សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

វិបត្តិ​ផ្លូវ​ចិត្ត​ជា​ជំងឺ​ដ៏​សែន​គ្រោះថ្នាក់​បំផុត



121123_02b
លោក នង ចាន់​ផលអ្នក​រួច​រស់​ជីវិត​ពី​របបខ្មែរ​ក្រហម​យំ​នៅ​សា​លា​ក្តី​ខ្មែ​រក្រហម​កន្លង​មក​​​។ រូបថត ECCC

ភាគ​ ច្រើននៃ​ពួក​យើង សុទ្ធ​តែ​បាន​​ឆ្លង​កាត់​ការ​មិន​​សប្បាយ​ចិត្ត ឬ​អារម្មណ៍​​ឯកោ​មួយ​រយៈ​ពេល​ខ្លី​។ ​វាអាច​ជា​លទ្ធ​ផល​នៃ​ការ​ស្លាប់សាច់​ញាតិការ​បែក​បាក់​​ទំនាក់​ទំនងការ​ បាត់​បង់​ការ​ងារ​ និង​ការ​ប្រើ​ប្រាស់​គ្រឿង​ញៀន​ជាដើម​។ ប៉ុន្តែ​នៅ​​ពេល​អារម្មណ៍​មិន​​​សប្បាយ ហើយ​មិន​អាច​ដោះ​ស្រាយ​​បាន និងមិន​អាច​រស់​នៅ​បែប​ជីវិត​ធម្មតា វា​អាច​ធ្វើ​ទៅ​បាន​​ដែល​​ថា វាមាន​​អ្វី​ដែល​គេ​ដឹង​ថា ជា​វិបត្តិ​ផ្លូវ​ចិត្ត​ធំ​មួយ​ ឬ​គេ​ហៅ​ថា​ ជា​វិបត្តិ​រ៉ាំ​រ៉ៃ ឬ​និយាយ​​ក្រៅ​ផ្លូវ​ការ​ថា​ ជា​វិបត្តិ​សតិអារម្មណ៍​។

វិទ្យាស្ថាន​ជាតិ​នៃ​បញ្ហា​ផ្លូវ​ចិត្ត បាន​អះអាង​ថា ស្ថានភាព​​ស្មារតី​ វិបត្តិ​សតិ​អារម្មណ៍​រ៉ាំរ៉ៃ ត្រូវ​បាន​ចាត់​ទុក​ថា​ ជា​អារម្មណ៍​មិន​សប្បាយ ភាព​ឯកោ ការ​ខូច​ចិត្ត និង​ការ​អស់​សង្ឃឹម​។ សញ្ញា​ និង​និមិត្ត​សញ្ញា​ខាង​រាង​កាយ អាច​រាប់​បញ្ចូល​​ការ​អស់​កម្លាំង ថាមពល ការ​ផ្លាស់​ប្តូរ​ចំណង់​អាហារ ការ​ដេក​មិន​លក់ និង​ជំងឺ​ឈឺ​ក្បាល និង​ការ​ឈឺ​ចាប់​ផ្សេង​ៗ​ដែល​គេ​មិន​អាច​ពន្យល់​បាន​។

វិបត្តិ​ផ្លូវ ចិត្ត​ ត្រូវ​បាន​​គេ​ប៉ាន់​ស្មាន​ថា ​ប៉ះ​ពាល់​មនុស្ស​​ ៣៥០ ​លាន​នាក់ ​ដោយ​ធ្វើ​ឲ្យ​វា​ក្លាយ​​ជា​បញ្ហា​ផ្លូវ​ចិត្ត​ធម្មតា​បំផុត​ទូទាំង​ពិភព​ លោក​។ អង្គការ​សុខភាព​ពិភពលោក បាន​ប៉ាន់ស្មាន​ថា វិបត្តិ​ផ្លូវ​ចិត្ត នឹង​ជា​មូលហេតុ​ធំ​ជាង​គេ​បំផុត​នៃ​បន្ទុក​ជំងឺ​ទូទាំង​ពិភពលោក​ត្រឹម ឆ្នាំ​ ២០៣០។

