Headlines:

ព័ត៌មាន​សន្តិសុខ​សង្គម​និង​ឧក្រិដ្ឋ​កម្ម ដែល​កើត​ឡើង​ពី​ថ្ងៃ​ទី​០៧-​១៣​ ធ្នូ ២០១២



ផឹក​ស៊ី​ជា​មួយ​គ្នា​វាយ​គ្នា​របួស ​នគរ​បាល​ចាប់​ខ្លួន​ទាំង​២​នាក់

បន្ទាយ​មាន​ជ័យ​៖បុរ​ស​២​នាក់​អាយុ២៥​និង​៣០​ឆ្នាំ​ត្រូវ​បាន​ចាប់​ខ្លួន​កាល​ពី​ថ្ងៃ​ពុធ​បន្ទាប់​ពី​ពួក​គេ​វាយ​គ្នា​របួស​នៅ​ក្រុង​ប៉ោយ​ប៉ែត។ នគរ​បាល​បាន​ឲ្យ​ដឹង​ថា​បុរស​ទាំង​ពីរ​នាក់​បាន​ផឹក​ស៊ី​ជា​មួយ​គ្នា។​ ពេល​ស្រវឹង​ការ​មាន​ទំនាស់​ពាក្យ​សំដី​នឹង​គ្នា។ ពេល​នោះ​ពួក​គេ​ក៏​វាយ​គ្នា​នឹង​កែវ​ស្រា​រ​បួស​រៀងៗ​ខ្លួន​។ នគរ​បាល​បាន​ឃុំ​ខ្លួន​ទាំង​ពីរ​នាក់​តែ​ម្តង។

ទិញ​កាំ​ភ្លើង​ទុក​ការ​ពារ​ខ្លួន​ត្រូវ​ប៉េ​អឹម​ចាប់​ខ្លួន

ភ្នំ​ពេញ៖​ប៉េអឹម​ខណ្ឌ​សែន​សុខ​បាន​ចាប់​ខ្លួន​បុរស​អាយុ៣៤​ឆ្នាំ​ម្នាក់​កាល​ពី​ថ្ងៃ​ព្រហស្បត្តិ៏​ក្រោម​ការ​សង្ស័យ​ថា​ប្រើ​ប្រាស់​អាវុធ​ខុស​ច្បាប់។​ បុរ​ស​ម្នាក់​នេះ​បាន​ចូល​ទៅ​ច្រៀង​នៅ​ហាង​ខា​រ៉ាអូខេ​មួយ​កន្លែង។ ពេល​ឃើញ​មាន​កាំ​ភ្លើង ​ក៏​មាន​គេ​រាយ​ការណ៏​ប្រាប់​ប៉េ​អឹម។ ប៉េ​អឹម​បាន​ឃាត់​ខ្លួន​បុរស​ម្នាក់​​នេះ​ទៅ​សួរ​នាំ។​ បុរស​ម្នាក់​នេះ​បាន​សារ​ភាព​ថា​គេ​ទិញ​កាំ​ភ្លើង​ខ្លី​នេះ​តម្លៃ​៣៥០​ដុល្លា​ទុក​សម្រាប់កា​រពារ​ខ្លួន​ព្រោះ​ថា​កន្លង​មក​មាន​ក្មេង​ទំនើង​គំរាម​វាយ​រូប​គេ។ ទោះ​យ៉ាង​ណាការ​ការ​ទិញ​និង​ប្រើ​ប្រាស់​នេះ​ជា​អំពើ​ខុស​ច្បាប់​។ ម៉ូតូ​មួយ​គ្រឿង​ត្រូវ​បាន​ដក​ហូត​ពី​ជន​សង្ស័យ។

