Headlines:

ប្រសិទ្ធភាព​មេហ្សូតេរ៉ា​ពី​បំបាត់​ខ្លាញ់



121114_22a

ភ្នំពេញ : ការ​កើន​ឡើង​នូវ​តម្រូវ​ការ​កែ​សម្ផស្ស​ដោយ​ពុំ​វះកាត់ បាន​បង្កើត​ឲ្យ​មាន​ការ​ស្រាវជ្រាវ​រុក​រក​វិធីសាស្ត្រ​ផ្សេងៗ ដែល​ក្នុង​នោះ​វិធីសាស្ត្រ​វេជ្ជសាស្ត្រ មេហ្សូតេរ៉ាពី សម្រាប់​បំបាត់​ខ្លាញ់​លើ​រាងកាយ​ទទួល​ការ​ចាប់​អារម្មណ៍​យ៉ាង​ខ្លាំង​ពី​ សំណាក់​អតិថិជន​ដែល​មាន​​បញ្ហា​កក​ខ្លាញ់ ជា​ពិសេស​គឺ​អ្នក​ដែល​មិន​និយម​វិធីសាស្ត្រ​កែ​សម្ផស្ស​ដោយ​វះកាត់​តែ​ម្ដង។

មូលហេតុ​នៃ​ការ​កក​ខ្លាញ់​ក្នុង​រាង​កាយ
​ជា​ទូទៅ ​បញ្ហា​កក​ខ្លាញ់​ច្រើន​កើត​ឡើង​លើ​មនុស្ស​​ចាប់ពី​អាយុ​ពេញ​វ័យ រហូត​ដល់​មជ្ឈិម​វ័យ។ កត្តា​ជា​ច្រើន​រួម​ផ្សំ​គ្នា​ដូច​ជា របៀប​របប​ក្នុង​ការ​ហូប​ចុក ធ្វើ​ការ និង​ការ​អនុវត្ត​កីឡា​ជាដើម។ កត្តា​តំណ​ពូជ​ក៏​រួម​ចំណែក​ក្នុង​ការ​កកើត​​ខ្លាញ់​កក​តាំង​ពី​វ័យ​ក្មេង​ផង​ ដែរ។

មេហ្សូតេរ៉ាពី និង​ការ​វះកាត់​បូម​ខ្លាញ់​
តាំង​ពីយូរ​យារ​ណាស់​ មក​ហើយ ការ​បំបាត់​ខ្លាញ់​ដោយ​វះកាត់ ឬ​ភាសា​សាមញ្ញ​ហៅថា «ការ​បូមខ្លាញ់» ជា​វិធីសាស្ត្រ​ដ៏​មាន​ប្រសិទ្ធភាព​បំផុត​សម្រាប់​បំបាត់​ខ្លាញ់​នៅ​លើ​ ទីតាំង​ណាមួយ​នៃ​រាង​កាយ​របស់​យើង។

ប៉ុន្តែ​ការ​បូម​ខ្លាញ់​នេះ​តម្រូវ​ ឲ្យ​មាន​ការ​ប្រើ​ប្រាស់​នូវ​ថ្នាំ​សន្លប់ ឬ​ថ្នាំ​ស្ពឹក​ ដែល​លាយ​ជាមួយ​ទឹក​សេរ៉ូម​។ ការ​វះកាត់​នេះ​ក៏​តម្រូវ​ឲ្យ​​អ្នក​ជំងឺ​ឈប់​សម្រាក​ពីការងារ​ប្រមាណ​១​ សប្ដាហ៍​ផង​ដែរ។

