Headlines:

ស្វែង​យល់​ពី​ការ​ពង្រីក​សុដន់​ពុំ​វះ​កាត់



121226_22a

ភ្នំពេញ : នៅ​ក្នុង​សង្គម​ស៊ីវីល័យ យើង​សង្កេត​ឃើញ​ថា ស្ដ្រី​ដែល​មាន​ដើម​ទ្រូង​ធំ​មូល​ក្លំ សម​នឹង​រាងកាយ ត្រូវ​បាន​ចាត់​ទុក​ថា​ទាក់​ទាញ​បំផុត។

ស្ត្រី​គ្រប់​រូប​តែង​ប្រាថ្នា​ចង់​បាន​សុដន់​ទាំង​គូ​ហាប់​ណែន ពុំ​មាន​ភាព​យារ​ធ្លាក់ ហើយ​នៅ​ពេល​ដែល​ត្រូវ​ពាក់​អាវ​យឺត ឬ​អាវ​រឹប​វាល​ក​ជាដើម​គាត់​ក៏​សុខ​ចិត្ត​ពាក់​អាវ​ទ្រនាប់​មាន​ប៉ុង​បន្ថែម ដើម្បី​ជា​ការ​បំភាន់​ភ្នែក​ថា​ខ្លួន​ក៏​មាន​សុដន់​ធំ​ទ្រលុក​ទ្រលន់​ដែរ។

ជា​ធម្មតា សុដន់​ស្ត្រី​មាន​ការ​លូត​លាស់​ខ្លាំង​ពេល​កំពុង​ពេញ​វ័យ តាម​រយៈ​អ័រម៉ូន​ស្ត្រី ហើយ​វា​ក៏​ចាប់​ផ្ដើម​មាន​ការ​យារ​ធ្លាក់ ឬ​ថម​ថយ​នូវ​ទំហំ ដោយ​សារ​ការ​បាត់​បង់​ជាតិ​ខ្លាញ់ ជា​ពិសេស​ក្រោយ​ពេល​សម្រាល​កូន​រួច។ ប៉ុន្តែ​ទន្ទឹម​នឹង​នោះ ក៏​មាន​ស្ត្រី​មួយ​ចំនួន ជា​ពិសេស​ស្ត្រី​ជនជាតិ​អាស៊ី ដែល​មាន​ទំហំ​សុដន់​តូច​ពី​កំណើត ឬ​មាន​ទំហំ​សុដន់​ទាំង​គូ​ពុំ​ស្មើ​គ្នា​ដោយ​សារ​ជំងឺ​មួយ​ចំនួន​ដូចជា​ជំងឺ Polland Syndrom ជាដើម។

ដើម្បី​ឆ្លើយ​តប​ទៅ​នឹង​បញ្ហា​នេះ មាន​វិធី​សាស្ត្រ​ជា​ច្រើន​ត្រូវ​បាន​បង្កើត​ឡើង ដើម្បី​ព្យាបាល​កែ​បញ្ហា​ដើម​ទ្រូង​តូច យារ​ធ្លាក់​នេះ ដែល​ក្នុង​នោះ ការ​វះកាត់​ពង្រីក​សុដន់​ដោយ​ប្រើប្រាស់​ថង់​ស៊ីលីកូន (Implant) គឺជា​វិធីសាស្ត្រ​មួយ​ដែល​ត្រូវ​បាន​អ្នក​ជំនាញ​ចាត់​ទុក​ថា​មាន​ប្រសិទ្ធភាព និង​សុវត្ថិភាព​បំផុត។

ការ​ស្រាវជ្រាវ​បាន​បង្ហាញ​ថា ការ​វះកាត់​ពង្រីក​សុដន់​នៅ​អឺរ៉ុប មាន​ការ​រីក​ចម្រើន និង​ត្រូវ​បាន​អនុវត្ត​ច្រើន​ជាង​គេ​ក្នុង​ចំណោម​ការ​វះកាត់​កែ​សម្ផស្ស​ដទៃ​ទៀត។

ដោយ​ឡែក​នៅ​ប្រទេស​កម្ពុជា​យើង ការ​ពេញ​និយម​ដើម​ទ្រូង​ធំ គឺ​មាន​ទំនោរ​ជន់​ជោរ​ក្នុង​ចំណោម​ស្ត្រី​វ័យ​ក្មេង និង​ស្ត្រី​វ័យ​កណ្ដាល។ ប៉ុន្តែ​ដោយ​សារ​តែ​ការ​ខ្លាច​រអា​នឹង​ដំណាក់​កាល​វះកាត់ ទើប​ស្ត្រី​ទាំង​នោះ​ខិត​ខំ​ស្វែង​រក​វិធីសាស្ត្រ​ផ្សេងៗ​ដើម្បី​ទទួល​បាន​នូវ​ទ្រូង​ធំ ដូច​ជា​ធ្វើ​ការ​ម៉ាស្សា ការ​បូម​ពង្រីក​ទ្រូង ឬ​ការ​ប្រើប្រាស់​នូវ​ផលិតផល​ពង្រីក​សុដន់​ផ្សេងៗ​ជាដើម។

