ក្រសួងមហាផ្ទៃកំពុងធ្វើការស៊ើបអង្កេតចាប់ខ្លួនជនល្មើស មិនស្គាល់មុខដែលបានយកស្ព្រៃទៅបាញ់និងផ្តួលរលំស្លាកសញ្ញាគណបក្សសង្គ្រោះជាតិអស់ចំនួន ១៦ សា្លកក្នុងខេត្តព្រៃវែងនិងស្វាយរៀង កាលពីយប់ថ្ងៃទី ១៨ ខែមិថុនា។ គណបក្សធ្វើសន្និសីទកាសែត រសៀលថ្ងៃព្រហស្បតិ៍នេះ។
លោកនាយករដ្ឋមន្រ្តី ហ៊ុន សែន បានគំរាមប្តឹងមន្ត្រីគណបក្សសង្គ្រោះជាតិ ប្រសិនបើគណបក្សប្រឆាំងមួយនេះនៅតែនិយាយថា ភាពចម្រូងចម្រាសជុំវិញស្រ្តីដែលគេអះអាងថាជាស្រីកំណាន់របស់លោក កឹម សុខា ប្រធានស្តីទីគណបក្សប្រឆាំង ជារឿងប្រឌិតឡើង ដោយគណបក្សប្រជាជននោះ។
សមត្ថកិច្ចនគរបាលខេត្តព្រះសីហនុបានចាប់ខ្លួនជនជាតិរុស្ស៊ី ពីរនាក់ និងបុរសជនជាតិអ៊ុយក្រែនម្នាក់ពីបទបង្ខាំងមនុស្សខុសច្បាប់ និងធ្វើទារុណកម្មលើបុរសកម្ពុជាម្នាក់ ព្រោះតែចោទថាលួចទ្រព្យសម្បតិ្តពួកគេ។
លោកនាយករដ្ឋមន្រ្តី ហ៊ុន សែន កាលពីម្សិលមិញបានអំពាវនាវទៅកម្មករប្រមាណ ៥០ម៉ឺននាក់ក្នុងវិស័យកាត់ដេរនៅកម្ពុជាចៀសពីការធ្វើកូដកម្មដែល អាចនឹងធ្វើឲ្យបាត់បង់អាជីវកម្មរបស់ម្ចាស់រោងចក្រងាកទៅប្រទេស ដទៃ។
អតីតប្រជាពលរដ្ឋដែលត្រូវបានបណ្តេញចេញពីភូមិសំបុកចាបក្នុង សង្កាត់ទន្លេបាសាក់ ឲ្យទៅរស់នៅភូមិអណ្ដូង សង្កាត់គោករកា កាលពីជាង៧ឆ្នាំមុនបានសម្ដែងក្ដីកង្វល់ អំពីការបណ្ដេញចេញជាថ្មីទៀតបន្ទាប់អាជ្ញាធរសង្កាត់នេះ នៅតែបន្តចាត់ទុកពួកគាត់ជាជនអនាធិបតេយ្យរស់នៅលើដីរដ្ឋ។
អង្គភាពព័ត៌មាន និងប្រតិកម្មរហ័ស នៃទីស្តីការគណៈរដ្ឋមន្ត្រី កាលពីថ្ងៃអង្គារបានបង្ហាញនៅលើគេហទំព័ររបស់ខ្លួននូវបទសម្ភាស ជាមួយនឹងអ្នកស្រី កែវ សុផាន់ណារី ស្រ្តីដែលត្រូវបានគេអះអាងថា ជាស្រីកំណាន់របស់លោក កឹម សុខា ប្រធានស្តីទីគណបក្សសង្គ្រោះជាតិ។