ពលរដ្ឋ​កម្ពុជា ដែល​រួច​ផុត​ពី​សេចក្តី​ស្លាប់​ពី​របប​ខ្មែរ​ក្រហម បាន​ទ្រាំ​នឹង​ពលកម្ម​ដោយ​បង្ខំ និង​គ្រោះ​អត់​ឃ្លាន បាន​មើល​ឃើញ​ការ​ប្រហារ​ជីវិត​សមាជិក​គ្រួសារ​របស់​ពួក​គេ ​ហើយ​​ជា​លទ្ធ​ផល ត្រូវ​ប៉ះពាល់​សតិ​អារម្មណ៍​ដោយ​សារ​តែ​បទពិសោធ​នេះ​។ ការ​សិក្សា​មួយ​ដោយ​កម្មវិធី​វិលក​ចរិក​អន្តរ​វប្បធម៌​នៃ​សកល​វិទ្យាល័យ​ សុខាភិបាល និង​វិទ្យាសាស្រ្ត Oregon បាន​រាយការណ៍​ថា អ្នក​រួច​ផុត​ពី​សេចក្តី​ស្លាប់​ទាំង​នេះ សុទ្ធ​តែ​មាន​អារម្មណ៍​រន្ធត់ អស់​សង្ឃឹម និង​មាន​អារម្មណ៍​គេច​ពី​ស្ថានភាព​មិន​ល្អ​​។ អ្នក​រួច​ផុត​ពី​សេចក្តី​ស្លាប់​ជា​ច្រើន ពី​របប​ខែ្មរ​ក្រហម​ បាន​និយាយ​ថា​៖ «ខ្ញុំ​មិន​ចង់​និយាយ​អំពី​អតីតកាល​ទេ»។

ក្តី​ សុបិន​អាក្រក់​ដែល​កំពុង​កើត​ឡើង ជា​រឿង​ធម្មតា​ ក្នុង​ចំណោម​អ្នក​ដែល​រួច​ផុត​ពី​សេចក្តី​ស្លាប់​ទាំង​នោះ​។ បុរស​ខ្មែរ​ម្នាក់់ នៅ​តែ​មាន​អារម្មណ៍​ជុំវិញ​រឿង​ខ្មែរ​ក្រហម ​នៅ​ពេល​គាត់​ដេក ​ហើយ​ស្រែក​ដាក់​ខ្មោច​ជា​រៀង​រាល់​ថ្ងៃ​។ អ្នក​នៅ​រស់​ភាគ​ច្រើន នៅ​តែ​ស្រមៃ​ឃើញ​រូប​អាក្រក់​ៗ​របស់​ទារក​ ឪពុក​ម្តាយ និង​សាកសព​របស់​ស្វាមី​របស់​ពួក​គេ​ត្រូវ​បាន​គេ​កាប់​​ចិញ្ច្រាំ​ហើយ សរីរាង្គ​របស់​ពួក​គេ ត្រូវ​បាន​គេ​ព្យួរ​។ ជំងឺ​ស្មារតី​រ៉ាំ​រ៉ៃ បាន​ប៉ះពាល់​ដក់​ពល​រដ្ឋ​កម្ពុជា​ទាំង​នេះ​ដែល​បាន​រួច​ផុត​ពី​សេចក្តី​ ស្លាប់។ លើស​ពី​នេះ​ទៅ​ទៀត ទស្សនៈ​វិស័យ​ខាង​សាសនា​ នៃ​បំណុល​ដែល​គេ​មិន​បាន​សង ក៏​ដាក់​បន្ទុក​ដល់​អារម្មណ៍​ស្មារតី​ដែរ​។ ក្នុង​នាម​ជា​​អ្នក​កាន់​សាសនា​ព្រះ​ពុទ្ធ ពួក​គេជឿ​ថា ប្រសិន​អ្នក​ស្លាប់​ទាំង​ជាប់​បំណុល​គេ អ្នក​នឹង​កើត​ម្តង​ទៀត​ក្នុង​ជីវិត​វេទនា​ជាង​មុន​។ ក្នុង​អំឡុង​រដូវ​រាំង​ស្ងួត ​កសិករ មិន​អាច​ដាំ​ស្រូវ​សម្រាប់​ការ​ផ្គត់ផ្គង់​អាហារ ​ដោយ​សារ​តែ​បំណុល​ដែល​គេ​មិន​បាន​សង​។ គ្រួសារ​ទាំង​នោះ នៅ​ទីបញ្ចប់​បាត់​បង់​ផ្ទះ​ ឬ​ដី​​របស់​ពួក​គេ​ ឬ​អ្វី​ក៏​ដោយ​​ដែល​​ពួក​គេ​ប្រើ​ប្រាស់​ជា​របស់​បញ្ចាំ ហើយ​វិបត្តិ​ផ្លូវ​ចិត្ត ក៏​​ចាប់​ផ្តើម​កើត​មាន​ឡើង​។ វប្បធម៌​ខ្មែរ​ ខុស​ពី​វប្ប​ធម៌​លោក​ខាង​លិច ព្រោះ​ពួក​គេ​មិន​ស៊ាំ​នឹង​និយាយ​ពី​អារម្មណ៍​ និង​ការ​បើក​ចំហ​របស់​ពួក​​គេ ​ជា​ពិសេស​ប្រុស​ៗ​។ ពល​រដ្ឋ​កម្ពុជា ស្ទាក់​ស្ទើរ​ចិត្ត​មិន​ហាន​និយាយ​អំពី​បទពិសោធ​របស់​ពួក​គេ និង​ជំងឺ​ពាក់ព័ន្ធ​ផ្សេង​ទៀត​របស់​ពួក​គេ​។ ប៉ុន្តែ​ការ​ទទួល​បាន​ការ​គាំទ្រ​ដែល​អ្នក​ត្រូវ​ការ​ពី​គ្រួសារ និង​មិត្តភក្តិ ដើរ​តួនាទី​ធំ​មួយ​ក្នុង​ការ​ប្រយុទ្ធ​ប្រឆាំង​នឹង​វិបត្តិ​ផ្លូវ ចិត្ត។