ខុស​ពី​ការ​វះកាត់​បំបាត់​ខ្លាញ់ ការ​ប្រើប្រាស់​វិធីសាស្ត្រ​មេហ្សូតេរ៉ាពី គឺ​ពុំ​តម្រូវ​ឲ្យ​មាន​ការ​សម្រាក​ពី​ការងារ​ឡើយ។ នៅ​ក្នុង​វិធីសាស្ត្រ​នេះ ល្បាយ​នៃ​សារធាតុ​វេជ្ជសាស្ត្រ​ដែល​មាន​ឥទ្ធិពល​សម្រាប់​បំបែក និង​បញ្ចេញ​កោសិកា​ខ្លាញ់​មក​ក្រៅ ត្រូវ​បាន​ចាក់​បញ្ចូល​ដោយ​ម្ជុល​ឆ្មារៗ ឬ​ឧបករណ៍​ពិសេស​ម្យ៉ាង​ទៅ​ក្នុង​ស្រទាប់​ខ្លាញ់ ដែល​វេជ្ជបណ្ឌិត​ឯកទេស​វិនិច្ឆ័យថា ត្រូវ​ព្យាបាល។

សារៈសំខាន់​នៃ​មេហ្សូតេរ៉ាពី
សារៈសំខាន់​នៃ​វិធីសាស្ត្រ​នេះ​គឺ​ពុំ​តម្រូវ​ឲ្យ​មាន​ការ​វះ​កាត់ ឬ​សម្រាក​ពេទ្យ​យូរ​ថ្ងៃ ដែល​នាំ​ឲ្យ​ខាត​បង់​ពេល​វេលា​ដល់​ការ​ប្រកប​មុខ​របរ​រក​ទទួលទាន​នោះ​ទេ។

ប៉ុន្តែ មុន​នឹង​ទទួល​យក​នូវ​វិធីសាស្ត្រ​នេះ អ្នក​គួរ​ស្វែង​យល់​ឲ្យ​បាន​ច្បាស់​លាស់ពី​កាលៈទេសៈ​នៃ​ការ​ប្រើប្រាស់​វា ជា​ពិសេស​ទាក់ទិន​នឹង​កម្រិត​នៃ​ប្រសិទ្ធភាព​របស់​វិធីសាស្ត្រ​ មេហ្សូតេរ៉ាពី​ក្នុង​ការ​បំបាត់​ខ្លាញ់កក​នេះ។

បរិវេណ​ដែល​អាច​ព្យាបាល​ដោយ​មេហ្សូតេរ៉ាពី
មេហ្សូតេរ៉ាពី​អាច​ព្យាបាល​ការ​កក​ខ្លាញ់​ត្រង់​បរិវេណ​ក្រោម​ចង្កា ដើម​ដៃ ពោះ និង​ភ្លៅ​ ជាដើម។

ដំណើរ​ការ​ព្យាបាល​ដោយ​វិធីសាស្ត្រ​មេហ្សូតេរ៉ាពី
សារធាតុ ​ម៉្យាង​ឈ្មោះ​ Phosphatidylcholine ឬ PPC) ជា​ជាតិ​ម្យ៉ាង​ដែល​ចម្រាញ់​ចេញ​ពី​គ្រាប់​សណ្ដែក​សៀង មាន​ឥទ្ធិពល​សម្រាប់​បំបែក​ស្រោម​របស់​កោសិកា​ខ្លាញ់ ​ដែល​ក្រោយមក​កោសិកា​ខ្លាញ់​ដែល​បែក​ទាំង​នោះ​នឹង​ត្រូវ​បំផ្លាញ​តាម​ យន្តការ​បំប្លែង​ពិសេស​ម៉្យាង​របស់​រាងកាយ​មនុស្ស​យើង។

កាលពី​ដើម​ឡើយ PPC នេះ​ត្រូវ​បាន​គេ​ប្រើប្រាស់​សម្រាប់​ព្យាបាល​ការ​កក​ខ្លាញ់​នៅ​ក្នុង​សរសៃ​ ឈាម​សួត ប៉ុន្តែ ដោយ​សារ​តែ​ប្រយោជន៍​របស់​វា​លើស​ពី​នេះ ទើប​វា​ត្រូវ​បាន​ប្រើប្រាស់​យ៉ាង​ទូលំ​ទូលាយ​ក្នុង​វិស័យ​កែ​សម្ផស្ស​ដោយ​ ពុំ​វះកាត់។

