សួស្តីឆ្នាំថ្មី! កាសែត​ភ្នំពេញ ប៉ុស្តិ៍ សូម​ជម្រាប​ជូន​ដំណឹង​ដល់​ប្រិយ​មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំង​អស់​ឲ្យ​បាន​ជ្រាប​ថា ដើម្បី​ចូល​រួម​អបអរ​ពិធី​បុណ្យ​ចូល​ឆ្នាំ​ខ្មែរ ប្រពៃណី​ជាតិ​ខាង​មុខ​នេះ ​ភ្នំពេញ ប៉ុស្តិ៍ នឹង​ផ្អាក​ចេញ​ផ្សាយ​ពី​ថ្ងៃទី​១៤ ១៥ ១៦ និង​១៧ មេសា ​២០១៤ ហើយ​នឹង​ចាប់​ផ្តើម​ចេញ​ផ្សាយ​ជា​ធម្មតា​ឡើង​វិញ​នៅ​ថ្ងៃ​ទី ១៨ មេសា ឆ្នាំ​២០១៤។ ភ្នំពេញ ប៉ុស្តិ៍ ​សូម​ជូន​ពរ មិត្ត​អ្នក​អាន និង​អ្នក​ផ្សាយ​ពាណិជ្ជកម្ម​ទាំងអស់ ជួប​តែ​សេចក្តី​សុខ សុភមង្គល​គ្រប់​ៗ​គ្នា និង​គ្រប់​ពេល​វេលា នាឆ្នាំថ្មី​​នេះ។
Headlines:

ព័ត៌មាន​សន្តិសុខ​សង្គម​និង​ឧក្រិដ្ឋ​កម្ម ដែល​កើត​ឡើង​ពី​ថ្ងៃ​ទី​​​០៤-​០៨​តុលា ២០១២



កសិករ​ជាប់​គុក​ព្រោះ​លាក់​ទុក​កាំភ្លើង​នគរបាល

តាកែវ៖​បុរស​ស្រុក​បាទី​អាយុ​២៨​ឆ្នាំ​ម្នាក់​ត្រូវ​បាន​កាត់​ទោស​ដាក់​ពន្ធនាគារ​កាល​ពី​ថ្ងៃ​សៅរ៏​ពី​បទ​រក្សា​ទុក​អាវុធ​ខុស​ច្បាប់។ នគរបាល​បាន​ឲ្យ​ដឹង​ថា​កា​លពី​ឆ្នាំ​មុន​ បុរស​រូប​នោះ​បាន​រើស​និង​លាក់​ទុក​អាវុធ​ខ្លី​មួយ​ដើម​របស់​នគរ​បាល​ចរាចរណ៏​ម្នាក់​នៅ​ពេល​ដែល​នគរបាល​រូប​នោះ​ជួប​គ្រោះ​ថ្នាក់​ចរាចរ​ណ៏​ដែល​បណ្តាល​ឲ្យ​គាត់​បាក់​ជើង​នឹង​សន្លប់​នៅ​កន្លែង​កើត​ហេតុ។ បន្ទាប់​ពី​ស្រាវ​ជ្រាវ ​នគរបាល​បាន​ចាប់​ខ្លួន​បុរស​រូប​នោះ​។ គេ​បាន​សារភាព​ថា មិន​បាន​យក​អាវុធ​នោះ​ទៅ​ប្រព្រឹត្ត​អំពើ​ខុស​ច្បាប់​អី​នោះទេ។ គេ​ទុក​គ្រាន់​តែ​ការពារ​ខ្លួន​ប៉ុណ្ណោះ។