អត់​លុយ​ប៉ុន​ប៉ង​គាស់​ផ្ទះ​គេ​ត្រូវ​ចាប់​ខ្លួន

​ភ្នំ​ពេញ៖​ យុវ​ជន២​នាក់​អាយុ១៥​និង​១៧​ឆ្នាំ​ត្រូវ​បាន​នគរបា​លចាប់​ខ្លួន​កាល​ពី​ថ្ងៃ​សុ្រក​បន្ទាប់​ពី​ពួក​គេ​ប៉ុន​ប៉ង​គាស់​ផ្ទះ​គេ​លួច​ទ្រព្យ​សប្បត្តិ​នៅ​ក្នុង​ខណ្ឌ​ចំកាម​ន។ នគរ​បាល​បាន​ឲ្យ​ដឹង​ថា​យុវ​ជន​ទាំង​២​នេះ​ត្រូវ​គេ​ប្រទះ​ឃើញ​នៅ​ពេល​បំរុង​គាស់​ផ្ទះ​ប្រជាពល​រដ្ឋ​ម្នាក់​លួច​ទ្រព្យ​សម្បត្តិ​ពេល​ម្ចាស់​គេ​មិន​នៅ។ នគរបាល​បាន​ចាប់​ខ្លួន​មក​សួរ​នាំ។ ពួក​គេ​បាន​សារ​ភាព​ថា​គេ​បំរុង​ប្រព្រឹត្ត​អំពើ​នោះ​ដោយ​សារ​តែ​គ្មាន​លុយ​ចាយ​។

ស្រ្តី​ម្នាក់​និង​បុរស​២​នាក់​បាញ់​២​គ្រាប់​ប្លន់​ម៉ូតូ​មួយ​គ្រឿង

កណ្តាល៖ ចោរ​ប្ល​ន់​បី​នាក់​ដែល​រួម​មាន​ទាំង​ស្រ្តី​ម្នាក់​ផង​នោះ​បាន​ប្រើ​កាំភ្លើង​ខ្លី​មួយ​ដើម​បាញ់​គ្រាប់​ប្លន់​យក​ម៉ូតូ​មួយ​គ្រឿង​ពី​កម្មករ​កាត់​ដេរ​ម្នាក់​កាល​ពី​យប់​ថ្ងៃ​ព្រហស្បត្តិ៏​នៅ​ក្នុង​ស្រុក​អ​ង្គ​ស្នួល។ នគរបាល​បាន​ឲ្យដឹង​ថា​ជន​រង​គ្រោះ​អាយុ២២​ឆ្នាំ​ត្រូវ​ពួក​ចោរ​ជិះម៉ូតូ​២គ្រឿង​កៀរ​ឲ្យដួ​លប្ល​ន់យ​កម៉ូ​តូ។ តែ ជន​រ​ងគ្រោះមិ​នព្រ​មឲ្យ ​ហើយជ​ន​សង្ស័យ​ម្នាក់​បាន​ដក​កាំ​ភ្លើង​ខ្លី​បាញ់​សំដៅ​ជន​រង​គ្រោះតែមិ​នត្រូ​វ។ ជន​រង​គ្រោះភ័យ​ក៏រ​ត់ហើ​យជន​សង្ស័យ​បានបា​ញ់ពី​ក្រោយ​មួយ​គ្រាប់​ទៀត​។ សំណាង​ល្អគ្រាប់​ទី​នេះ​ក៏​មិន​ត្រូវ​ដែរ។ ជន​សង្ស័យ​បា​នជិះ​ម៉ូតូ​ជន​រង​គ្រោះរត់​បាត់។ នគរ​បាល​កំពុ​ងស្វែង​រក​ចាប់​ខ្លួន​ពួក​គេ។

នគរ​បាល​ដេញ​ចាប់​ខ្លួន​ចោរ​ឆក់​កាបូប​iphone និង​កុំព្យួរ​ទ័រ

ភ្នំ​ពេញ៖​ នគរ​បាល​ខណ្ឌ​ដូន​ពេញ​បាន​ដេញ​ចាប់​ខ្លួន​ចោរ​ម្នាក់​អាយុ​២៥​ឆ្នាំ​បន្ទាប់​ពី​គេ​បាន​ឆក់​កាបូប​ដែល​មាន​iphone ​និង​កុំព្យួរទ័រ​យួរ​ដៃ​នៅ​ក្នុង​នោះ​កាល​ពី​ថ្ងៃ​ស្រុក។ នគរបាល​បាន​ឲ្យ​ដឹង​ថា​ជន​សង្ស័យ​បាន​ឆក់​កាបូប​ពី​និស្សិត​ម្នាក់​ហើយ​ព្យាយាម​រត់​គេច​ខ្លួន​។ និស្សិត​នោះបាន​ស្រែក​ឲ្យគេ​ជួយ។ ពេល​នោះ​នគរ​បា​ល​ល្បាត​បាន​ដេញ​ចាប់​ខ្លួន​ជន​សង្ស័យ​បាន​ហើយ​ប្រគ​ល់​iphone និង​កុំព្យួរទ័រ​នោះ​ទៅ​ឲ្យ​ជន​រង​គ្រោះ​វិញ​។ ជន​សង្ស័យ​ត្រូវ​បាន​បញ្ជូន​ទៅ​តុលា​ការ។