ការ​ស្រាវជ្រាវ​ជាច្រើន​បាន​បង្ហាញថា ការ​ប្រើប្រាស់ PPC ដោយ​រួម​ផ្សំ​នឹង​សារធាតុ​ផ្សេង​ទៀត​ ដូច​ជា Desoxycholate ដែល​មាន​តួនាទី​សម្រាប់​ដឹក​ជញ្ជូន​កោសិកា​ខ្លាញ់​ក្រោយ​ពី​ត្រូវ​បាន​ បំផ្លាញ។ រីឯ​សារធាតុ​ម៉្យាង​ទៀត​ដែល​ជំរុញ​ឲ្យ​សម្បូរ​ទឹក​រងៃ និង​ប្រព័ន្ធ​សរសៃ​ឈាម​ក្នុង​ដុំ​ខ្លាញ់ អាច​បណ្ដាល​ឲ្យ​មាន​ការ​ថយ​ចុះ​គួរ​ឲ្យ​កត់​សម្គាល់​នូវ​បរិមាណ​ខ្លាញ់​ក្រោម ​ចង្កា ដើម​ដៃ ក្បាល​ពោះ និង​ភ្លៅ​ជាដើម។

ប្រសិទ្ធ​ភាព​មាន​ព្រំដែន​នៃ​វិធីសាស្ត្រ​មេហ្សូតេរ៉ាពី
ការ ប្រើវិធីសាស្ត្រ​មេហ្សូតេរ៉ាពី​បំបាត់​ខ្លាញ់​កក​នេះ ទាមទារ​ការ​ព្យាបាល​ឲ្យ​បាន​ត្រឹម​ត្រូវ​ច្រើន​ដង ដែល​ក្នុង​នោះ​ប្រសិទ្ធភាព​របស់​វា​អាច​នឹង​ឃើញ​ចាប់​តាំង​ពី​ការ​ព្យាបាល​​លើក​ ទី២​តទៅ។ អ្វី​ដែល​អ្នក​ត្រូវ​យល់​ដឹង​នោះ​គឺ​វា​ពុំ​មែន​ជា​វិធីសាស្ត្រ​សម្រក​ទម្ងន់​ ឡើយ។ ពោល​គឺ​វា​គ្រាន់​តែ​អាច​បន្ថយ​បរិមាណ​ខ្លាញ់​នៅ​ទីតាំង​ដែល​ចាក់​វា​ ប៉ុណ្ណោះ។ ទន្ទឹម​នឹង​នោះ វិធីសាស្ត្រ​នេះ​ក៏​ពុំ​អាច​ជំនួស​ការ​វះ​កាត់​ព្យាបាល​ខ្លាញ់​កក និង​ការ​យារ​ធ្លាក់​នៃ​ស្បែក​ពោះ​បណ្ដាល​មក​ពី​ការ​មាន​គភ៌​នោះ​ទេ។ ក្នុង​ករណី​នេះ ការ​វះកាត់​យក​ស្បែក និង​ខ្លាញ់​​ចេញ គឺជា​វិធីសាស្ត្រ​មាន​ប្រសិទ្ធភាព​បំផុត។

សម្រាប់​ការ​ផ្ដល់​ប្រឹក្សា ស្ដីពី​បញ្ហា​សម្ផស្ស​ លោក​អ្នក​អាច​ទាក់ទង​គ្លីនិក Pearl Medical Center តាម​លេខ ០៨៨ ៣៣ ៧៧ ៧៧៧ និង​វិបសាយ www.pearlmedicalcenter.net៕

This content has been locked. You can no longer post any comments.
Show/hide comments
busy