តំណាងប្រជាពលរដ្ឋជាង ១០០នាក់មកពីសហគមន៍ចំនួន ៦ ក្នុងស្រុកពីរ នៃខេត្តកោះកុង ដែលមានជម្លោះដីធ្លី ជាមួយក្រុមហ៊ុនចិន Union Develoment Group Co.,Ltd និង លោក ហេង ហ៊ុយ បានបន្តនាំគ្នាធ្វើការតវ៉ានៅមុខសាលាខេត្តកោះកុងចូលដល់ថ្ងៃ ទី៣ ដើម្បីស្នើសុំឲ្យអាជ្ញាធរខេត្ត ធ្វើអន្តរាគមន៍ដោះស្រាយបញ្ហាដីធ្លីជូនពួកគាត់។
កណ្តាលៈ លោកនាយករដ្ឋមន្រ្តី ហ៊ុន សែន កាលពីម្សិលមិញបានចំអកតបនឹងការអះអាងរបស់គណបក្សប្រឆាំងដែលថា មានជនអន្តោប្រវេសន៍ខុសច្បាប់ពីវៀតណាមចំនួន ៤,៥ លាននាក់កំពុងរស់ នៅក្នុងប្រទេសកម្ពុជាហើយលោកបានគំរាមបញ្ជូនសារសំឡេង«ប្រកាន់ជាតិ សាសន៍» នេះ ទៅស្ថានទូតបរទេសនៅរាជធានីភ្នំពេញ។
ភ្នំពេញៈ អតីតអ្នកឡើងត្នោតលោក នូ ម៉ៅ បានផ្តល់សក្ខីកម្ម នៅសាលាក្តីខ្មែរក្រហម កាលពីម្សិលមិញថា សូម្បីតែលោកជា«មនុស្សសាមញ្ញម្នាក់» ក៏បានដឹងអំពីផែនការមេនៃការបោសសម្អាតទីក្រុងនានាក្នុងប្រទេស កម្ពុជាយ៉ាងច្បាស់មុនពេលការដួលរលំទីក្រុងភ្នំពេញឆ្នាំ១៩៧៥។
ភ្នំពេញៈ មន្ត្រីយោធាបម្រើការនៅក្រសួងការពារជាតិម្នាក់ត្រូវចាប់ខ្លួនកាល ពីថ្ងៃម្សិលមិញនៅក្នុងសង្កាត់ភ្នំពេញថ្មី ខណ្ឌសែនសុខ ពាក់ព័ន្ធនឹងការគំរាមកំហែងសម្លាប់កងសន្តិសុខម្នាក់ដោយប្រើអាវុធ គ្មានច្បាប់អនុញ្ញាតនិងត្រូវបញ្ជូនទៅតុលាការភ្នំពេញដើម្បី ធ្វើការចោទប្រកាន់នៅថ្ងៃព្រហស្បតិ៍នេះ។
មន្ត្រីអង្គការសុខភាពពិភពលោកប្រចាំកម្ពុជាបានឲ្យដឹង កាលពីថ្ងៃអង្គារថា នៅក្នុងឆ្នាំ២០១២កន្លងទៅ ក្រសួងសុខាភិបាល បានចេញលិខិតព្រមានហាមឃាត់ការផ្សាយពាណិជ្ជកម្មថ្នាំជក់ ទៅកាន់ក្រុមហ៊ុនថ្នាំជក់ធំៗចំនួន ១២ ខណៈដែលតួលេខនៃអ្នកស្លាប់ ដែលបណ្តាលមកពីជំងឺ បង្កឡើងដោយថ្នាំជក់នៅតែមានចំនួនខ្ពស់នៅឡើយនៅកម្ពុជា។
យោងតាមតួលេខដែលចេញផ្សាយកាលពីថ្ងៃចន្ទ ដោយមជ្ឈមណ្ឌលជាតិប្រយុទ្ធប្រឆាំងនឹងជំងឺគ្រុនចាញ់ (CNM) បានឲ្យដឹងថា ករណីអ្នកស្លាប់ដោយសារជំងឺគ្រុនចាញ់ បានធ្លាក់ចុះ ៨៥ភាគរយ នៅក្នុងរយៈពេល៥ខែដំបូងក្នុងឆ្នាំនេះ។