ឃាត់​ខ្លួន​ម្នាក់​បន្ទាប់​រក​ឃើញ​ថ្នាំ​ញៀន​៦​កញ្ចប់

ភ្នំ​ពេញ៖ នគរ​បាល​ខណ្ឌដូ​ន​ពេ​ញ​បាន​ចាប់​ខ្លួន​បុរ​ស​អាយុ២​៦​ឆ្នាំម្នាក់​កាល​ពី​ថ្ងៃ​សៅរ៏​ដោយ​ស​ង្ស័យ​ពី​បទ​ចែក​ចាយ​ថ្នាំ​ញៀន​ខុស​ច្បាប់​។ នគរ​បាល​បាន​ឲ្យដឹង​ថា​មាន​គេរាយការ​ណ៏​ការ​ចែក​ចាយ​ថ្នាំ​ញៀន​នៅ​ក្នុង​តំបន់​នោះ​។ នគរ​បាល​បាន​ទៅ​លា​ក់​ខ្លូន​នៅ​ទី​នោះ ​ហើយ​បាន​ឃើញ​ជន​សង្ស័យ​ជិះម៉ូ​តូ​មក​ឈប់​។ នគរ​បាល​បាន​ឆែក​ឆេរ​ជន​សង្ស័យ​ហើយ​ឃើញ​ថ្នាំ​ចំនួន៦​កញ្ចប់​តូច​និង​បាន​ឃាត់​ខ្លួន​គេ​តែ​ម្តង។ លុយ​ចំនួន​១៣០​ដុល្លា ​ទូរស័ព្ទ​៣​គ្រឿង​និង​ម៉ូតូ​មួ​យ​គ្រឿង​ទៀត​ត្រូវ​បាន​ដក​ហូត​ពី​ជន​សង្ស័យ។

រើស​បាន​កាំ​ភ្លើង​យក​ទៅ​បាញ់​គំរាម​គេ​ត្រូវ​ចា​ប់​ខ្លួន

ពោធិ៏សា​ត់​៖ ​បុរ​សអា​យុ២​០ឆ្នាំ​​ម្នាក់​ត្រូវ​បាន​ចាប់​ខ្លួន​កាល​ពី​ថ្ងៃ​សុក្រ​បន្ទាប់​ពី​គេ​បាន​​ប្រើប្រា​ស់អា​វុធ​ខុស​ច្បាប់​នៅ​ក្នុង​ស្រុកវា​លវែ​ង។ នគរ​បាល​បាន​ឲ្យ​ដឹង​ថា​ជន​ស្សយ័​ម្នាក់​នេះ​បាន​រើស​បាន​កាំ​ភ្លើង​ខ្លីមួ​យដើ​ម ហើយ​មិន​ព្រម​ប្រគល់ឲ្យ​ន​គរបា​លទេ​ បែរ​ជា​ប្រើ​វា​ទៅ​បាញ់​គំរាម​អ្នក​ជិត​ខាង​នៅ​ពេល​មាន​ជម្លោះ​ទៅវិ​ញ។ ក្រោយ​ពី​បាញ់​រួច​គេ​បាន​យក​ទៅ​កប់​ចោល​។ នគរ​បាល​បាន​ចាប់​ខ្លួន​គេ​បន្ទា​ប់រ​កឃើ​ញអា​វុ​ធ​នោះ។

យុវជន​ម្នាក់​ត្រូវ​គេ​វាយ​របួស​ធ្ងន់ ​ពេល​ឡើង​បេះ​ត្នោត

កណ្តា​ល៖​ បុរស​ជា​ម្នាក់​ត្នោត​បាន​វាយ​យុវ​ជន​ម្នាក់​អាយុ១៦​ឆ្នាំ​ម្នាក់​របួស​ធ្ងន់​កាល​ពី​ថ្ងៃ​សៅរ៏​នៅពេ​ល​ដែល​​យុវ​ជនរូប​នេះ​កំពុង​ឡើង​បេះ​ត្នោត​នៅ​ក្នុង​ស្រុក​អង្គ​ស្នួល។ នគរបាល​​​បាន​ឲ្យ​ដឹង​ថា​បុរស​ម្នាក់​នេះ​ បានខឹ​ងស​ម្បា​រ​ពេល​ឃើញ​យុវ​ជន​រង​គ្រោះឡើ​ងបេះ​ត្នោត​ខ្លួន​ព្រោះគេ​មិន​បាន​សុំម្នា​ស់ត្នោ​តនោះ​ឡើ​យ​។ ពេល​យុ​វ​ជន​នោះចុះ​មក​ដល់​ដី​វិ​ញ បុរស​នោះ​បាន​វាយ​នឹង​ដ​ងរែ​ក​ចំចង្កេះ​ ខ្នង​និងដៃ​ជើ​ង។ នគ​របា​លបា​នឃា​ត់ជ​នបុ​រសម្នា​ក់នេះ​បន្ទាប់​គ្រួសារ​ជនរង​គ្រោះ​ប្តឹ​ង។

