Headlines:

ស្ករ​គ្រាប់​ពិសេស​ធ្វើ​ឲ្យ​ក្លិន​ញើស​ក្រអូប​ដូច​ផ្កា​កុលាប



121114_20b

ក្រុងញូវយ៉ក : ក្រុមហ៊ុន ​Deo Perfume Candy​ កំពុង​តែ​ណែនាំ​នូវ​ស្ករ​គ្រាប់​បំបាត់​ក្លិន​ខ្លួន​ម្យ៉ាង​ ដោយ​វា​បាន​បញ្ចេញ​ក្លិន​មក​ក្រអូប​ស្រាយ​ជា​មួយ​នឹង​ក្លិន​ផ្កា​កុលាប​មក​ ពី​ប្រទេស​ប៊ុលហ្គារី។

អ្នក​ស្រាវ​ជ្រាវ​របស់​ជប៉ុន​បាន​រក​ឃើញ​នូវ​ ជាតិ​គីមី​ឈ្មោះ​ថា Geraniol ដែល​នៅ​ពេល​មនុស្ស​ទទួលទាន​សារធាតុ​នេះ​ទៅ វា​អាច​បញ្ចេញ​នូវ​ក្លិន​ក្រអូប​តាម​រយៈ​ញើស​ចេញ​ពី​ស្បែក។

សារធាតុ​ Geraniol ​នេះ​ត្រូវ​បាន​ក្រុមហ៊ុន​ Beneo យក​ទៅ​ផលិត​ជា​ស្ករ​គ្រាប់ ដើម្បី​ឲ្យ​អ្នក​ទទួលទាន​មាន​ក្លិន​ញើស​ក្រអូប​សាយ​ដូច​ទឹក​អប់។ វា​នឹង​បង្កើត​ឲ្យ​មាន​នូវ​ក្លិន​បែប​ធម្ម​ជាតិ​ដែល​អាច​រក្សា​ភាព​ក្រអូប​ ដូច​ផ្កា​កុលាប​បាន​យូរ​រាប់​ម៉ោង​។ ក្រុម​ហ៊ុន​បាន​ណែនាំឲ្យ​មនុស្ស​ទម្ងន់​ចាប់ពី​៦៥​គីឡូក្រាម​ទៅ​បៀម​វា​ មួយ​គ្រាប់ ដើម្បី​ទទួល​បាន​ក្លិន​ខ្លួន​ក្រអូប​ឈ្ងុយឈ្ងប់​ប៉ុណ្ណោះ។

យោង តាម វីម ឌ្រាយ អ្នក​ចាត់​ការ​ទីផ្សារ​របស់​ក្រុមហ៊ុន​ BENEO បាន​និយាយ​ថា ផលិតផល​ស្ករ​គ្រាប់ Deo Perfume Candy មាន​ប្រសិទ្ធភាព​ដូច​ការ​ទទួលទាន​ខ្ទឹមស​ដែរ។

លោក​បន្ត​ថា៖ «អ្នក​ដែល​ចូល​ចិត្ត​ញ៉ាំ​ខ្ទឹមស តែង​តែ​បែក​ញើស​ធុំ​ក្លិន​អាក្រក់។ ដូច្នេះ​ពួក​គេ​គួរ​តែ​ទទួលទាន​ស្ករ​គ្រាប់​យើង​ដើម្បី​បន្សាប​ក្លិន​ញើស​ នោះ»។

នៅ​ទីផ្សារ​អាមេរិក ស្ករ​គ្រាប់​កែ​ក្លិន​ញើស​ឲ្យ​ក្រអូប​នេះ​មាន​តម្លៃ​មួយ​កញ្ចប់​ប្រមាណ​ជា១០​ដុល្លារ៕ PR

This content has been locked. You can no longer post any comments.
Show/hide comments
busy