ភ្ញៀវទេសចរដែលរងគ្រោះក្នុងអំពើលួច ឆក់ ប្លន់ បង្កទំនាស់ ឆបោក និងគ្រោះថ្នាក់ចរាចរណ៍ ក្នុងឆមាសទី១ ឆ្នាំនេះបានកើតឡើងចំនួន៣៩៦ករណីបើធៀបនឹងឆមាសទី១ ឆ្នាំមុន គឺកើនឡើងចំនួន៩៨ករណី។
ពលរដ្ឋខេត្តកែប២៦គ្រួសារជាអតីតគ្រួសារកងទ័ពខ្មែរក្រហមបានចោទ ប្រកាន់កងយោធាខេត្តកំពតថា ប្រើកម្លាំងប្រដាប់អាវុធទន្រ្ទានកាន់កាប់និងលួចលក់ដីពួកគាត់ ដែលរដ្ឋចែកឲ្យជាង៥៨ហិកតានៅក្នុងភូមិត្រពាំងព្រីងខាងជើង ឃុំត្រពាំងព្រីង ស្រុកទឹកឈូ ខេត្តកំពត។
សាលាដំបូងភ្នំពេញ បានបើកសវនាការកាត់ទោសជនជាប់ចោទ៧នាក់ក្នុងនោះមានស្ត្រីពីរនាក់ ផងពីបទជួញដូរ និងចែកចាយគ្រឿងញៀន នៅខណ្ឌទួលគោក ក្នុងឆ្នាំ ២០១២ កាលពីថ្ងៃពុធ។
សាលាឧទ្ធរណ៍កាលពីម្សិលមិញ បានប្រកាសតម្កល់សាលក្រម ដាក់ទោសជនជាប់ចោទ៥នាក់ ពីបទឃាតកម្មគិតទុកជាមុន ក្នុងឆ្នាំ ២០១១ របស់សាលាដំបូងខេត្តតាកែវ ដែលសម្រេចដាក់ឃុំពី១៥ឆ្នាំដល់មួយជីវិតទុកជាបានការដដែល។
ភ្នំពេញៈ ពលករខ្មែររងគ្រោះចំនួន៦នាក់ នឹងធ្វើមាតុភូមិនិវត្តន៍ពីប្រទេសម៉ាឡេស៊ី នៅរសៀលថ្ងៃព្រហស្បតិ៍នេះ។ នេះបើយោងតាមសេចក្ដីជូនដំណឹងមួយរបស់ក្រសួងការបរទេស និងសហប្រតិបត្តិការអន្តរជាតិ។
តាកែវៈ ស្រ្តីម្នាក់ត្រូវសមត្ថកិច្ចស្រុកទ្រាំង ចាប់ខ្លួនបញ្ជូនទៅស្នងការដ្ឋាននគរបាលខេត្ត ពីបទសង្ស័យថា ជាប់ពាក់ព័ន្ធរួមគំនិតធ្វើឃាតប្តីបន្ទាប់ពីកូនប្រុសអាយុ១៤ ឆ្នាំ បានរត់រួចទាំងចំណងមករកអ្នកភូមិឲ្យជួយ ខណៈឃើញបុរសបីនាក់រួមដៃនឹងម្តាយទាក់កឪពុកចងនឹងធ្នឹម ផ្ទះសម្លាប់កាលពីថ្ងៃទី១៥ ខែមិថុនា នៅភូមិព្រៃផ្តៅ ឃុំរនាម ស្រុកទ្រាំង ខេត្តតាកែវ។
ភំ្នពេញៈ អតីតសង្ឃវត្តស្រះរង្សី ពីម្សិលមិញ ត្រូវសាលាឧទ្ធរណ៍ ប្រកាសសាលដីកាតម្កល់សាលក្រមតុលាការថ្នាក់ក្រោមទុកនៅដដែលក្រោម ការចោទពីបទមនុស្សឃាតគិតទុកជាមុននៅក្នុងឆ្នាំ២០១០។
ភ្នំពេញ ប៉ុស្តិ៍