គ្រាន់​តែ​គេ​មើលមុ​ខ ​ដេញកា​ប់គេ​របួ​ស​២​នាក់

កំពង់​ចាម​៖ នគរ​បាល​បាន​ចាប់​ខ្លួន​បុរស​អាយុ​២២​ឆ្នាំ​ម្នាក់​កាល​ពី​ថ្ងៃ​សៅរ៏​បន្ទាប់​ពី​គេបា​នកាប់​បុរ​ស​២នា​ក់ របួសធ្ងន់​នៅ​ក្នុង​ជម្លោះ​រឿង​មើ​លមុខ​នៅ​ក្នុង​ក្រុង​កំព​ង់​ចាម។ នគរ​បាល​ឲ្យដឹ​ង​ថាជ​នរ​ងគ្រោះ​បាន​ទៅ​​លេង​​នៅក​ន្លែងកើ​តហេ​តុជា​មួយ​នឹង​ពួក​ម្នាក់ទៀ​ត។​ ពេល​នោះ ​ពួក​គេ​បាន​ជួប​នឹង​ជន​សង្ស័​យ។ ជន​សង្ស័យ​បាន​ខឹង​សម្បារ​បន្ទាប់​ជន​រង​គ្រោះ​មើល​មុខ​ហើយ​បាន​ទាញ​កាំបិត​បុ័ង​តោ​ដេញ​កាប់​របួ​ស​២​នាក់​។ នគរ​បាល​បាន​ចាប់​ខ្លួន​ជន​សង្ស័យបាន​ភ្លាមៗ​ផង​ដែរ។

២នាក់​ឆក់​ទូរស័ព្ទ​ស្រ្តី​បរទេស ​ម្នាក់​រត់​រួច​ ម្នាក់​ត្រូវ​ជាប់​ខ្នោះ

ភ្នំពេញ​៖ នគរ​បាល​ខណ្ឌ​ដូន​ពេញបា​នចា​ប់ខ្លួ​នបុ​រសម្នា​ក់អា​យុ២៤​ឆ្នាំ​បន្ទាប់​ពី​គេនិ​ងប​ក្ស​ពួក បាន​ឆក់​ទូរសព្ទ័​អាយ​ហ្វូន​ពី​ស្រ្តី​បរទស​ម្នាក់​កាល​ពី​ព្រឹក​ថ្ងៃ​ចន្ទ។ នគរ​បាល​បាន​ឲ្យដឹង​ថា​ស្រ្តី​ជាជន​រង​គ្រោះ​កំពុង​តែ​និយាយ​ទូរ​សព្ទ័​ ពេល​នោះ​ពួក​ជន​សង្ស័យ​បាន​ជិះ​ម៉ូតូ​ទៅជិ​ត​ហើយ​ឆក់​តែ​ម្តង​។ សំ​ណាងអា​ក្រក់ នគរ​បាល​បាន​ចាប់​ខ្លួ​ន​បាន​ម្នាក់​និង​ម្នាក់​ទៀត​ជិះ​ម៉ូតូ​គេច​ខ្លួន​បាត់។

