Headlines:

រន្ទះ​បាញ់ បាញ់​សម្លាប់​បុរស​ម្នាក់​និង​ម្នាក់​រង​របួស



DSC_0120
ផ្លេកបន្ទរនៅក្នុងទីក្រុងភ្នំពេញ។រូបថត ម៉េង គីមឡុង

បុរស​វ័យ ​៤២​ឆ្នាំ​ម្នា​ក់​បា​ន​ស្លាប់កាល​ពី​ថ្ងៃអាទិត្យ​ដោ​យ​សា​ររ​ន្ទះ​បាញ់ និ​ងម្នា​ក់​ទៀតរង​បួ​ស ខណៈប​រ​ម៉ូ​តូកាត់ភ្លៀង ដែល​ហេតុ​ការ​ណ៍​នេះ បាន​កើតឡើង​នៅ​ត្រង់ចំណុច​ស្រែអំបិល​សិ្ថត​ក្នុងភូមិ ​កែប ​សង្កាត់​កែប ​ក្រុង​-​ខេត្ត​កែប ​កាលពី​វេលា​ម៉ោង​៥​និង​​១០​នាទី​ល្ងាច​ ស្រប​ពេលដែលព្យុះភ្លៀងក៏​បា​ន​ធ្វើ​ឲ្យ​ផ្ទះ​រប​ស់​ប្រ​ជា​ព​ល​រ​ដ្ឋ​រា​ប់សិ​ប​ខ្ន​ង​នៅ​ក្រុ​ងភ្នំពេញ និងខេត្តកណ្តាល​រង​កា​រខូចខាត​ និង​បណ្តាល​​ឲ្យកុមារាអា​យុ​ ១០ម្នាក់​បា​ន​រ​ងរ​បួ​ស​ផងដែរ។

លោក​វរសេនី​យ៍ត្រី​ មុំ ស៊ីថា ​អធិការ​នគរបាល​ក្រុងកែប ​បានប្រាប់ថា​ ​ជ​នរ​ង​គ្រោះ​ដែ​ល​ស្លាប់ដោ​យ​សា​ររ​ន្ទះ​បា​ញ់​មា​នឈ្មោះ ថែ​​​ន ភាព ​ភេ​ទ​ប្រុស អាយុ​៤២​ឆ្នាំ ជាកម្មករ​ធ្វើ​កា​រ​នៅ​ស្រែ​អំបិល។ លោកបាន​ប​ញ្ជា​ក់ថា ជនរងគ្រោះបាន​ស្លា​ប់ ដោយ​សាររន្ទះ​បាញ់ នៅពេលមេឃកំ​ពុ​ង​ធ្លា​ក់​ភ្លៀង និងមានលាយ​ខ្យល់​បោ​ក​បក់ ខណៈ​ដែល​ជ​ន​រ​ង​គ្រោះ​កំពុង​ជិះម៉ូតូ​ ​ជា​មួ​យ​នឹ​ង​បុរស​ម្នា​ក់​ទៀ​ត ប៉ុន្តែបុរសនោះ​មិ​ន​មា​ន​គ្រោះ​ថ្នាក់​ដ​ល់​ស្លា​ប់ទេ គ្រាន់​តែ​ស​ន្ល​ប់។

បើ​តា​មលោក ​​កែវ​ វី​ អនុ​ប្រធាន​នាយកដ្ឋាន​ព័ត៌​មាន​និង​ទំនាក់​ទំនង​នៃ​គណៈ​កម្មាធិការ​ជាតិ​គ្រប់​គ្រង​គ្រោះ​ មហន្តរាយ​បាន​ប្រាប់​ភ្នំពេញ​ប៉ុស្តិ៍​​ កាលពីថ្ងៃម្សិលមិញថា ក្នុង​រយៈ​ពេល​១០​ខែ​ ដើម​ឆ្នាំ​២០១២​នេះ​ មាន​មនុស្ស​១០០​នាក់​ ​បាន​ស្លាប់​ដោយ​សារ​​​រន្ទះ​បាញ់​ ​និង៧០​នាក់​ទៀត​រង​របួស​ធ្ងន់​និង​ស្រាល​ ​​សត្វ​ គោក្របី​​​​៣២​ក្បាល ​ក៏​​បាន​ងាប់ ​និងផ្ទះ៥ខ្នងរងការខូចខាត​ផង​ដែរ​។​

This content has been locked. You can no longer post any comments.
Show/hide comments
busy