Headlines:

តម្លៃ​កៅស៊ូ​ធ្លាក់​ទាប​បំផុត ជិត​៨​សប្តាហ៍​នេះ



Rubber

កៅ​ស៊ូ​ បាន​ធ្លាក់​ថ្លៃ​ដល់​តម្លៃ​ទាប​បំផុត​ក្នុង​រយៈ​ពេល​ជិត​៨​សប្តាហ៍ ដោយ​សារ​មាន​ក្តី​បារម្ភ​ថា លោក​ប្រធានា​ធិបតីអាមេរិក បារ៉ាក់ អូបាម៉ា និង​សភា​ជាន់​ខ្ពស់​អាមេរិក នឹង​ព្យាយាម​​រារាំង​វិបត្តិ​សារពើពន្ធ ដោយ​​កាត់​បន្ថយ​តម្រូវ​ការ​កៅ​ស៊ូ​ ដែល​គេ​យក​មក​ប្រើ​ប្រាស់​ដើម្បី​ផលិត​កង​រថយន្ត​របស់​វិនិយោគិន​។​

តម្លៃ​កៅ​ស៊ូ​សម្រាប់​ចែក​ចាយ​នៅ​ខែ​មេសា បាន​ធ្លាក់​ចុះ​២,៧​ភាគ​រយ មកនៅ​ត្រឹម ២៤២,២​យ៉េន​ក្នុង​មួយ​គីឡូក្រាម (៣ ០៣២​ដុល្លារ​ក្នុង​មួយ​តោន) នៅ​ផ្សារ​ដោះ​ដូរ​ទំនិញ​ក្រុង​ញូវយ៉ក ពោល​នេះ​គឺ​ជា​តម្លៃ​ទាប​បំផុត​ក្នុង​កិច្ច​សន្យា​ទិញ​លក់​សកម្ម​ជាង​គេ​គិត​ចាប់​តាំង​ពី​ថ្ងៃ​ទី​១៤ ខែ​កញ្ញា​មក។ កៅ​ស៊ូ​ក្នុង​កិច្ច​សន្យា​អនាគត ត្រូវ​បាន​ជួញ​ដូរ​ក្នុង​តម្លៃ ២៤៣,៣​យ៉េន​នៅម៉ោង ១២ និង​១៨​នាទី​ថ្ងៃ​ត្រង់​កាល​ពី​ម្សិលមិញ​​។

ប្រេង​នៅ​ទីក្រុង​ញូវយ៉ក ត្រូវ​បាន​ជួញ​ដូរ​​ជិត​ដល់​តម្លៃ​ទាប​បំផុត​ក្នុង​រយៈ​ពេល​បួន​ខែ ដោយ​កាត់​បន្ថយ​ចំណាប់​អារម្មណ៍​ចំពោះ​កៅ​ស៊ូ​ធម្ម​ជាតិ ដែល​ជា​ទំនិញ​ជំនួសឲ្យ​ផលិតផល​សំយោគ​។

ភាគ​ហ៊ុន​អាស៊ី បាន​បន្ត​លក់​ចេញ​អស់​នៅ​ទូទាំង​ពិភពលោក ខណៈ​ក្រុម​វិនិយោគិន បាន​យក​ចិត្ត​ទុក​ដាក់​ចំពោះ​វិធី​ ដែល​លោក​អូបាម៉ា ដោះ​ស្រាយ​ការ​ងារ​កាត់ប​ន្ថយ​ឱនភាព​សារពើពន្ធ។

This content has been locked. You can no longer post any comments.
Show/hide comments
busy