បុរស​ម្នាក់​ឆ្កួត​ដុត​ផ្ទះ​ខ្លួន​ឯង​ចោល​

កំពង់ឆ្នាំង៖​ប៉ូលិស​ក្រុង​កំពង់ឆ្នាំ​បាន​និយាយ​ថា​បុរស​អាយុ​៣២​ឆ្នាំ​ម្នាក់​បាន​ដុត​ផ្ទះ​ខ្លួន​ឯង​កាល​ពី​ថ្ងៃ​អាទិត្យ។​ប៉ូលិស​និយាយ​ថា​នៅ​ថ្ងៃ​កើត​ហេតុ​ផ្ទះ​របស់​ខ្លួន​បាន​ឆាប​ឆេះ។​ប៉ូលិស​និង​អ្នក​ជិត​ខាង​បាន​នាំ​គ្នា​ចុះ​ទៅ​អន្តរាគម​បញ្ឈប់​ភ្លើង​រាល​ដាល​។​សំណាង​ហើយ​ភ្លើង​មិន​ឆេះ​រាល​ដាល​ទៅ​ផ្ទះ​ផ្សេង​របស់​អ្នក​ភូមិ។​ម្តាយ​របស់​ជន​សង្ស័យ​និយាយ​ថា​កូន​ខ្លួន​គឺ​ជា​អ្នក​ដុត​ដោយ​សារ​ស្រ្តេស​តប់​ប្រមល់​គ្មាន​លុយ​ហ្នឹង​គេ។​ប៉ូលិស​បាន​ចុះ​ទៅ​ចាប់​តែ​ជន​នោះ​រត់​គេច​ខ្លួន​បាត់។​

បុរស​ម្នាក់​ចាប់​ខ្លួន​រឿង​ពាក់​ព័ន្ឋ​គ្រឿង​ញៀន

ភ្នំពេញ៖​បុរស​អាយុ​៤៣​ឆ្នាំ​ម្នាក់​ត្រូវ​បាន​ចាប់​ខ្លួន​បន្ទាប់​ពី​ជាប់​ពាក់​ព័ន្ឋ​នឹង​ជួញ​ដូរ​គ្រឿង​ញៀន​ស្ថិត​នៅ​ខណ្ឌ​ឬស្សី​កែវ​រាជ​ធានី​ភ្នំពេញ​កាល​ពី​ថ្ងៃ​ច័ន្ទ។​ប៉ូលិស​និយាយ​ថា​ប៉ូលិស​បាន​ចុះ​ទៅ​ចាប់​នៅ​កណ្តាល​ផ្លូវ​។​នៅ​ថ្ងៃ​កើត​ហេតុ​ជន​នោះ​បាន​ឈរ​នៅ​លើ​ផ្លូវ​ដោយ​មាន​ភាព​សង្ស័យ​ប៉ូលិស​បាន​ចុះ​ទៅ​ចាប់​។​ជន​នោះ​បាន​រត់​គេច​ខ្លួន​តែ​ប៉ូលិស​នៅ​តែ​ចាប់​បាន។​ប៉ូលិស​បាន​រក​ថ្នាំ​ញៀន​ពីរ​កញ្ចប់​។​បច្ចុប្បន្ន​ប៉ូលិស​បញ្ជូន​រូប​​គេ​ទៅ​កាន់​តុលាការ។​

ស្រ្តី​ម្នាក់​ត្រូវ​រថយន្ត​កិន​ស្លាប់​យ៉ាង​វេទនា

ភ្នំពេញ៖​ស្រ្តី​អាយុ​២១​ឆ្នាំ​ម្នាក់​ ត្រូវ​បាន​រថយន្ត​កិន​ស្លាប់​ស្ថិត​នៅ​ខណ្ឌ​មាន​ជ័យ​រាជ​ធានី​ភ្នំពេញ​នៅ​ថ្ងៃ​អាទិត្យ​។​ប៉ូលិស​និយាយ​ថា​នៅ​ថ្ងៃ​កើត​ហេតុ​នាង​ត្រូវ​បាន​បុក​ឲ្យ​ដួល​ដោយ​ម៉ូតូ​មួយ​គ្រឿង​រួច​ហើយ​ក៏​ត្រូវ​រថយន្ត​ដែល​បើក​លឿន​បុក​ពី​ក្រោយ​កិន​ស្លាប់។​សាក្សី​និយាយ​ថា​រថយន្ត​នោះ​បើក​ក្នុង​ល្បឿន​លឿន​ដោយ​គ្មាន​ការ​ប្រុង​ប្រយ័ត្ន​ហើយ​រត់​គេច​ខ្លួន​បាត់។​ប៉ូលិស​កំពុង​តាម​ស្វែង​រក​ចាប់​ខ្លួន​។​