ចោរ​ប្រើ​កន្រ្តង​លួច​ទូរសព្ទ័​ត្រូវ​ចាប់​ខ្លួន

ភ្នំពេញ៖ ប៉ូលិស​ខណ្ឌ​ទួល​គោក​បាន​ចាប់​ខ្លួន​យុវជន​ម្នាក់​អាយុ​១៦​ឆ្នាំ បន្ទាប់​ពី​គេ បាន​ប្រើ​កន្រ្តង​ឆ្កឹះ​លួច​ទូរសព័្ទ​នៅ​ផ្ទះ​ជួល​មួយ​កន្លែង​កាល​ពី​ព្រឹក​ថ្ងៃ​សៅរ៏។ ប៉ូលិស​បាន​ឲ្យ​ដឹង​ថា​ជន​សង្សយ័​ឆ្កឹះ​បាន​ទូរស័ព្ទ​ដៃ​២​គ្រឿង​របស់​និស្សិត​ម្នាក់​នៅ​ពេល​ដែល​និស្សិត​រូប​នោះ​កំពុង​តែ​ដេក​លក់។ ពេល​នោះ​អ្នក​ជិត​ខាង​ម្នាក់​បាន​ឃើញ​ក៏​ស្រែក​ថា​ចោរៗ ធ្វើ​ឲ្យ​គេ​ភ័យ ក៏​រត់​ទំលាក់​ខ្លួន​ពី​ជាន់​ទី១​រង​របួស​ធ្ងន់ ហើយ​ត្រូវ​ចាប់​ខ្លួន​បាន​តែ​ម្តង។

ជម្លោះ​រឿង​ដាក់​កាហ្វេ​លើ​ថ្នាំ ចាក់​គ្នា​របួស

ភ្នំពេញ៖​ស្រ្តី​អាយុ​២៦​ឆ្នាំ​ម្នាក់​ត្រូវ​បាន​ចាប់​ខ្លួន​កាល​ពី​ថ្ងៃ​សៅរ៏​ក្រោម​ការ​សង្ស័យ​ថា​បាន​វាយ​ស្រ្តី​ជាអ្នក​រួម​ការ​ងារ​ម្នាក់​របួស​នៅ​ក្នុង​ខណ្ឌ​ដូន​ពេញ។ នគរបាល​បាន​ឲ្យ​ដឹង​ថា​ជន​រងគ្រោះ​បាន​ដាក់​ថ្នាំ​ពេទ្យ​របស់​នាង​នៅ​លើ​ទុក ពេល​នោះ​ស្រ្តី​ជា​ជន​សង្ស័យ​បាន​ដាក់​កាហ្វេ​ពី​លើ។ ស្រ្តី​រងគ្រោះ​បាន​សួរ ហើយ​ក៏​កើត​ជា​ជម្លោះ។ ពេល​នោះ ជន​សង្ស័យ​បាន​ចាក់​ជន​រងគ្រោះ​នឹង​កូន​កាំបិទ​របួស​ត្រង់​ពោះ​និង​ជើង។ នគរបាល​បាន​បញ្ជាក់​ថា​កន្លង​មក​ស្រ្តី​ទាំង​ពីរ​មិន​សូវ​ជា​ត្រូវ​គ្នា​នោះ​ទេ៕

CRV បុក​ម៉ូតូ​ស្លាប់​១ របួស១

ពោធិ៍សាត់៖ គ្រោះ​ថ្នាក់​ចរាចរណ៌​បង្ក​ដោយ​រថយន្ត​CRV​បាន​បណ្តាល​ឲ្យ​បុរស​ម្នាក់​ស្លាប់ និង​ម្នាក់​ទៀត​របួស​ធ្ងន់​កាល​ពី​ថ្ងៃ​សុក្រ​នៅ​ក្នុង​ក្រុង​ពោធិ៍សាត់។ នគរបាល​បាន​ឲ្យ​ដឹង​ថា CRV​បាន​មួយ​គ្រឿង​បើកបរ​ក្នុង​ល្បឿន​លឿន ហើយ​បុក​ម៉ូតូ​ពី​រគ្រឿង​ក្នុង​ទិស​ដៅ​ផ្ទុយ​គ្នា ដែល​បណ្តាល​ឲ្យ​បុរស​ម្នាក់​អាយុ​២២​ឆ្នាំ​ស្លាប់​ភ្លាមៗ និង​បុរស​ម្នាក់​ផ្សេង​ទៀត​រង​របួស​ធ្ងន់។ ម្ចាស់​រថយន្ត​បាន​ទុក​រថយន្ត​ចោល​រត់​គេច​ខ្លួន​បាត់៕

