Headlines:

ចំណាយ​ពេល​៥​ទសវត្សរ៍​ប្រមែ​ប្រមូល​ឆ្អឹង​ខ្មោច​សត្វ​គ្រប់​ប្រភេទ



121109_21a
លោក រ៉េ បេនដា ដែល​មានចំណូលចិត្ត​ខ្លាំង​នឹងការ​ប្រមូលឆ្អឹង​ខ្មោច​សត្វ​​​។

ក្រុងញូវយ៉ក : លោកតា រ៉េ បេនដា ដែល​អតីត ជា​អ្នក​ជីវវិទ្យា​ចូល​និវត្តន៍​មួយ​រូប​មក​ពី​ទីក្រុង​សាន់ ហ្វ្រាន់ស៊ីស្កូ។ លោក​បាន​ចំណាយ​ពេល ​៥០​ ឆ្នាំ​ចុង​ក្រោយ​របស់​លោក​ក្នុង​ការ​ដើរ​ប្រមែ​ប្រមូល​ឆ្អឹង​សត្វ​រាប់​ពាន់ ​បំណែក​មក​ទុក។ ឆ្អឹង​សត្វ​ដែល​លោក​បាន​ប្រមូល​នោះ​គេ​អាច​ប៉ាន់​ប្រមាណ​ថា វា មាន​ចំនួន​ឆ្អឹង​លលាដ៍​ក្បាល​ប្រហែល​ជា ៧ពាន់ និង​គ្រោង​ឆ្អឹង​ដង​ខ្លួន ​និង ឆ្អឹង​ជំនីរ​មួយ​ចំនួន​ទៀត​ប្រមាណ​ជា​២០០​បំណែក​។ លោក​បាន​ប្រមូល​ឆ្អឹង​ទាំង​នេះ​ដោយ​ខ្លួន​ឯង​ និង​បាន​លាង​សម្អាត​ឬ​បេះ​សាច់​ចេញ​​ដោយ​ខ្លួន​ឯង​ផង​ដែរ។

លោក បេនដា បាន​និយាយ​ថា៖ «ខ្ញុំ​ហាក់​ដូច​ជា​មាន​ភាព​រីក​រាយ​នឹង​ការ​បេះ​សម្អាត​យក​សាច់​ចេញ​ពី បំណែក​នៃ​ឆ្អឹង​លលាដ៍​ក្បាល ​និង​ឆ្អឹង​ថ្គាម​តែ​ម្តង»។

អតីត​អ្នក​ជីវ​វិទ្យា មាន​វ័យ​ ៨៤ ​ឆ្នាំ​រូប​នេះ​បាន​បន្ត​ថា៖ «ការ​រស់​នៅ​ជាមួយ​ឆ្អឹង​លលាដ៍​ក្បាល​និង​ឆ្អឹង​ផ្សេងៗ​ទៀត​នោះ​ដូច​ជា​មិន​បាន​បង្ក​ឲ្យ​ខ្ញុំ​មាន​អារម្មណ៍​មិន​ល្អ​អ្វី​ផង»។

លោក មាន​កំណើត​នៅ​ទី​ក្រុង​សាន់ ហ្វ្រាន់ស៊ីស្កូ ស្ថិត​នៅ​ក្នុង​ស្រុក​រីចមិន​ និង​ចាប់​ផ្តើម​ប្រមូល​នូវ​ឆ្អឹង​សត្វ​ផ្សេងៗ​គ្នា​ទាំង​នេះ​តាំង​ពី​លោក​នៅ រៀន​សាលា​វិទ្យាល័យ​មក​ម្ល៉េះ។

គេ​សង្កេត​ឃើញ​រៀង​រាល់​ឆ្នាំ​លោក​ តែង​តែ​ប្រមែ​ប្រមូល​បន្ថែម​នូវ​បំណែក​ឆ្អឹង​សត្វ​ទាំង​ឡាយ​តាម​សួន​សត្វ​ ក្នុង​ស្រុក​នានា​តាម​សារ​មន្ទីរ​និង​កន្លែង​កុងស៊ី​កាប់​សត្វ​មួយ​ចំនួន​ តាម​ដង​ផ្លូវ​នៅ​បណ្ដា​ប្រទេស​ជា​ច្រើន រួម​ទាំង​អូស្រ្តាលី អាហ្វ្រិក និង​ម៉ិកស៊ិក។

ប្រសិន​ជា​យើង​មើល​ទៅ​ផ្ទះ​របស់​គាត់​ដូច​ជា​ពិភព​នៃ​ឆ្អឹង​ខ្មោច​សត្វ ដែល​មាន​ចំនួន​ធំធេង​ជាង​សារមន្ទីរ​ទៅ​ទៀត៕ PR

This content has been locked. You can no longer post any comments.
Show/hide comments
busy