ឆក់​ខ្សែក​គេ​ហើយ​ដួល​ម៉ូតូ​ត្រូវ​ប៉ូលិស​ក្របួច​បាន

ភ្នំពេញ៖​បុរស​ពីរ​នាក់​ត្រូវ​បាន​ចាប់​ខ្លួន​បន្ទាប់​ពី​ពួក​គេ​ឆក់​ខ្សែក​ជន​រង​គ្រោះ​មិន​បាន​ជោគ​ជ័យ​ស្ថិត​នៅ​ខណ្ឌ​ទួល​គោក​រាជ​ធាន​ភ្នំពេញ​កាល​ពី​ថ្ងៃ​ច័ន្ទ។​ប៉ូលិស​និយាយ​ថា​ពួក​គេ​បាន​ប្រព្រឹត្ត​សកម្មភាព​ឆក់​ខ្សែក​ជន​រង​គ្រោះ​បាន​សំរេច​ហើយ​ជិះ​ម៉ូតូ​រត់​គេច​ខ្លួន​តែ​ភ្លាត់​ស្នៀត​ដួល​ម៉ូតូ។​ប៉ូលិស​ក្របួច​ពួក​គេ​បាន។​បច្ចុប្បន្ន​ប៉ូលិស​បញ្ជូន​ពួក​គេ​ទៅ​តុលាការ។​

លួច​កាបូប​ភ្ញៀវ​ទេស​ចរណ៍​ត្រូវ​ប៉ូលីស​បញ្ជូន​ទៅ​កាន់​តុលាការ

ព្រះ​សី​ហ​នុ៖ បុរស​អាយុ​២១​ឆ្នាំ​ម្នាក់​ត្រូវ​បាន​គេ​ចាប់​ខ្លួន​នៅ​ក្រុង​ព្រះ​សីហនុ​កាល​ពី​ថ្ងៃ​អាទិត្យ​ បន្ទាប់​ពីលប​លួច​កាបូប​អ្នក​ទេស​ចរណ៍​ខណៈដែល​ក្រុម​គ្រួសារ​កំពុង​ហែល​ទឹក​លេង។​ជន​រង​គ្រោះ​និយាយ​ថា​​រូប​គេ​និង​ក្រុម​គ្រួសារ​ទៅ​លេង​ក្រុង​ព្រះ​សី​ហនុ។​នៅ​ពេល​ពួក​គេ​នាំ​គ្នា​កំពុង​ហែល​ទឹក​មាន​បុរស​ម្នាក់​មក​កលប​លួច​កាបូប​ស្ពាយ​តែ​ជន​រង​គ្រោះ​​បាន​ឃើញ​ភ្លាម​ក៏​រត់​ដេញ​ចាប់​ឲ្យ​ប៉ូលិស​។​ជន​នោះ​ពុំ​បាន​សារភាព​ថា​ខ្លួនមិន​បាន​លួច​នោះ​ទេ​តែ​ទោះ​ជា​យ៉ាង​ណា​ក៏​ដោយ​ប៉ូលិស​មាន​ភស្តុ​តាង​គ្រប់​គ្រាន់​ក្នុង​ការ​បញ្ជូន​ជន​នេះ​ទៅ​កាន់​តុលាការ។

ចាប់​បុរស​ម្នាក់​រឿងចាក់​គេពីរ​នាក់​រង​របួស​នៅ​ពេល​រាំ​រែក

ក្រចេះ៖ បុរស​ម្នាក់​ត្រូវ​បាន​គេ​ចាប់​ខ្លួន​បន្ទាប់​ពី​បាន​ចាក់​នឹង​កាំបិត​ទៅ​លើ​ជន​រង​គ្រោះ​បណ្តា​ឲ្យ​របួស​ធ្ងន់​នៅ​ស្រុក​ឆ្លូង​ខេត្ត​ក្រចេះ​កាល​ពី​ថ្ងៃ​អាទិត្យ​។​ប៉ូលិស​និយាយ​ថា​ជន​រង​គ្រោះ​និង​ជន​សង្ស័យ​បាន​រាំ​ក្នុង​ពិធី​ជប់​លៀង​មួយ​ស្រាប់​តែ​ពួ​គេ​ឈ្លោះ​គ្នា​មិន​ដឹង​ជា​រឿង​អី​នោះ​ទេ។​ជន​សង្ស័យ​បាន​ប្រើ​កាំបិត​មក​ចាក់​ជន​រង​គ្រោះ​ធ្វើ​ឲ្យ​របួស​ធ្ងន់​ធ្ងរ។​ប៉ូលីស​បាន​ធ្វើ​ការ​អន្តរាគម​ដើម្បី​ចាប់​ជន​សង្ស័យ។​រី​ឯ​ជន​រង​គ្រោះ​ត្រូវ​បាន​បញ្ជូន​ទៅ​កាន់​មន្ទីរ​ពេទ្យ។​អ្នក​ភូមិ​មាន​ការ​ភិត​ភ័យ​ជា​ខ្លាំង​មិន​នាំ​គ្នា​បន្ត​រាំ​ទៀត​នោះ​ទេ​ពួក​គេ​នាំ​គ្នា​ត្រលប់​ទៅ​ផ្ទះ​វិញ។​