ឆក់​កាបូប​បាន​រត់​មិន​រួច កង​រាជ​អាវុធ​ហត្ថ​ចាប់​វ៉ៃ​ខ្នោះ

ភ្នំពេញ៖ បុរស​២នាក់​អាយុ​១៧​ឆ្នាំ​ត្រូវ​បាន​ចាប់​ខ្លួន​កាល​ពី​ថ្ងៃ​ព្រហស្បតិ៍​បន្ទាប់​ពី​ពួកគេ​បាន​ឆក់​កាបូប​ពី​ស្រ្តី​ម្នាក់​នៅ​ក្នុង​ខណ្ឌ​មាន​ជ័យ។ កង​រាជ​អាវុធ​ហត្ថ​បាន​ឲ្យ​ដឹង​ថា​ជន​សង្សយ័​ពីរ​នាក់​បាន​ជិះ​ម៉ូតូ​តាម​ស្រី​រង​គ្រោះ។ ដល់​កន្លែង​ស្ងាត់​ក៏​ឆក់​កាបូប​ពី​ស្រ្តី​រងគ្រោះ​ដែល​កំពុង​តែ​ជិះ​ម៉ូតូ​តែ​ម្នាក់​ឯង។ ពេល​នោះ​ស្រ្តី​រងគ្រោះ​បាន​ស្រែក​ឲ្យថា​ចោរៗ ដែល​ធ្វើ​ឲ្យ​ពួកជន​សង្ស័យ​ភ័យ ហើយ​រត់​ចូល​ភូមិ​អ្នក​ស្រុក។ ពេល​នោះ ប្រជាពលរដ្ឋ​បាន​ជួយ​កង​រាជ​អាវុធ​ហត្ថ​ចាប់​ជន​សង្ស័យ។

រត់​គេច​ពី​ខេត្ត​កណ្តាល មក​ជាប់​ខ្នោះនៅ​ភ្នំពេញ

ភ្នំពេញ៖ បុរស​អាយុ​២៨​ឆ្នាំ​ម្នាក់​បាន​រត់​គេច​ពី​ប៉ូលិស​ពី​ខេត្ត​កណ្តាល​នឹង​ត្រូវ​បាន​ចាប់​ខ្លួន​នៅ​ក្នុង​ខណ្ឌ​ដង្កោ រាជធានី​ភ្នំពេញ​កាល​ពី​ថ្ងៃ​សៅរ៏​ក្រោម​ការ​សង្ស័យ​ចែក​ចាយ​គ្រឿង​ញៀន។ នគរបាល​បាន​ឲ្យ​ដឹង​ថា​ជន​សង្ស័យ​បាន​បើក​កូន​ឡាន​របស់​ខ្លួន​រត់ បន្ទាប់​ពី​នគរបាល​ឃាត់​សុំ​ឆែកឆរ។ នគរបាល​បាន​បញ្ជាក់​ថា​ជន​នេះ​មាន​កាំភ្លើង​ខ្លី​មួយ​ដើម។ គេ​បាន​បាន​បោះ​ចោល​នៅ​តាម​ផ្លូវ។ ជន​ម្នាក់​នេះ​ក៏​ជាប់​ពាក់ព័ន្ឋ​នឹង​ករណី​ចោរ​កម្ម​ផងដែរ។