ជា​មួយ​នឹង​ការ​​គាំទ្រ​ខាង​បច្ចេក​ទេស​ពី​​អង្គការ​​សុខភាព​ ពិភព​លោក និង​បណ្តា​ដៃ​គូ និង​​ម្ចាស់​ជំនួយ​ផ្សេង​ទៀត ក្រសួង​សុខាភិបាល បាន​ប្រកាស​បញ្ហា​ផ្លូវ​ចិត្ត​ជា​រឿង​អាទិភាព​។ វា មិន​ស្អី​ទេ​ក្នុង​ការ​ស្វែង​រក​ជំនួយ​ការ​ងារ​ក្នុង​ការ​ដោះ​ស្រាយ​ជា ​មួយ​ជំងឺ​ធ្ងន់ធ្ងរ​នេះ​។

ជម្ឈមណ្ឌល​ព្យាបាល​ផ្លូវ​ចិត្ត TPO មាន​ទីតាំង​នៅ​រាជ​ធានី​ភ្នំពេញ ជួយ​បុរស ស្រ្តី និង​កុមារ​ស្វែងរក​ការ​ព្យាបាល​សម្រាប់​បញ្ហា​សុខភាព​ស្មារតី និង​អារម្មណ៍​។ ទីប្រឹក្សា​ដែល​មាន​ការ​ហ្វឹក​ហ្វឺន គ្រូ​ពេទ្យ​វិកល​ចរិក គ្រូ​ពេទ្យ​ខាង​ចិត្ត​សាស្រ្ត និង​គិលានុដ្ឋាយិការ ផ្តល់​សេវា​ដោះ​ស្រាយ​នឹង​ភាព​តប់​ប្រមល់ ក្តី​អន្ទះ​សា វិបត្តិ​ផ្លូវ​ចិត្ត ការ​ប្រើ​ប្រាស់​គ្រឿង​ញៀន និង​តម្រូវ​ការ​​ខាង​ផ្នែក​សុខាភិបាល​ផ្លូវ​ចិត្ត​ផ្សេង​ៗ​ទៀត​។ សម្រាប់​ព័ត៌មាន​បន្ថែម​អំពី TPO សូម​ទាក់​ទង​លេខ​ទូរស័ព្ទ​០២៣ ៦៣៦​ ៦៩៩១៕ NR

This content has been locked. You can no longer post any comments.
Show/hide comments
busy