រត់​គេច​៥​ឆ្នាំ​ត្រូវ​ប៉ូលិស​ចាប់​បាន​ដដែល​

កណ្តាល៖បុរស​អាយុ​២៩​ឆ្នាំ​ម្នាក់​ត្រូវ​បាន​គេ​ចាប់​ខ្លួន​បន្ទាប់​ពី​រត់​គេច​អស់​រយៈពេល​៥​ឆ្នាំ​បន្ទាប់​ពី​បាន​បង្ក​របួស​ស្នាម​ទៅ​លើ​ជន​រង​គ្រោះ​ម្នាក់​កាល​ពី​៥​ឆ្នាំ​មុន​នៅ​ស្រុក​ស្អាង​ខេត្ត​កណ្តាល​កាល​ពី​ថ្ងៃ​អាទិត្យ​។​ប៉ូលីស​និយាយ​ថា​ជន​សង្ស័យ​នោះ​បាន​រត់​គេច​ពី​ស្រុក​កំណើត​របស់​ខ្លួន​ដែល​ជា​ទី​កើត​ហេតុ​ជាង​៥​ឆ្នាំ​មក​ហើយ​ទើប​មក​ស្រុក​កំណើត​វិញ​ដើម្បី​មក​លេង​ក្រុម​គ្រួសារ​តែ​ត្រូវ​ប៉ូលិស​ចាប់​បាន​តាម​ដី​កា​របស់​តុលាកា។​ជន​សង្ស័យ​នោះ​និយាយ​ថា​រូប​គេ​មិន​នឹក​ស្មាន​ថា​ប៉ូលិស​នៅ​ចាំ​នោះ​ទេ​ទើប​មក​ស្រុក​កំណើត​មក​លេង​តែ​ត្រូវ​ជាប់​ខ្នោះ​ប៉ូលិស។​

ផឹក​ស្រវឹង​បើកបរ​ថយ​ឡាន​បុក​ក្មេង​ពីរ​នាក់

ភ្នំពេញ៖ស្រ្តី​ម្នាក់​បាន​បើក​បរ​រថយន្ត​ថយ​ក្រោយ​បុក​ក្មេង​ប្រុស​ពីរ​នាក់​បណ្តាល​ឲ្យ​រង​របួស​ស្ថិត​នៅ​សង្កាត់​ផ្សារ​កណ្តាល​ពី​ ខណ្ឌ​ដូន​ពេញកាលពីថ្ងៃអង្គារ។​ប៉ូលីស​និយាយ​ថា​ស្រ្តី​នោះ​បើក​បរ​ក្នុង​ភាព​ស្រវឹង​បាន​ថយ​ក្រោ​យ​រថយន្ត​ហើយ​បុក​ក្មេងប្រុស​ពីរ​នាក់​។​ប៉ូលីស​និយាយ​ថា​នាង​បាន​ប្រើ​អំណាច​ដោយ​និយាយ​ពាក្យ​គំរើស​គំរើយ និង​ស្តី​ឲ្យ​ប៉ូលីស​ចរាចរណ៍​ថា​ធ្វើ​ការ​មិន​ស្រួល​ប្រយ័ត្ន​ដក​សក្តិ។​សាក្សី​នៅ​ទី​នោះ​និយាយ​ថា​នាង​ឆ្លើយ​ដោយ​ឲ្យ​លុយ​១០០​ដុល្លារ​ទៅ​ក្រុម​គ្រួសារ​ជន​រង​គ្រោះ​ដោយ​ពាក្យ​សម្តី​ឈ្លើយ។​នាង​ចង់​ទៅ​ផ្ទះ​ដោយ​យក​រថយន្ត​ ប៉ុន្តែ​ប៉ូលីស​មិន​អនុញ្ញាត។​ប៉ូលីស​បាន​ស្ទូច​រថ​យន្ត​ទៅ​ការិយាល័យ​ស្នង​ការ​ប៉ូលិស​ដើម្បី​រងចាំ​ដំណោះ​ស្រាយ​។