អង្គុយលើ​ម៉ូតូ​ប៉ង​លួច ​ត្រូវ​ចាប់​ខ្លួន

ភ្នំពេញ៖ កង​រាជ​អាវុធ​ហត្ថ​ខណ្ឌ​សែន​សុខ​បាន​ចាប់​ខ្លួន​បុរស​អាយុ​១៧ឆ្នាំ​ម្នាក់​ដោយ​សង្សយ័​ថា​បុរស​ម្នាក់​នេះ​ប៉ុន​ប៉ង​លួច​ម៉ូតូ​កាល​ពី​ថ្ងៃ​អាទិត្យ។ កង​រាជ​អាវុធ​ហត្ថ​បាន​ឲ្យ​ដឹង​ថា​ជន​សង្សយ័​បាន​មក​អង្គុយ​លើ​ម៉ូតូ​របស់​ជន​រងគ្រោះ​ដែល​ដាក់​នៅ​ក្រៅ​បន្ទាប់​នៅ​វេលា​ម៉ោង​ប្រមាណ​ជា​១១​យប់។ ពេល​ឃើញ​ម្ចាស់​ម៉ូតូ​ដើរមក គេ​ក៏​រត់​។ ពេល​នោះ​ ម្ចាស់​ម៉ូតូ​ក៏​ស្រែក​ថា​ចោរ ​ចោរ​ ហើយ​កម្លាំង កងរាជ​អាវុធ​ហត្ថល្បាត​បាន​ចាប់​ខ្លួន​គេ​តែ​ម្តង៕

បីនាក់​ព្រួត​វាយ​ម្នាក់​យ៉ាង​សាហាវ​ក្នុង​ជម្លោះ​មួយ

កំពង់ចាម៖ បុរស​បី​នាក់​អាយុ​២២​និង​២៥​ឆ្នាំ​ត្រូវ​បាន​បាន​ចាប់​ខ្លួន​កាល​ពី​ថ្ងែ​សៅរ៏​បន្ទាប់​ពី​ពួកគេ​ព្រួត​គ្នា​វាយ​សំពង​លើ​បុរស​ម្នាក់​នៅ​ក្នុង​ស្រុក​ត្បូង​ឃ្មុំ។ នគរបាល​បាន​ឲ្យ​ដឹង​ថា​ជន​រង​គ្រោះ​អាយុ២​០ឆ្នាំ​មាន​ជម្លោះ​ជាមួយ​នឹង​ពួក​ជន​សង្សយ័។ ពេល​នោះ​គេ​ត្រូវ​ជន​សង្សយ័​វាយ​នឹង​ដំបង ​ខ្សែ​ក្រ​វ៉ាត់​ហើយ​ថែម​ទាំង​ជិះ​ម៉ូតូ​បុកទៀ​តផង។​ កម្លាំង​នគរបាល​បាន​ចុះ​ធ្វើ​អន្តរាគមន៏​ចាប់​ជន​សង្សយ័។

ប្តី​ឈ្លោះ​ជាមួយ​ប្រពន្ធ​ដុត​ផ្ទះ​ចោល

កំពង់ស្ពឺ៖ បុរស​អាយុ៣២​ឆ្នាំ​ម្នាក់​ត្រូវ​បាន​ចាប់​ខ្លួន​កាល​ពី​ថ្ងៃ​សុក្រ​បន្ទាប់​ពី​គេ​ដុត​ផ្ទះ​ខ្លួន​ឯង​នៅ​ក្នុង​ស្រុក​សំរោង​ទង។ ប្រពន្ធ​រប​ស់​បុរ​សនោះ​បានឲ្យ​ដឹង​ថា នាង​មា​ន​ជម្លោះ​ជាមួយ​នឹង​ប្តី។ ពេល​នោះ​ ប្តី​ក៏​ចូល​ទៅ​ក្នុ​ង​ផ្ទះ​រក​ដែក​កេះ​ដុត​ផ្ទះចោល​តែ​ម្តង។ អ្នក​ជិត​ខាង​បាន​ចូល​ទៅ​ពន្លត់​ភ្លើង ​ប៉ុន្តែ​ទ្រព្យ​សម្បត្តិ​ស្ទើរ​តែ​ទាំង​អស់​ត្រូ​វឆេះ​អស់។ នគរ​បាល​បាន​ចាប់​ខ្លួន​បុរស​ជា​ប្តី​ ប៉ុន្តែ​គេ​មិន​ដឹង​ថា​នគរបាល​បញ្ជូន​បុរស​ជាប្តី​ទៅ​តុលាការ​ដែរ​រឺ​យ៉ាង​ណា​នោះ​ទេ៕

