Headlines:

ប្រណាំង​រទេះ​ក្របី​នៅ​កោះ​បាលី​ឥណ្ឌូនេស៊ី



121116_21a

កោះបាលីៈ នេះ​ជា​មោទនភាព​ថ្មី​មួយ​ទៀត​របស់​ប្រជាជន​ឥណ្ឌូនេស៊ី​ដែល​បាន​រៀបចំ​នូវ ​ព្រឹត្តិការ​ប្រណាំង​រទេះ​ក្របី​ប្រចាំ​ឆ្នាំ Bali Buffalo Racing​ មាន​លក្ខណៈ​សស្រាក់​សស្រាំ​បំផុត​នៅ​ឯ​កោះ​បាលី។

ចំពោះ​សត្វ​ក្របី​ដែល​ ចូល​រួម​ប្រកួត​នោះ​ត្រូវ​បាន​ម្ចាស់​របស់​វា​បាន​តុប​តែង​មាន​មកុដ​ពាក់​លើ ​ក្បាល​យ៉ាង​ស្អាត​ទៅ​តាម​លំនាំ​បែប​ផែន​នៃ​ភូមិ​ដ្ឋាន​និមួយៗ​របស់​ប្រជាជន​នៅ​លើ​កោះ​បាលី​នៃ​ប្រទេស​ឥណ្ឌូនេស៊ី។

ព្រឹត្តិការណ៍​នេះ​ត្រូវ​ ប្រជា​ជន​ឥណ្ឌូនេស៊ី​ដាក់​ឈ្មោះ​ថា​«ម៉ាកេពុង»​ដែល​ធ្វើ​នៅ​តំបន់​ជេប្រាណា ស្ថិត​នៅ​លើ​កោះ​បាលី​មាន​ក្របី​ចំនួន​២៤៩​គូ​ចូល​រួម​ប្រកួត។

រ៉ូប៊ឺតាស ពូឌីយ៉ានតូ វ័យ​៤១​ឆ្នាំ​មក​ពី​សូរ៉ាបាយ៉ា​និយាយ​ថា៖«ការ​ប្រកួត​នេះ​បាន​ចាប់​ផ្តើម​នា ​ពេល​ទំនេរ​ពី​ការ​បង្ក​បង្កើន​ផល​របស់​ប្រជា​កសិករ ដោយ​គេ​ប្រារព្ធ​ឡើង​ក្នុង​គោល​បំណង​អបអរ​សាទរ​ដល់​ភោគ​ផល​ខ្លួន​បន្ទាប់​ ពី​បាន​ប្រមូល​ផល​មក​នោះ»។

ចំពោះ​ក្របី​ដែល​ត្រូវ​យក​មក​ប្រកួត​នោះ​ តម្រូវ​ឲ្យ​មាន​ការ​ជ្រើស​រើស​សម្រិត​សម្រាំង​យ៉ាង​ល្អ​និង​មាន​ការ​តុប​តែង ​លើ​ស្នែង​និង​ក្បាល​វា​បាន​យ៉ាង​ស្អាត​ទៀត​ផង​មុន​នឹង​ចូល​ប្រកួត។ ចំណែក​ការ​ប្រកួត​មាន​ចម្ងាយ​២​គីឡូ​ម៉ែត្រ។ គេ​ឃើញ​ថា​រទេះ​ក្របី​ដែល​ចូល​ប្រណាំង​នោះ​អាច​រត់​បាន​ល្បឿន​៤៨​គីឡូ​ ម៉ែត្រ​ក្នុង​មួយ​ម៉ោង​ខណៈ​ម្ចាស់​វា​មាន​ការ​ប្រយ័ត្ន​ប្រយែង​បំផុត​ក្នុង​ ការ​បញ្ជា។

គេ​បាន​ប្រារព្ធ​វា​ពីរ​លើក​ក្នុង​មួយ​ឆ្នាំ​នៅ​ខែ​កក្កដា​ និង​ខែ​តុលា​មាន​សត្វ​ក្របី​ចូល​រួម​រាប់​ពាន់។ គេ​បាន​បែង​ចែក​សត្វ​ក្របី​ចូល​រួម​ប្រកួត​នេះ​ជា​ពីរ​ក្រុម​គឺ​ក្រុម​មក​ពី ​តំបន់​ខាង​កើត និង​ខាង​លិច​ដោយ​គេ​បាន​ប្រើ​ពណ៌​ទង់​ជាតិ​គឺ ពណ៌​បៃតង​ត្រូវ​គេ​ប្រើ​សម្រាប់​ក្រុម​នៅ​ខាង​លិច​ ខណៈ​ពណ៌​ក្រហម​ប្រើ​នៅ​តំបន់​ខាង​កើត។

រទេះ​ដែល​ប្រើ​សត្វ​ក្របី ឬ​គោ​អូសទាញ​នេះ​ដើម​ឡើយ​មាន​វត្តមាន​បណ្តា​ប្រទេស​មួយ​ចំនួន​ដូច​ជា ​រុស្ស៊ី​ និង​កាហ្សាក់ស្ថាន​ប្រមាណ​ជា​២០០០​ឆ្នាំ​មុន​គ្រឹះ​សក​រាជ​មក​ម្ល៉េះ។ យាន​ជំនិះ​នេះ​ត្រូវ​បាន​ប្រើប្រាស់​នៅ​អឺរ៉ុប​ចិន​ និង​ឥណ្ឌា​ជា​ដើម ក្នុង​គោល​បំណង​សឹក​ចម្បាំង ធ្វើ​ដំណើរ ដឹក​ទ្រព្យសម្បត្តិ និង​ប្រកួត​ផង​ដែរ៕ PR

This content has been locked. You can no longer post any comments.
Show/hide comments
busy