យើង​សង្កេត​ឃើញ​មាន​ម្សៅ ឬឡូសិន (Lotion) ពង្រីក​ទ្រូង​ជា​ច្រើន​នៅ​លើ​ទីផ្សារ​សព្វ​ថ្ងៃ ប៉ុន្តែ​ស្ត្រី​ភាគ​ច្រើន​ជ្រើស​រើស​យក​ផលិតផល​ប្រើ​ប្រាស់​ទៅ​តាម​ការ​ឃោសនា​ផ្សាយ​ពាណិជ្ជកម្ម ដោយ​ពុំ​បាន​ស្វែង​យល់​ពី​សារធាតុ​ផ្សំ អំពី​លក្ខណៈ​នាំ​ការ​ប្រើ​ប្រាស់ និង​ផល​វិបាក​ដែល​ពួក​គេ​អាច​ប្រឈម​ក្រោយ​ប្រើ​ប្រាស់​ឡើយ។

ជា​ទូទៅ សឹង​តែ​គ្រប់​សារធាតុ​ពង្រីក​ដើម​ទ្រូង គឺ​មាន​ធាតុ​ផ្សំ​សំខាន់​សម្រាប់​ធ្វើ​ឲ្យ​ស្បែក​សើម និង​សម្រាប់​ធ្វើ​ឲ្យ​កោសិកា​នៃ​ក្រពេញ​ដោះ​លូត​លាស់។

ដើម្បី​ទទួល​បាន​ស្បែក​សើម និង​បំបាត់​ស្នាម​ជ្រីវ​ជ្រួញ​លើ​សុដន់ ផលិតផល​ត្រូវ​មាន​សារធាតុ​ដែល​ផ្សំ​ចេញ​ពី​រុក្ខជាតិ​ដូចជា Aloe Vera, Anti Oxydant ដោយ​រួម​ផ្សំ​នឹង​ជាតិ Retinin-A ដែល​ជា​សារធាតុ​ម៉្យាង​ជួយ​កាត់​បន្ថយ​នូវ​ភាព​ជ្រីវ​ជ្រួញ និង​ជួសជុល​កោសិកា​ចាស់​បាន។ អាស៊ីត Acid Hyaluronic ក៏​ជា​ធាតុ​ផ្សំ ដែល​មាន​គុណ​ប្រយោជន៍​យ៉ាង​ធំ​ធេង សម្រាប់​បង្កើត​នូវ​ប្រព័ន្ធ​ស្រទាប់​ស្បែក​កូឡាហ្សែន និង​បង្កើត​នូវ​សំណើម​ក្រោម​ស្បែក​របស់​យើង​ដែរ។

សារធាតុ​សំខាន់​មួយ​សម្រាប់​បង្កើត​ការ​លូត​លាស់​កោសិកា​ក្រពេញ​ដោះ​របស់​ស្ត្រី​គឺ Phyto-Oestrogenen ដែល​ចម្រាញ់​ចេញ​ពី​រុក្ខជាតិ និង​មាន​លក្ខណៈ​ដូច​អ័រម៉ូន​ស្ត្រី​ដែល​បញ្ចេញ​ដោយ​ក្រពេញ​ដៃ​ស្បូន​អ៊ីចឹង​ដែរ។ កាល​ណា​ជ្រាប​ចូល​ក្នុង​ក្រពេញ​ដោះ វា​បណ្ដាល​ឲ្យ​កោសិកា​បង្កើត​ចំនួន និង​លូត​លាស់​ទំហំ ដែល​ធ្វើ​ឲ្យ​សុដន់​របស់​ស្ត្រី​មាន​សភាព​តឹង​ណែន។

ប៉ុន្តែ​ចំណុច​មួយ​ដែល​គួរ​ឲ្យ​ចាប់​អារម្មណ៍​ត្រង់​ថា ជំងឺ​មហារីក​សុដន់​គឺ​រួម​ផ្សំ​ដោយ​កត្តា​ជា​ច្រើន​ដែល​ក្នុង​នោះ អ័រម៉ូន Oestrogenen ក៏​ដើរ​តួនាទី​សំខាន់​ក្នុង​ការ​បង្កើត​ឲ្យ​មាន​បញ្ហា​នេះ​ដែរ។

ដូច្នេះ​ការ​ប្រើ​ប្រាស់ Oestrogenen គួរ​តែ​មាន​ការ​ប្រុង​ប្រយ័ត្ន​ខ្ពស់។ ចំណែក​ឯ​លទ្ធផល​នៃ​ការ​ប្រើ​ប្រាស់​សារធាតុ​ពង្រីក​សុដន់​នោះ គឺ​មិន​ច្បាស់​លាស់​ហើយ​វា​អាច​ហុច​ផល​បណ្ដោះ​អាសន្ន​ប៉ុណ្ណោះ។

ដើម្បី​ទទួល​បាន​លទ្ធផល​ល្អ និង​សុវត្ថិភាព សូម​ធ្វើ​ការ​ពិភាក្សា​ជាមួយ​វេជ្ជបណ្ឌិត​ជំនាញ​អំពី​វិធីសាស្ត្រ​ណា​មួយ​ដែល​សមស្រប​នឹង​បញ្ហា​របស់​អ្នក​ផ្ទាល់។

សម្រាប់​ការ​ផ្ដល់​ប្រឹក្សា​ស្ដីពី​បញ្ហា​សម្ផស្ស​នានា លោក​អ្នក​អាច​ទាក់ទង​គ្លីនិក Pearl Medical Center តាម​លេខ​ទូរស័ព្ទ ០៨៨ ៣៣ ៧៧ ៧៧៧ និង​វេបសាយ​www.pearlmedicalcenter.net៕

This content has been locked. You can no longer post any comments.
Show/hide comments
busy