បង្ក​អំពើ​ហិង្សា​រត់​បាន​ជាង​២​ខែ​ត្រូវ​ចាប់​ខ្លួន

ភ្នំពេញ៖នគរ​បាល​ខណ្ឌ​ចំកាម​នបាន​ចាប់​ខ្លួន​និង​បញ្ជូន​បុរស​អាយុ​២៣​ឆ្នាំ​ម្នាក់​ទៅ​តុលាការ​កាល​ពី​ថ្ងៃ​សៅរ៏​ដោយ​ចោទ​ប្រកាន់​ថា​បាន​បង្ក​របួសស្នាម​លើ​បុរស​ម្នាក់​។ នគរ​បាល​បាន​ឲ្យ​ដឹង​ថា​ជន​សង្សយ័​បាន​បង្ក​អំពើ​ហិង្សា​និង​វាយ​ជន​រង​គ្រោះ​របួស ហើយ​បានរត់គេចខ្លួននៅភោជនីយដ្ឋានមួយកាលពីខែសីហា។ ជន​រង​គ្រោះ​បាន​ដាក់​ពាក្យ​បណ្តឹង​បន្ទាប់​មក​តុលាការ​បាន​ចេញ​ដី​ការ​ចាប់​ខ្លួន​ជន​សង្សយ័​នៅ​ថ្ងៃ​ទី​២៣​ខែ​តុលា។ បន្ទាប់​មក​នគរបាល​បាន​ធ្វើ​ការ​ឃាត់​ខ្លួន​ជន​សង្សយ័​តែ​ម្តង។

នារី​វ័យ​ក្មេង​ស៊ី​ដាច់​ម៉ូតូ​សង្សារ​ត្រូវ​នគរបាល​ឃាត់​ខ្លួន

នារី​វ័យ​ក្មេង​ម្នាក់​ត្រូវ​សង្សារ​របស់​ខ្លួន​ចាប់​ប្រគល់​ឱ្យ​នគរបាល ប៉ុស្តិ៍​រដ្ឋបាល​បឹង​រាំង ចាត់​ការ​តាម​ច្បាប់ កាល​ពី​ថ្ងៃអង្គារ។ ក្រោយ​ពី​នារី​នោះ​ប្រើ​ល្បិច​ខ្ចីម៉ូតូ​ម៉ាក​យ៉ាម៉ា​ហា ហ្វ៊ីណូ ជិះ​យក​ទៅ​បាត់​អស់​រយៈ​ពេល​ពីរ​ថ្ងៃ ហើយ​ព្យាយាម​គេច​ខ្លួន។ នៅ​ពេល​ទៅ​ដល់​កន្លែង​ធ្វើ​ការ​នារី​ជា​សង្សារ​ដែល ជាប់​ចោទ​ក៏ខ្ចី​ម៉ូតូ ហើយ​ខ្លួន​ឱ្យ រួច​ចូល​កន្លែង​ធ្វើការ​តាម​ធម្មតា។ លុះ​ល្ងាច​ថ្ងៃ​ដដែល​មិន​ឃើញ​នារី​ជាប់​ចោទ​ខាង​លើ​យក​ម៉ូតូ​មក​ឱ្យ ខ្លួន​វិញ​ឡើយ ទើប​កើត​ការ​សង្ស័យ​ថា ប្រាកដ​ជា​នារី​រូប​ស្រស់​នោះ​ស៊ី​ដាច់​ម៉ូតូ​ហើយ ខ្លួន​ប្រញាប់​បបួល​បង​ប្អូន​ស្វែង​រក។

