Headlines:

បុរស​មាន​រូបរាង​ដូច​ឆ្មា​ត្រូវ​គេ​សង្ស័យ​ថា​ធ្វើ​អត្តឃាត



121116_21b

ក្រុងខាសុន ស៊ីធី : លោក ​ដានីញ៉ែល ​អាវណឺរ បុរស​វ័យ​៥៤​ឆ្នាំ​រស់​នៅ​រដ្ឋ​ណេវ៉ាដា ​សហរដ្ឋ​អាមេរិក​ដែល​បាន​ចំណាយ​ពេល​រាប់​ឆ្នាំ​ក្នុង​ការ​កែ​ច្នៃ​មុខ​ មាត់​ខ្លួន​ ដើម្បី​ដូច​ជា​សត្វ​ឆ្មាបេះ​បិទ​នោះ​បាន​ស្លាប់​ហើយ។ គេ​បាន​ប្រទះ​ឃើញ​សព​របស់​លោក​នៅ​ផ្ទះ ក្រុង​តូណូប៉ា កាល​ពី​ថ្ងៃ​ទី​៥​ ខែ​វិច្ឆិកា កន្លង​មក​នេះ។

លោក​គឺ​ជា​នាយ​ទាហាន​ជើង​ទឹក​អាមេរិក​មួយ​ រូប​ដែល​បាន​លះ​បង់​ពេល​វេលា​ក្នុង​ការ​ប្រែ​ក្លាយ​កាយ​ខ្លួន​ឲ្យ​មាន​សភាព​ ដូច​ជា​សត្វ​ឆ្មា​ញី​មួយ​ក្បាល។

លោក​ អាវណឺរ​ បាន​វះ​កាត់​ផ្នែក​ផ្សេងៗ​លើ​ផ្ទៃ​មុខ​គាត់​ដូច​ជា​បបូរ​មាត់​ខាង​លើ​ត្រចៀក ​ថ្ពាល់​ និង​ថ្ងាស​ជា​ដើម។ ចំណែក​នៅ​បរិវេណ​មាត់​ធ្មេញ​វិញ​លោក​បាន​ចាក់​សាក់​ពាស​ពេញ​មុខ​តែ​ម្តង​ហើយ ​គាត់​ក៏​ដោត​ទម្លុះ​សាច់​ផ្ទៃ​មុខ​ ដើម្បី​មើល​ទៅ​ដូច​ជា​ពុក​មាត់​ឆ្មា​។

លោក ​និយាយ​ថា៖ «ខ្ញុំ​ចង់​ប្រែ​ក្លាយ​កាយ​ខ្ញុំ​ឲ្យ​ទៅ​ជា​សត្វ​ខ្លា​រខិន​មួយ​ក្បាល​ខណៈ​ វា​គឺ​ជា​និមិត្ត​រូប​សត្វ​ឆ្មា​ម្យ៉ាង​របស់​ប្រជា​ជន​អាមេរិក​កំណើត​ ឥណ្ឌា»។

ដោយ​សារ​តែ​មាន​ការ​លើក​ទឹក​ចិត្ត​ពី​ប្រធាន​ក្រុម​កុល​សម្ព័ន្ធ​ជាតិ​ឥណ្ឌា​ផង​នោះ លោក​ក៏​ចាប់​ផ្តើម​វា​តែ​ម្តង។

ដើម​ឡើយ​គេ​ឃើញ​លោក​ អាវណឺរ បាន​បណ្តុះ​ក្រចក​ឲ្យ​វែង សម្រួច​ធ្មេញ​ឲ្យ​មុត​ស្រួច​ និង​ត​កន្ទុយ​យន្ត​នៅ​គូទ។

ដោយ​ឡែក​ចំពោះ​មរណ​ភាព​របស់​លោក ប៉ូលិស​ពុំ​ទាន​ស្រាវជ្រាវ​ដឹង​ពី​មូលហេតុ​ច្បាស់​នៅ​ឡើយ​ទេ៕ PR

This content has been locked. You can no longer post any comments.
Show/hide comments
busy