំពេញ ឬ​ទំនាក់​ទំនង​ទូរស័ព្ទ​លេខ ០១២ ៥៨១ ២៩១។

ភោជនីយដ្ឋាន និង​សាលា​បង្រៀន​ធ្វើ​ម្ហូប ដែល​ចង់​ចែក​រំលែក​វិធី​ចម្អិន​ម្ហូប​របស់​ខ្លួន​ជាមួយ​ប្រិយមិត្ត ភ្នំពេញ ប៉ុស្ដិ៍ សូម​ទាក់ទង​មក​កាន់​លេខ ០៧៧ ៧១៧ ៧១៥ និង ០១៦ ៩៣ ១៣ ១៣៕

This content has been locked. You can no longer post any comments.
Show/hide comments
busy