ប៉ូលិស​ចាប់​ពីរ​នាក់​បន្ទាប់​ពី​ចាក់​ជន​រងគ្រោះ​មួយ​កាំបិត

ពោធិសាត់៖ប៉ូលិស​ក្រុង​ពោធិសាត់​បាន​ចាប់​ខ្លួន​បុរស​ពីរ​នាក់​ដែល​បាន​កាប់​ចាក់​ជន​រង​គ្រោះ​កាល​ពី​ពុធ។ ប៉ូលិស​និយាយ​ថា​នៅ​ថ្ងៃ​កើត​ហេតុ​ជន​ទាំង​ពីរ​នាក់​នោះ​បាន​ចាក់​ជន​រង​គ្រោះ​នឹង​កាំ​បិត​ខណៈ​ដែល​ពួក​គេ​កំពុង​ចូល​រួម​សប្បាយរី​រាយ​ក្នុង​ពិធី​ជប់​លៀង។​ជន​រង​គ្រោះ​ស្ថិត​នៅ​ក្នុង​មន្ទីរ​ពេទ្យ​នៅ​ឡើយ។​ប៉ូលិស​បាន​ទៅ​​ចាប់​ជន​សង្ស័យ​នៅ​ផ្ទះ។​ជា​ការ​ពិត​ប៉ូលិស​និយាយ​មិន​ត្រឹម​តែ​មាន​ជន​ទាំង​ពីរ​នេះ​ទេ ពោល​គឺ​មាន​ច្រើន​អ្នក​ដែល​នាំ​កាប់​ចាក់​គ្នា​តែ​ពួក​គេ​បាន​រត់​គេច​ពី​ស្រុក។​ពួក​គេ​បាន​ចូល​រូម​នៅ​ក្នុង​ពិធី​រាំ​រែក​ស្រាប់​ឈ្លោះ​ប្រកែក​គ្នា កាប់​ចាក់​គ្នា​បើ​ទោះ​បី​ជា​ពួក​គេ​រស់​នៅ​ក្នុង​ភូមិ​តែ​មួយ​ក៏​ដោយ។​អ្នក​ជិត​ខាង​និង​អ្នក​ចូល​រួម​មិន​ហ៊ាន​ចូល​រួម​ក្នុង​ពិធី​នេះ​ទេ។

គេចខ្លួនទៅធ្វើកម្មករនៅថៃជាង១ឆ្នាំពេលត្រលប់មកផ្ទះវិញប៉ូលីសចាប់ខ្លួនបាន

បាត់ដំបង៖ ជន​សង្ស័យ​ម្នាក់​ដែល​រក​ស៊ី​ចែក​ចាយ​គ្រឿង​ញៀន​ហាម​ឃាត់​ខុស​ច្បាប់​ហើយ​រត់​គេច​ខ្លួន​ទៅ​ធ្វើ​ការ​កម្មករ​នៅ​ស្រុក​សៀម ពេល​ត្រលប់​មក​លេង​ផ្ទះ​វិញ ត្រូវ​ប៉ូលីស​ធ្វើ​ការ​ឃាត់​ខ្លួន​នៅ​ថ្ងៃ​អង្គារ​ស្ថិត​នៅ​ក្នុង​ក្រុង​បាត់​ដំបង។ ប៉ូលិស​និយាយ​ថា កាល​ពី​ឆ្នាំ​២០០៩​កន្លង​ទៅ​បុរស​រូប​នេះ​បាន​ចែក​ចាយ​គ្រឿង​ញៀន​ខុស​ច្បាប់​ហើយ​គេច​ខ្លួន​ទៅ​ថៃ បច្ចុប្បន្ន​ប៉ូលីស​បាន​ចាប់​បាន​និង​បាន​បញ្ជូន​ខ្លួន​ទៅ​តុលាការ​ដើម្បី​ចាត់​ការ​បន្ត។