ចូល​គុក​ពីរ​ដង​មិន​រៀង​ចាល់​ចូល​គុក​ម្តង​ទៀត​ដោយ​សារ​ប្រើ​កាំ​ភ្លើង​ខុស​ច្បាប់

ព្រះ​សីហនុ៖​ប៉ូលិស​ក្រុង​ព្រះ​សី​ហ​នុ​បាន​ចាប់​ខ្លួន​បុរស​អាយុ​២៩​ឆ្នាំ​បន្ទាប់​ពី​ពួក​គេ​ប្រើ​ប្រាស់​កាំ​ភ្លើង​ខុស​ច្បាប់​​កាល​ពី​សុក្រ​។​ប៉ូលិស​និយាយ​ថា​ការ​ចាប់​បុរស​រូប​នេះ​ខណៈ​ដែល​ពួក​គេ​ដើរ​នៅ​លើ​ឆ្នេ​សមុទ្រ។​ប៉ូលិស​ដែល​បាន​ល្បាត​តំបន់​នោះ​បាន​ឃើញ​បុរស​កាន់​កាំ​ភ្លើង​ខុស​ច្បាប់​ដោយ​គ្មាន​ការ​អនុ​ញ្ញាត​ត្រឹម​ត្រូវ​ទេ​នោះ។​ជន​នោះ​និយាយ​ថា​ខ្លួន​ធ្លាប់​ចូល​គុក​ពីរ​ដង​ម្តង​ហើយ​ម្តង​ដេក​គុក​ដោយ​សារ​ប្រើ​ប្រាស់​កាំ​ភ្លើង​វែង​និង​លើក​ទី​លួច​របស់​គេ​ហើយ​លើក​នេះ​ប៉ូលិស​បាន​បញ្ជូន​ពួក​គេ​ទៅ​តុលាការ​ដើម្បី​ធ្វើ​ការ​ចោទ​ប្រ​កាន់។​ប៉ូលិស​បន្ថែម​ថា​បើ​ទោះ​បី​ជា​ជន​នោះ​មិន​បាន​បាញ់​នរណា​គេ​ឲ្យ​រង​របួស​មែន​តែ​ប៉ូលិស​នៅ​តែ​ចោទ​ប្រើ​កាំ​ភ្លើង​ខុស​ច្បាប់។

ហ៊ាន​លូក​ហោ​ប៉ៅ​គេ​ត្រូវ​ប៉ូ​លិស​ចាប់​បាន​បី​នាក់

សៀម​រាប៖​ ​ប៉ូលីស​នៅ​ស្រុក​ថ្ម​ពួក​ខេត្ត​សៀម​រាប​បាន​ចាប់​ខ្លួន​បុរស​បី​នាក់​ដែល​លូក​ហោ​ប៉ៅ​ជន​រង​គ្រោះ​កាល​ពី​ថ្ងៃ​អាទិត្យ ។​ប៉ូលិស​និយាយ​ថា​ពួក​គេ​លូក​ហោ​ប៉ៅ​នៅ​ក្នុង​ពិធី​បុណ្យ​ក្នុង​វត្ត។​ប៉ូលិស​និយាយ​ថា​មាន​ជន​រង​គ្រោះ​ពីរ​បី​នាក់​ដែល​ចោរ​ទាំង​បី​នាក់​នោះ​លូក​ហោ​ប៉ៅ។​នេះ​មិន​មែន​ជា​លើក​ទី​មួយ​ទេ​ដែល​ពួក​គេ​នាំ​គ្នា​លូក​ហោ​ប៉ៅ​ព្រោះ​ពួក​គេ​ធ្លាប់​លូក​ហោ​ប៉ៅ​ជា​ច្រើន​លើក​ច្រើន​សារ​នៅ​តាម​បណ្តាល​ខេត្ត​​រួច​មក​ដល់​ខេត្ត​សៀម​រាប​តែ​ត្រូវ​ប៉ូលិស​ចាប់​បាន។ប៉ូលិស​និយាយ​ថា​ក្នុង​ម្នាក់​ជា​ជន​ពិការ។​ពួក​គេ​បាន​សហការណ៍​គ្នា​លូក​ហោ​ប៉ៅ។​បច្ចុប្បន្ន​ប៉ូលិស​បញ្ជូន​ក្រុម​ជន​សង្ស័យ​ទៅ​កាន់​តុលាការ។​

This content has been locked. You can no longer post any comments.
Show/hide comments
busy