ប៉ូលិស​រឹប​អូស​ទូហ្គេម​កុំព្យូទ័រ​៥គ្រឿង​នៅ​ក្រុង​បាត់ដំបង

បាត់ដំបង៖ប៉ូលិស​ក្រុង​បាត់​ដំបង​បាន​ឆ្មក់​ចាប់​កុំព្យូទ័រ​៥គ្រឿង​កាល​ពី​ថ្ងៃ​ពុធ​ពី​ហាង​អ៊ិនធើណែត​មួយ។ ប៉ូលិស​និយាយ​ថា​ហាង​ទាំង​អស់​នេះ​បាន​ប្រកប​អាជីវកម្ម​ជ្រក​ក្រោម​ស្លាក​អ៊ិនធើណែត​តែ​បង្កប់​បើក​អាជីវកម្ម​លេង​ហ្គេម​កុំព្យូទ័រ​និង​មើល​វិដេអូ​សិច​ជា​ដើម។​អ្នក​ចូល​លេង​ភាគ​ច្រើន​ជា​សិស្ស​ដែល​បាន​ស្លៀក​សំលៀក​បំពាក់​ជា​ឯកសណ្ឋាន​ចូល​លេង​យ៉ាង​គគ្រឹក​គគ្រេង​ដែល​ពួកគេ​គេច​សាលា​និង​អាច​ឈាន​ទៅ​ប្រព្រឹត្តិ​បទ​ល្មើស​ផ្សេង​ទៀត។​ប៉ូលីស​បាន​ធ្វើ​ការ​ឃុំ​ខ្លួន​ពួកគេ​ជា​បណ្តោះ​អាសន្ន​ដើម្បី​យក​មក​ធ្វើ​ការ​អប់រំ​រីឯ​ម្ចាស់​ហាង​ត្រូវ​បាន​បញ្ជូន​សំណុំ​រឿង​ទៅ​កាន់​តុលាការ។

ប៉ូលិស​ចាប់​យុវជន​ពីរ​នាក់​ជួញ​ដូរ​និង​សេព​គ្រឿង​ញៀន

ភ្នំពេញ៖​បុរស​ពីរ​នាក់​ត្រូវ​បាន​គេ​ចាប់​ខ្លួន​បន្ទាប់​ប៉ូលិស​រក​ឃើញ​ថា​ពួក​គេ​មាន​ពាក់​ព័ន្ឋ​នឹង​គ្រឿង​ញៀន​នៅ​ក្រុង​ប៉ោយ​ប៉ែត​កាល​ពី​ថ្ងៃ​ច័ន្ទ។​ប៉ូលិស​និយាយ​ប៉ូលិស​បាន​ឆ្មក់​ពួក​គេ​នៅ​ក្នុង​ផ្ទះ​សំណាក់។​ប៉ូលិស​សង្ស័យ​ពួក​គេ​ជា​យូរ​មក​ហើយ​តែ​គ្មាន​ភស្តុតាង។​ប៉ូលិស​បាន​សុំ​អនុញ្ញាត​ពីម្ចាស់​ផ្ទះ​សំណាក់​ដើម្បី​ចាប់​ជន​ទាំង​ពីរ​នេះ​បន្ទាប់​ពី​ប៉ូលិស​មាន​ភស្តុតាង​គ្រប់​គ្រាន់​ដោយ​ពួក​គេ​មិន​អាច​ប្រកែក​បាន​ទេ។​ប៉ូលិស​រឹប​អូស​ថ្នាំ​ញៀន​មួយ​កញ្ចប់​និង​ឧបករណ៍​ជក់​ផ្សេង​ទៀត។​ពួក​គេ​បាន​ទិញ​ថ្នាំ​ញៀន​ពី​អ្នក​រស់​នៅ​ប៉ោយ​ប៉ែត​ដើម្បី​យក​ទៅ​លក់​នៅ​ភ្នំ​ពេញ​លក់​បន្ត។​ប៉ូលិស​កំពុង​ធ្វើ​ការ​ស៊ើប​អង្កេត​ចាប់​ជន​ពាក់​ព័ន្ឋ​មួយ​ចំនួន​ទៀត។​ប៉ូលិស​បញ្ជូន​ពួក​គេ​ទៅ​កាន់​តុលាការ។

This content has been locked. You can no longer post any comments.
Show/hide comments
busy